1 Yerusalem: vo zhainlun: bam khyid mae" Bedphage: we' Bethani vo khyo joe"2 li" na lao" , – Naungcao shid' yaug re ni" shid' zo" qhid' au: mae" vo khyo ye" lo" ge, vogaung: khug khyo vao ye: ge, khag' re: majui" qu" shi" zaung myao: nau" dadau: taui" to" rure ye: myao ge nae". Aire pheim:3 she: lo ge, – Byu dayaug yaug pe" mung: ai: ru: kaid' ko" i"? ga: myid: lao" ni" shid' zo: wa yao: re ngonhaung" AsAng ci qo: ga" ein: ta" ge, ai lao" yao: ayao: jao" zaung myao: re ce khyo nhao: ke' nae" ga: mho:4 ke' ra". – Naungcao tao wa ye" lo" mung: yham dayham kham: dung: ngha shaid' khyo yae mae myao: nau" dadau: taui" to" rure ye: myao lao" ai: myao: re pheim:5 she: ako". – Ai: tau mae ye; jo; ra" mo, wa zaung myao: nau" re pe" mung: pheim6 ko" i"? ga: myid' gelao" , – Yesu ta" ke' ru we' dakhyo: yao: bam re ta" kyo" ako". Ailao" yao: bam wa myao: nau" re she: lo"7 nhao: ako". – Yesu jhao" myao: nau" she: lo mung: yao: tao yao" mai bau: khyaid' nhe: byid: mung: AsAng re jui: nhao ko"8 ra". – Volo byu jham wa yao: bam: mai bau: re khyo mae myhung: byid: ko" ra". Getau damyo" wa mhin: dang" sag' kyao jham re xae" yu mung: khyo dang mae9 myhung: byid' ako". – Yao" qhid' mae thao mae cao" mo, wa zag: hug' mung: Hosana AsAng: mang mae joe" li" yaug wa nga: qo" ve shao: wo".10 Joe" lo nae" ngonhaung" yao: pho" Davi mang: din" wa nga: lho" veshao: wo". Myhao: thao" ra" jo, qo mae Hosana ngaid:11 ve shao: ga: ta" ako". – Yerusalem: khyo joe" lao" pa" jhaung: yham khug khyo vao ye: mung: ja: khao: ngo" ye: cao" qu" lhau: ra". Ba vao: lo" na lao" naung cao daxe: shid' yaug we' Bethani vo khyo gyo" ye" lo" ra".12 Ai: thao: ba ne, seim: no're" Bethani vo mae" dam: to" do, lo" ko" au: vae: moe'13 ra". – Avho' gyai maung" ra" pho' ham" gae dagae re va: mae" myao: ke' ra". Yao: wa ashi: zaui" laug ga: pho' ham" gae qao: khyo ye" lo" ra". Pho' ham" shi: zaui: yo, mangaid: yang: avho' za: maung" jo; rure14 ye: myao: ra".– Pho' ham" gae re thao phyao: pyaid da du nao mae" ashi: khag' re: ma qhug' zo: lo: geshao: ga: mho co' ra". Airu: ga" rure yao" naungcao qere: the' gyo" ako".15 Yerusalem: vo khyo dam: joe" ye" ako". Yesu wa pa" jhaung: yham khug khyo vao ye: yang: zai vai zai aung: mo, re khe' thug' pye' ra". Ngaui tha" zo: mo, gai" we' phaung" kyug' aung: mo; tao" jham re tau:16 mhaug' sin" pye' byid' ra". – Pa" jhaung: yham khug khyo pe" ja" zai rere: maci:17 lai: lhau nhao ngaid: ra". – Volo byu qere Nga" yham wa byumyu" cao jab; alhab' tau: jhaung: mho' yham ngaid: ga: mhang" genae" tau: jham: paug' mae tung" to" ra" mangaid: i"? ngaid qere: naonhaung" wa aire cangtau: khyaung kaid' pye' genhaung18 ga: mho" shid' na: ra". – Ai: akhyo re khin jaung qe we' jham: ba pho" qe the' gyo: gelao" AsAng re se' lhang" lhang" ako". Pe" mung: ga" re volo byu qe alhab' yao: mho" byid' ra" khyo re mug' hao" na: bam geyang: yao: bam wa AsAng re gyaug: ako".19 Myi" joe" lo lao" vo mo" taung gaung khyo thug' lo" ako".20 Ai: thao: ba no' mae" su" lai: lo" na: au: ai: pho' ham" gae wa gae geim" kyaug' shid: jo; rure myao: ako".21 Ailao" Petru' wa myid: beim" ke' mung: AsAng Mo"so we" qu" wa nao nhang: co' ra" pho' ham" gae wa kyaug' shid: byaug22 venhaung ga: ta" ra". – Yesu wa tau: mung:23 Mo"so re lam khug: na ge, – Ngo dang dang mho geli" khoyaug ngaid yang: re: yao" nhag' khug mae aug' o: myid mabo lo: za: yao: yao: ta" ru we' dakhyo: boe" nae" ga: lam: ra" yaug khag' ngaid qere: ce: bam re nao qui" lo" wa, . Aimung: bang: lae khyo gyo" vao lo" wa, ga: ta" ngaid: re yao: ta" ru24 we' dakhyo: boe" nae". – Airu: mung: ngo mho geli". Naonhaung" mho' ra" ja: alhab' qo" yu nae" ein: lam ge, alao" naonhaung" gaigai: yao: qo" khae: yu genae".25 Naonhaung" jhaung: mho' ye; jo; au: naonhaung" wa su re qobo vhin nae" jo, ko" ngaid: re ai: yaug: qobo re shi" khyaid' pye' byid: ge, . Ailao" za: mug: gaung: dao mae na: ra" naonhaung" pho" wa naonhaung"26 qobo re khyaid' pye' byid: nae". – Su geje: qobo re naonhaung" makhyaid' byid: ko" re mug: gaung dao mae" naonhaung" pho" re: naonhaung" shaid' ra" qobo re ma khyaid' byid: ga: mho: ra".27 Yerusalem: khyo dalhang dam: joe" lo" mung: pa" jhaung: yham mae su" qin" au: khin jaung qe jham: ba pho" qe we' zug:28 ade, qe yao: jhao" li" mung: – Nao ai jham re pe" kheim: so' yang kaid' i"? nao re ai: kheim: so' khag' yang byid' to" i"? ga: myid'29 ako". – Yesu wa yao: bam re ngo naon- haung" re shi" dao: dakheim: myid: ge li". Naonhaung" ai re qo" phyid gelao" , ai jham re ngo pe" kheim: so' yang kaid' ga" rure ta"30 kyo: nae". – Yohan byid' ra" Babtizan: wa Mo"so khyo" yang ngaid: i"?. Mangaid: lao" byu khyo" yang ngaid: i"? ngo re tau: gela,31 ga: mho: ra". – Ai bam wa Mo"so khyo" yang ngaid: ra" ein: ngonhaung" phyid: re naonhaung" pe" mung: Yohan re malam" ko" i"? ga: yao: ta" li" nae".32 Byu khyo" yang ngaid: ra" ein: ngon- haung" phyid: re volo byu qere gyaug: ca" ra".Pe" mung: ein: re byu alhab' mo; wa Yohan re gaigai: yao: Lapa ngaid: ga: myid:33 ako". – Yao: bam wa tau: mung: ngon- haung" maba ga: Yesu re ta" ako". Yesu re: yao: bam re ai jham re pe" khyo" yang kaid' rure ngo re: naonhaung" re mata" kyo: nae" ga: ta" ra".