1 Ne, seim no' mae" khin jaung qe , jham: ba pho" qe , lau: de, qe byin phye" qhaid' yang: Yesu re Pilaid' mang: zug: jhao" ye: she: qhaug' byid' ako".2 Ailao" Pilaid' wa yao: re nao Yuda qe: jhaung zug: ngaid: i" ?ga: myid: lao" Yesu wa nao ta" ru: ngaid: va" ga: phaug' tau"3 ra". – Khin jaung yin" qe wa yao: re qobo4 aja: ja: zhaug' ako". – Dam: dalhang Pilaid' wa nao pe" mung: ma phaug' tau" i"? yao: bam nao re khonho" gye kaid' qobo zhaug'5 na: rure qu" wa ga: dam: myid' ra". – Ngaid qere: pe" dao: dakheim: re: maphaug' tau" rure Pilaid' wa gyai mug' ra".6 Ai: poe ayo, mae mang: zug: wa mang: byu qe mho' ra" kyam: lhaung" to: mo, mae" dayaug yaug re nhao: ke' byid' ra"7 li jo; ra". – Ai: ayo, mae byu se' cangtau: kaid' yang: kyam: lhaung" to" Bana:ba'8 ga: mang: ra" byu dayaug na: ra". – Volo byu qe wa lhaung" kaid' na: ra" li jo; ru we' dakhyo: kaid' byid: nae" tau: mho'9 ako". – Pilaid' wa yao: bam re ngo Yuda jhaung zug: re nhao: ke' byid: nae" naon-10 haung" o ko" i"? ga: myid' ra". – Pe" mung: ceru: myid' i"? ga" re khin jaung yin" jham wa Yesu re myid nug: mung: yao" lo, mae li" qhaug' byid' to: ko" rure ba yang:11 ngaid: ra". – Pilaid mang: zug: wa Yesu re manhao Bana:ba' re nhao nae" tau: khin jaung" yin" qe: yang volo byu qere jhui"12 lhau: zhung" ako". – Pilaid' wa yao: bam re ai: ru: lao" wa Yuda jhaung zug: ga: naonhaung" mhang" ra" yaug re ngo khoru:13 kaid' zai? ga: dam: myid' ra". – Yao: bam wa yao: re pyao: dao jin" se' pye' wa, ga:14 dam: zag: hug' ako". – Pilaid' wa yao: bam re Pe" mung:? pe" ja" qobo kaid' va"? ga: myid: lao" yao: bam alhab' mo, wa yao: re pyao: mae jin" se' pye' wa, ga: je: zag:15 hug' ako". – Ailao" Pilaid' re: volo byu qere nhag' dag nhao nug yang: Bana:ba' re yao: bam jhao" nhao byid: mung: Yesu re be, yang: pyao: zang mae jin" lhao" se' pye' nae" tau: qhaug' byid' ke' ra".16 Gyezo: jham wa Pyetore: ga: mang: ra" qe, mo" khug khyo jhui" vao lo" mung: gye dathaui: geim" rere: khai: zhang" to: yang: AsAng re bau: qhang ne vhe'17 byid: mung: , – mug: gyain: zau: naui nag: to" ra" zau: maug re zhaung: byid'18 ako". – Yuda qe: jhaung zug: we" nga: lho" veshao: wo" ga: jung" nyhe' dao: we' phug'19 myao: byid' ako". – Qam thaung" yang au: mae be, khata: phoe" gyain: byid' ru we' paid' thaug' thaug' yang: yao: re goe, pa"20 ako". – AsAng re nug: khyo: bin: jung" pye' lao" bau: qhang rere: khyaid' pye' byid: yang: yao" mai bau: re dam: vhe' byid' thao pyao: zang mae jin" to: nae" tau: jhui" ye" lo" ako".21 Alexanda we' Refu tao: yao: pho" Simon ga: mang: ra" Kureni byu dayaug wa seyo mae" lo yang: su" na: ru yao: bam myao lao" maqaid maqui" pyao: re bao" vo,22 nhao: ako". – Yao: bam wa AsAng re au: gao: gye, ga: mang: ra" Golagotha: jo, qo khyo jhui" ye" lo" ako".23 AsAng re sag' xau we' phaung: to" ra" sabyi' qang: re byid' re makhae: yu ngaid:24 ra". – Pyao: zang dao mae jin" lhao" to: mung: Yao" mai bau: jham re pha" be, yang: jho" gae: yu: pye' ako".25 AsAng re pyao: zang mae be; jin" ra" ayo, wa ne, kao: dau dalhang be; yo, kho26 mae ngaid: ra". – Pyao: mae Yuda qe: jhaung zug: ga: yao: re qobo zhaug' ra"27 khyo" tung" te' to" ako". – Asang we' daga" cang tau: shid' zo: rere: lo, yo shaid' mae dayaug lo, kaung: shaid' mae dayaug pyao:28 mae be; jin" lhao" to" ako". – Ce: akhyo kam" wa yao: wa tarha" maci: ra" mo, mae bonghe' lum" qhug' ava" ga" jham: dao:29 dang: lo: ru ngaid: ra". – Khyo mae su" lai: lo" mo, re: Aha! pa" jhaung: yham re phyo' pye' mung: sam ba mae dam: qo" kaid'30 boe" nae" yaug , – Nao yao" gaung re nao khyaid' yu mung: pyao: dao mae" gyo" lo31 wa, mhao" ga: ta" ako". – Ai we' dakhyo: khin jaung qe we' jham: ba pho" qere: jung" gaui mung: su geje qere yao: khyaid' yu: ra". Yao" gaung re wa yao: maqo" khyaid'32 yu nhaung i"?. – Ngonhaung" the' myao mung: lam" nae" tau: mae Israel jhaung zug: Khristu wa ana" pyao: zang mae" gyo" lo veshao: ga: yao: cao: jho" ta" ako". Asang we' daga" jin" lhao" to: qhug' ra" tao re: bogaui: ako".33 Ai: ne, na" gaung: daxe: shid' yo, mae" myi" thao: tam" sam yo, joe" sho' damang" geim" no, sang: kyid mug: caid' byaug:34 ra". – Myi" thao sam yo, kho mae Yesu wa thoe qi: we' Eli Eli Lamasabadthani ga: hug' ra". Ai wa Nga" Mo"so pe" mung: ngo35 re shepye' ra"?ga" ru ngaid: ra". – Ai: nhae mae ye; jo, ra" mo, damyo" aire the' gyo: gelao" qu" ge, yao: wa Elia re khai: na: ra" ga: ta" ako".36 Byu dayaug to" ye" lo" mung: qid mhaid' mae sabyi' ajhin qang: khau" yu yang: je: jid: gyang: yao: au: mae thug' ze, mung: AsAng re byid: jhaug' zo" re" Elia yao: re li" khyo" nae" la, mali" khyo" yu37 nae" la, qu" na gelang: ga: ta" ra". – Yesu wa thoe mo" we' zag: hug' mung: kao38 gyo" lo" ra". – Ai: au: pa" jhaung: yham mae" qe, kyo kyo: to" ra" pin: cug' wa atho' mae" o khyo joe" sho' shid' gao go;39 sin" lo" pye' ra". – Ai: ru: hug' mung: kao gyo" lo" rure yao" qhid' kheim mae ye; jo; ra" gyezo: dayo re ug yaug myao lao" ce yaug wa gaigai: yao: Mo"so: yao: zo: ngaid:40 ra" ga: mho: ra". – Myiqe: damyo" re: va:41 mae" qu" na: bam: ako". – Ai bam: phaung mae yao: Galile mang: mae na shi" au: yao" thao cao" mung: yao: re caung: da" byid' ra" Magadala, Mari, , Yaku' we' Yoseb' tao: yao: myhi" Mari we' Solome: bam bobo: ako". Ai: maeYerusalem: vo khyo yao: we' daga" bodo, lo" ra" getau myiqe: jham myo: sho' mo, re: bo: ako".42 Ai: ba wa dug no: ba: qhid' mae" seim"43 jin" ra" ba na ngaid: ru mung: – Nhag' bo lam: lang" su , tarha" qe, do, phaung vao yaug Aremathiya' byu Yoseb' wa Mo"so: mang: din" myid: lam: lao" na: ru we' magyaug mavae Pilaid' jhao" vao ye: mung: Yesu mao gaung re ye: mho' yu:44 ra". – Pilaid' wa Yesu kao gyo" va" rure the' gyo: lao" mug' ru we' gye zug: pho" re khai: yu yang: kao gyo" ru khomyhao" ngaid va" ga: myid' ra".45 Shid va" akhyo gye zug: pho" ta" kyo: lao" Yoseb' re mao gaung yu: lo" nae"46 akhang" byid' ke' ra". – Yoseb' wa AsAng: mao gaung re pyao: mae" khyo" yu mung: yao: vai: ci: li" ra" jid: mo" pin" yang thab' mung: laug thin mae khyaung" to" lab khug mae ye: vo; kai" to: mung: lab kham: rere: laug the: da the" yang lhang" jhid' to: co' ra".47 Magadala, Mari we' Yoseb' yao: myhi" Mari' bam wa mao gaung to" ra" jo, qo re qu" na: ako".