1 Dug no: ba lai lao" Magadala, Mari' Yaku yao: myhi" Mari' we' Solome: bam wa mao gaung re gyaid nae" tau: sheim nae2 pyo" ra" xau vai mung: – Nhaid' ba ein: ra" saoqhid' ba ne, seim no' mae" ba thug'3 so' mae lab kam: ye" ako". – Ai: myiqe: qe wa ai: lab kham: jhid' to" ra" laug the: re khoyaug: yang tau: qhui" pye' byid' la, i"? ga: khyo le; mae yao: cao: jho" ta" ako".Ye: qu" ke' ko" re kham: dung: mae" laug the:4 qhui" pye' to: ko" rure myao: ako". – Ai:5 laug the: gyai qi" ra". – Yao: bam lab khug khyo vao ye: ko" re mai bau: phyu ve; ra" zolau: da yaug lo, yo shaid' mae zaung: jo, rure ye: myao mung: din: mug' byaug:6 ako". – Ai: yaug wa yao: bam re dadin: mug' ge, naonhaung" wa pyao: mae jin" lhao" se' pye' ra" Nazared' mae" Yesu re qho: na: ako". Yao: wa daui: to" lo" va". Ce: mae mana lo: yao: re mhao" to" ra" jo,7 qo re qu" ge, . – Naonhaung" lo" mung: Petru we' naungcao qere Galile mang: khyo naonhaung" qhid' au: mae ye" lo" na nae" ga" khyo re lo" ta" kyo: ge, . ta" lai: lo va" we' dakhyo: ai: mang: mae naon- haung" AsAng re the' myao: li" genae" ga:8 ta" ako". – Ai: myiqe: qe wa lab khug mae" thug' lo mung: din: nin" ru we' mug' hao" phao: lo" byaug: ako".Gyaug geyang: khag' re re: mata" kyo: ko" ngaid: ra".9 Dug no: thao: ba ne, seim mae AsAng: yang yui nhad' dau: khe' thug' pye' byid' ra". Magadala, vo mae" Mari' re AsAng wa saoqhid' na: qhu" ra".10 Mari' wa tug' lo" mung: AsAng we' daga" lhaung" na: qin" ko" mo, re lo: zhao:11 kyo" ra". – AsAng wa kao daui: na: ga" ru re re: , Mari' re gaung li" qhu" va" ru rere: yao: bam the' gyo: qere: malam" ko".12 Ai: thao Asang wa seyo: vogaung: khyo su" ye" lo" na ko" ra" naungcao shid' yaug re getau: ve, bao khyo" yang yao" gaung re na:13 qhu" ra". – Yao: shid' zo: wa dam: tug' phao: lo mung: dang: ra" naungcao qere ai: akhyo re lo: ta" kyo: qere: malam" gengaid: ra".14 Ai: thao naungcao daxe: dayaug zo zo" na ko" au: yao" gaung na: qhu" ra". Yao: bam re yao: shid: ru mae" dam: daui: to" li" thao yao: re the' myao va" mo; dao: re naungcao qe malam" ko" ru: yang: yao: bam: lam khug myid mabo nhag' lam: qao ko" rure qeim: ra".15 Naonhaung" mug: myid gam: sho' geim" khyo ye" lo" mung: byumyu" cao jab alhab' re ai: ngaui bau: lau dao: ye: hau"16 kyo: ge, – Lam" mung: Babtizan: khae: yu: ra" yaug wa khyaid' yu: ru qhug' nae". Malam" ra" yaug kam" wa dao: phyid' ru17 qhug' nae". – Lam" ra" mo, wa nga" mang khyo" yang yui jham re qo" khe' thug' pye' li" genae". Gekai: lai dao: jham re re: qo" jhau: li" genae".18 Lhao maui jham re lo; yang qo" taung: genae". Shid nae" ja: khin cid' myo: no; shaug' gengaid qere: pe" maca" genae". No phyo: qhug' ra" mo; au: dao mae lo, kai: byid: lao" no phyo: qhug' ra" mo, gai: shao: lo" nae" ga: mho: ra".19 AsAng Mo"so wa yao" naungcao qere byin pin: to: co' thao mug: gaung khyo to' yu: ru qhug' mung: Mo"so: lo, yo shaid' mae zaung: na: ra".20 Naungcao qe thug' ye" lo" mung: jo, qo khyi" khao: ngo" mae cao" hau" kyo" ako".AsAng wa yao: bam we' daga" mau" bozaui" ra" yao" mung dao: jham rere: mug' pho" mau" aja: ja: khyo" gang" tang byid' na: ra".