1 Ana" qidtham: thoete' mae" Gadara2 mug: khyo yao: bam ye" lo" ako". – Yesu lha mae" thug' we' mashao: yui de; ra" byu dayaug lab bug mae" thug' li" yang:3 AsAng re li" qhug' ra". – Yao" na jao: wa lab bug ngaid: . Yao: re khag' re: maqo" taui: ngaid: ako". Jao co" yang lao" maqo"4 taui" to: ngaid: ra". – Khoru: ga" re yao: wa myo: sho' lhang kyam: vhe' mung: jao co: taui" yang re: taui" to" qu" veko". Ngaid qere: lhang khao: ngo" jao co: taui: re lao" phyid' pye' mung: kham: rere: lao" kho' sin" pye' ra". Aimung: yao: re khag'5 re: maqo" zaui: ngaid: ra". – Myi" na" lab bug mae we' bug gaung mae za: na: qin" mung: zag: hug' ru we' yao" gaung re laug baui yang deim" gyain: caid' ci mung: na:6 ra". – Yesu re va: mae" byu: myao: ke' lao" tao" ye: yang: yao" qhid' kheim: mae paid'7 thaug' goe; pa" mung: , – Myhao: thao" ra" Mo"so: yao: zo: Yesu we" ngo we' nao pe" jho" tin" i". Ngo re mapyam" yhin" veshao: ngo wa Mo"so: mang mae mho' bain" ra"8 wo" ga: zag: gyi: hug' ra". – Yao: airu: gyi: hug' ru wa mashao magyang" yui we" byu ce: yaug mae" phao: thug' lo" se, ga: Yesu9 amyin" byid: yang: ngaid: ra". – AsAng wa ni" mang pe" ga" ga: myid: lao" ngonhaung" myo: sho' mo, ngaid mung: nga" mang Legion: ngaid: ga: tau" ra". Legion: ga" lase" wa gyezo: myo: sho' ug: ga" ru ngaid:10 ra". – Ai: mug: mae" getau khyo makhe'11 thug' pye' nae" tau: gyai ga: mho' ra". – Ai: tau mae" kha" am: mae vo, phaung mo"12 dajham baid zo" na: ako". – Mashao gyang" ra" yui jham wa ngonhaung" re ai: vo, jham mae vao nae" akhang" byid:13 la, ga: mho' ra". – Yesu wa yao: bam re akhang" byid' ke' ra". Mashao gyang" ra" yui jham wa ai: yaug mae" phao: thug' lo" mung: vo, jham mae ye: vao: ako". Vo, jham yui li" vao gelao" shid' taung kho bo: ra" vo, jham wa dung" kam" myhao mae" qid tham: khyo byae: vao mung: nab: shid:14 pye' ako". – Vo, zaung" mo, tao" phao: lo" mung: vomo" vogaung: mae re: cao" ta" kyo" qin" ako". Ailao" boe" ra" akhyo re qu" nae" ga: vobyu qe wa vo mae" thug'15 ye" lo" ko" ra". – Yao: bam AsAng jhao" joe" lao" qhid' phyao: mashao gyang" ra" yui de, yaug wa mai bau: nyang" za: ve, yang: nhag' gyang: gyang: zaung: jo; rure ye: myao gemung: yao: bam gyai gyaug:16 byaug: ako". – Ai: akhyo re the' myao: ra" mo, wa mashao gyang" ra" yui de, yaug we' vo, jham mae khoru: boe" lai: lo: khyo re17 vobyu qere lham: zhao: kyo" ako". – Yao: bam wa yao: bam: vo mae" thug' lo" nae"18 tau: mho' vhao" ako". – Lha mae vao ye" lo" na: au: azhao yui de, yaug wa AsAng jhao" yao: re: cao: qin" nae" tau: mho'19 ra". – AsAng wa yao: re akhang" mabyid: lo: ni" yham khyo lo" mung: yham byu qe we' ba nam qere AsAng wa nao re khoqhi" nhag' myain: yang: bao" thaug' va" khyo re20 lo" ta" kyo: wa, ga: mho: ke' ra". – Ai: yaug wa lo" mung: Yesu yao: re khoqhi" bao" thaug' byid: va" khyo re Dekapoli mang: jao: sho' hau" lo" ra". Aire the' gyo: mo, alhab' re: gyaug: ru we' gyo" mug' ako".21 Yesu wa galile tham: thoete' khyo dam: gau" de; lo yang: qid yae mae lo: no" na: re volo byu myo: sho' yao: jhao" zang" ham:22 li" ako". – Ai: au: Ya iru' ga: mang: ra" ham: phaung jao: ug lau: de, pho" dayaug yao: re li" qhug' ra" yao: wa AsAng: khyid23 qao: mae paid' thaug' thaug' mung: – Nga" zo: myiqe: nau" wa shid: lo" na: ra". Yao: no gai: lo" mung: daui: na nae" tau: mae" yao" dao mae lo, li" kai: byid: la, ga: maqaid24 maqui" mho' ra". – AsAng wa yao: we' daga" cao" ye" lo" ra". Byu thaui: mo" zang yao" thao cao gemung: Yesu re the' tin"25 zao" ako". – Ai:au: byu thaui: mae daxe: shid' zin sa: sheim no no: ra" myiqe: myhi"26 da yaug bobo: ra". – Mocid' pho su myo: sho' yang pho: qu" va". Yao: qo" ra" gu: alhab' gain sho' pho ngaid qere: no gai: li"27 ru majo, je: za: no: li" ra". – Yao: wa Yesu28 akhyo the' gyo" qu" va" ru mung: – ngo wa yao" mai bau: thao kholao" qhug' the' soe' ngaid: re gai: lo" nae" ga: myid yang: byu phaung khyo jhin" vao ye: mung: AsAng:29 bau: thao ye: zao" soe' ke' ra". – Ayao: jao" sheim: na: ra" sa: dam: lo" byaug: ra". Aimung: yao" no gai: byaug va" rure30 yao: beim" ra". – Yesu yao: mae" qam: so' phung" thug' lo" rure ayao: jao" beim: mung: byu phaung shaid' khyo lhang: qu" ke' mung: nga" bau: thao mae khoyaug31 zao" tin: ko" ga: myid' ra". – Naungcao qe wa volo byu qe nao re the' tin" zao" rure nao myao: na gau ngo re khag' the' tin" ko"? ein: pe" mung: myid' ra" ga: yao: re32 tau" ako". – AsAng wa yao: re li" the' soe' yaug re myao sho' ga: volo byu phaung33 lhang" gam: qho: qu" na: ra". – Ai: myiqe: myhi" wa yao: mae boe" lo va" khyo re ba beim: yang: gyaug: nin: ru we' Yesu qhid' kheim: mae goe; pa" yang: yao: mae boe" ra" khyo re dang main" ra" khyo" ta" kyo"34 ra". – AsAng wa myiqe: zo: we" ni" lam" myid wa nao re gai nhao va". Ngaui bau: taung" lo" se, . Ni" no phyo: gai: jao" lo" veshao: ga: mho: ke' ra".35 Yao: dao: jhau: na shi" au: Ya iru' yham mae" mo, joe" li" mung: ni" myiqe: zo: shid va". Pe" mung: mho" pho" re lhaung:36 na: lo" ga: li" ta" ra". – Ai: dao: re Yesu the' gyo: we' ham phaung jao: ug lau: de, pho" re dagyaug ge, lam" za: lam wa, ga:37 mho: ra". – Petru Yaku we' yao: nhaung: Yohan mae" jain" yang: geje majhui: lo: ye"38 lo" ako". – Ham phaung yham ug lau: de, pho" yham mae ye: joe" lao" mo, thaui: mo, yaug gyai kaug' ngug: yhai: na ko" rure39 myao: ra". – Yao: yham khug khyo vao ye: yang: pe" mung: kaug' ngug: yhai: na ko". Ce zoshao nau" wa shid: ru mangaid: yab: jo; ru angaid: ga: yao: bam re mho:40 ra". – Yao: bam wa gaui mho shao" pyao: ru we' jung" qi: pye' ako". Aimung: byu alhab' re taung gaung khyo nhao: thug' ke' mung: ai: zoshao: myhi" pho" tao , AsAng we' daga" li" ra" mo, re za: jhui: yang: zomyi: nau" mhao" to" ra" jo, qo khyo vao41 ye" ako". – Myiqe: nau" lo, re zaui: yang: Talithakumi: ga: mho: ra". Ai: dao: kheim: wa myiqe: nau" we" to" wa, ga" ru ngaid:42 ra". – Ayao: jao" myiqe: nau" wa to" li" mung: su" lo: ra". Yao: wa daxe: shid' zin ngaid: ra". Airu: mung: yao: bam wa gyai43 mug' byaug: ako". – Ce: akhyo we' tin: yang: naonhaung" khag' rere: data" kyo: ge, lhe" ga: gai gai: yao: zug' nhao mung: ai: myiqe: zo re zo: nam daja: ja: re byid: zho: ge, ga: mho: ra".