1 Ai: thao tham: yae mae dam: mho" shid' na: au: byu phaung mo" zang yao: jhao" zang" ham: li" gelao" yao: wa tham: mae" lha dalha mae ye: vao: zaung: jo; ra". Volo byu qe wa tham: yae taung gaung mae na:2 bam: ako". – Ai: au: yao: wa dao: tau" myo: sho' ja" yang yao: bam re mho" shid' na:3 ra".– Tae" gyo: ge, byu dayaug wa myug:4 shi: sin: nae" ga: thug' ye" lo" ra". – Yao: ye: sin" ke' ra" myug: shi: da qhae: wa khyo dang mae gyo" yang: ngho' jham: yang gaug5 zo" pye' ako". – Daqhae: wa myid zhai: mathau: ra" laug qain" mae gyo" lo" ra". Myid zhai: mathau: ra" mathao mae yaug:6 thug' li" ngaid yang: re: – ba thug' li" lao" lhe' mhai" pye' ru we' agyi: no, sho' maqo"7 cin" ru: yang: jhoe' byaug: ako". – Daqhae: wa zau: bye, qao: mae gyo" lo" ako". Zau: bye, yaug: qi" li" ru we' qhovo: re bam" hab' se' pye' byid: mung: ashi: maqo" zaui:8 ngaid: ra". – Daqhae: wa myid myain mae gyo" lo" ako". Yaug: qi" li" mung: ashi: mo zaui" li" ra". Daqhae: wa sam xe , daqhae: wa khyaug' xe , daqhae: wa dayo nho"9 myo: laug: li" ra". – No: khye' de, yaug wa gyo" yu geshao: ga: mho: ra".10 Gug' ra" jao: mae ngaid lao" naungcao da xe: shid' yaug we' daga" cao" lhau mo, wa dao: tau" jham re pheim: kyo: nae" tau:11 mho' ako". – Asang wa yao: bam re Mo"so: mang: din" we' tin: mung: no; thao" ra" akhyo jham re ba: gyo: nae" akhang" naon-12 haung: the' yu: a veko". – Ai: akhang" re maqo" yu: ra" mo, kam" wa qu" ngaid qere: mamyao gyo: ngaid qere: lase" re maba: gyo: ngaid: ra". Yao: bam: ave, matha" , qobo malhoe' lhoe' wa yao: bam re dao: tau" khyo" yang za: hau" kyo" na ca".13 Naonhaung" ce: dao: tau" re ma ba: gyo: ko" i"?. Airu: ngaid: re dao: tau" alhab'14 re khoru: tho' ba: gyo: genae". – Myug: shi: sin: yaug wa mung dao: re sin" ke'15 ra". – Ai: tarha" dao: re khyo dang mae sin" ra" akhyo wa tarha" re the' gyo: lao" jao" lahaung: lapao: yang nhag' lam khug mae16 yu: pye' byid' ru ngaid: ra". – Laug qain" mae gyo" ra" myug: shi: wa Mo"so: mung dao: re the' gyo: lao" jao" ngaui bau: taung" nhag' khug mae khae: yu gengaid yang: re:17 akao" mavao" dazab za: lam mung: , – Ai: mung dao" mathao mae qug: khai" ru mangaid: lao" pyam" yhin" ru qhug' lao"18 phyaid za: dam: phaug' lo" ako". – Zau: bye, qao: mae gyo" ra" myug: shi: jham wa mung dao: re the' gyo: gengaid yang:19 re: – Ce: ta mae" mau" zo" we' jo, nho" yang mhug' sham" ru we' aja: ja: re myo, no, o: byid: ra" ru yang mung dao: re nghoe' gam: pye' yang: mung dao: ashi:20 maqo" zaui" rure ta" ru ngaid: ra". – Myid myain mae gyo" ra" myug' shi: wa mung dao: re the' gyo: mung: cao" pyang" yang: ashi: zaui" ru we' sam xe nho" khyaug' xe nho" dayo nho" gai: bai" myo" li" ru ngaid: ga: yao: bam re dam: sho' kyo" ra".21 Ai mae" dagau: myi: dam re myi: tao" dao mae mato: lo: agyid' mae to: yang: dao" yang zhaung" nghoe' to: nae" ein: ci: li" ko"22 i"?. – De: de: mamyao: ja: alhab' bao: thug' li" nae". Nyham" to" ra" ja: alhab' re: gyao:23 lao vin" thug' li" nae". – No: khye' de, mo,24 wa gyo" yu geshao: ga: mho: ra". – Xo' mho shi" ru wa naonhaung" the' gyo" ja: re gelho: za: xam: ge, naonhaung" lag byid' ra" jao: mae" naonhaung" re dam: lag byid'25 rure qhug' genae". – Nao wa qo" ra". Ai: yaug re paug' laung: byid: shi: nae". Nao wa myaung: ra". Ai: yaug mae" qo" gu: lao" yu: pye' byid: shi: nae".26 Aimae" dagau: byu wa yo mae myug:27 shi: sin" to: mung: madam: ye: lo: – Maqu" mageim , myi" na" yab: ke' qu" to" ke' qu" ana: na qere: myug: shi: wa yaug qi" li" ru28 we' Mo"so: mang: din" dau: ra". – Myid gaung wa yao: yao: za: ai: ashi: re zaui" li" nhao mung: anyaug anhae thug' li" nhao mung: thao re mo: ra" ashi: zaui" li" nhao:29 ra". – Ashi: mhang" lao" yaid yo, joe" va" ru mung: yao: wa lagam" yang ye: yaid: yu: ra" ga: yao: bam re mho: ra".30 Xo' yang: mho shi" ru wa Mo"so: mang: din" re pe" nam we' dao: tau" qhu" shi: nae" i"?. Pe" ja" dao: tau" ci mung: ta"31 nae" ein: re , – Mo"so: mang: din" wa ao: shi: we' dau: ra". Ao: shi: wa myid gaung dao mae ngai: thao" ra" ashi: ngaid:32 ra". – Ngaid: yang: re qho" ke' lao" yaug: qi" li" ru wa myo, gae alhab' tho' mae je: qi: mung: akaung ako' jham re: qi" byo: li" ru we' ai: aqab mae ngho' jham qo" khug: ra"33 agae boe" li" ra". – Dao: tau" aja: ja: khyo" volo byu qe qo" ba: gyo: sho' mung dao: re34 mho" shid' kyo" ra". – Dao: tau" mabo lo: mamho: kyo: ngaid: ra". Dao: tau" bin sho' re naung cao qe jhao" gug' ra" khyi" dam: pheim: kyo" ra".35 Ai: ba myi" thao joe" lao" AsAng wa ngonhaung" tham: thoete' khyo gau" de;36 lo" gelang: ga: mho: ra". – Yao: bam wa volo byu qere to: co' mung: AsAng ye: vao: na: ra" lha dao mae vao: zaung mung: gau" lo" ko" ra". Getau lha jham re: bobo:37 ako". – Ai:au: mae la qam" mo" hug' lo mung: bang: lhung" yang lha khug khyo qid be; vhao" ke' mung: lha khug khyo qid38 byang" lo: ra". – AsAng wa lha thao mae au: khau" khau" mung: yab: myhid' jo; au: naung cao qe wa yao: re nhug' mung: mho" pho" we" ngonhaung" nab: shid: lo" na: rure nao pe" shui manho i"? ga: yao: re39 ta" ako". – AsAng wa yab: jo; ru mae" to" li" mung: la we' qid dae re tae" lo" gese, ga: mho: ke' ra". Ailao" la qam" we' qid40 dae re: tae" lo" byaug: ra". – AsAng wa yao" naungcao qere naonhaung" ai qhi" pe" mung: gyaug ko"? naonhaung" ana" joe" sho' lam khug myid mabo shi: ge i"? ga:41 mho: ra". – Yao: bam wa gyai gyaug: ru we' byu ce yaug wa khoru" su ngaid: ra" i"?. La we' qid dae lao" yao" dao: tae" gyo" ako" ga: dayaug we' dayaug jho" ta" mug' na: ako".