1 AsAng wa pa" jhaung: yham mae" thug' li" au: yao" naungcao qe mae" dayaug wa AsAng Mo"so we" qu" wa, ce: qhi" gyag: ra" laug baui jham we' laug yham jham angaid2 nhaung i"? ga: ta" lao" – Yesu wa yao: re laug baui dabaui dao dabaui makai: lo: sho' byo, qeim: lo" li" nae" ga: mho: ra".3 Pa" jhaung: yham mae" tau" te' zhain: lun: bam mae zaung: na ko" au: Petru ,4 Yohan , Yaku' we' Andare: bam wa , – Ai: gu: khonhae" boe" nae" ru re , ai: gu: boe" dang: li" au: pe" ja" ve, lho boe" thug' li" nae" ru ngonhaung" re ta" kyo: la, ga: khug' myid' ako".5 Yesu wa naonhaung" re khag' yang re:6 majhui" pyag' lo" ge, shao: lha" ge, – Byu myo: sho' mo, wa ngo ceru: mang yaug ngaid: ga: mho mung: nga" mang khyao: mhug' mhang" ci mung: thug' li" yang: byu myo: sho' re jhui" pyag' lo" byaug7 genae". – Gye jho" she mung: mang: jho" zin: ko" ga" lau dao: jham re the' gyo: ko" re naonhaung" dagyo" din ge, ai: gu: wa boe" li" ca" ra". ngaid qere: lo" thao" ru wa8 mangaid: shi: . – Byu damyu" we' damyu" Mang: din" dalam: we' dalam: mang: jho" zin" li" genae". Bao" khug' khug' lo nae". Ce jham wa qug: khai: kyi" khyag' ru aqhid shi" ngaid: ra".9 Naonhaung" wa khag' re: khag' yao" gaung re lha" na ge, .Yao: bam wa naon- haung" re zug: mo" qe: phaung gaung: khyo qhaug' byid' pye' genae". Ham phaung jao: mae naonhaung" wa pab' pab' be; pab' ru qhug' genae". Naonhaung" wa nga" mathao mae mang: vin mo" we' jhaung zug: qe: qhid' mae sagso: boe" nae" tau:10 jhui" she: ye" lo" ru qhug' genae". – Ngaui bau" lau dao: byumyu" cao jab re saoqhid' hau" kyo" li" genae". Naonhaung" re taui" she mung: tarha" yung" khyo qhaug' pye' ko" re pe" ta" nae" laug ein: damyid: ci"11 ge, . – Ayo, joe" lao" naonhaung" re jhau nhao: ru we' dakhyo: jhau ge, khoru: mung: ga" re ai: dao: jham wa naonhaung" jhau: ru mangaid: shao gyang" solo jhau:12 ru ngaid: ra". – Ai: ba na ayo, mae yao: mao: wa yao: nhaung: re shid nae" khyo jhui" qhaug' pye' li" genae". Yao: zo: jham wa myhi" pho" qere gye kaid' mung: myhi" pho" jham re: yao: zo: jham re se' nhao: li"13 genae". – Nga" mang khyao: mathao mae byu alhab' mo; yang naonhaung" re ma nug mung: ru qhug' genae". Ngaid: yang: re: athao" joe" sho' zang: qhao" yaug wa khyaid' yu: ru qhug' nae".14 Daniel pa dao: we' dakhyo: phyo' qheim" ba: ra" ca' pho: wa majo, ang: ra" jao: mae zhaug' to" rure naonhaung" myao lao" jham: dao: re qu" yaug ba: gyo: shao: ai: khyo myao lao" Yuda mang: byu qe wa Bam15 dao khyo tao" do, geshao: – Yham khaung dao mae na: ra" yaug wa yham khug khyo mavao lo" shao: yham khug mae" zai daja:16 ja: rere: malo" tug' yu shao: . – Yo dae mae na yaug re: yao" mai bau: yu: ci nae" tau:17 yham khyo madam: tug' lo" shao:. – Ai: ba na ayo, mae gaung la: mo, we' zoshao nug' nau" ci mo, gyai yao: qug: khai:18 genae". – Ai ru: mung: ai: ayo, wa xaung: gaung ayo, re ma-ang nae" tau: mae" Mo"so19 re jhaung: mho' na ge, . – Pe" mung: ga" re ai: ta mae qug: khai: kyi" khyag' ru wa mug: thug' sao peim mae" dalhang re: maboe" qu" shi" ru we' thao phyao: re ma boe" lo nae" qug: khai: kyi" khyag' wa boe" thug'20 li" nae". – Ai: ayo, ba na jham re Mo"so wa qhang nhao: ngaid: re khag' re: maqo" loe, nae". Khyin: to" ra" mo; tau: mae"21 kam" ai: ayo, wa lang" ra". – Byu dayaug yaug wa naonhaung" re qu" ge, ce: tau mae Khristu na: ra". Thoetau mae na: ra" ga: ta"22 ko" ngaid: re dalam" ge, . – Pe" mung: ga" re Khristu lho she' mo, we' lapa apyag' qe thug' li" genae". Gai: boe" ngaid: re yao: bam wa khyin: to: va" mo, re lao" qo" jhui" pyag' yu nae" tau: mae ve, lho jham we' mug' pho" mau" jham re kaid' qhu" li"23 genae". – Naonhaung" wa lha" yang: na ge, . Ngo wa ce: gu: alhab' ta" to: va".24 Ai re" ru: qug: khai: kyi" khyag' boe" thao mae ba wa cag' no; byaug mung:25 lho" re: sham: byaug nae". – Kyi jham re: mug: gaung mae" byid: gyo" lo" byaug mung: mug: gaung mae" qam: so' jham re:26 laui" nin" li" nae". – Ai: au: Byu: yao: zo: wa qam: so' phung bao we' jham phyu la lhang" thaui: jui: yang: li" rure the' myao27 genae". – Ai: thao Byu: yao: zo: wa mug' logyo: jham re myo, nho byid shaid' mae" yao" yang khyin: to: va" mo, re cao" zhang" yu: li" genae".28 Pho' ham" gae re qu" yang: ba: beim: ge, pho' ham" gae mae anyaug nau" mung: avho' taid' li" lao" zin vao kheim: joe" li"29 na va" rure naonhaung" ba: ako". – Ai we' dakhyo: ai jham boe" lo: na: rure myao: li" gelao" Byu: yao: zo: wa kham: dung: mae30 joe" na va" ein: rure beim: ge, . – Ngo dang dang mho geli". Ana" na: bam: ra" byu ce qhae" alhab' mashid shi: re ai jham alhab'31 boe" lo: li" nae". – Mug: gaung we' myid gaung byo; byaug qere: nga" dao: wa tang: jo, nae".32 Ngaid yang: re: ai: ayo, we' bana re khag' maba. Mug: gaung mae" mug' logyo: jham we' yao: zo: lao" re: ce: akhyo re33 maba. – Ai: ayo, bana wa khoyo, ngaid nae" ru naonhaung" maba ko" ru mung:34 lha" yang: lhaug' lao" na ge, . – Dao: tau" byu dayaug mug: va: khyo gyaung: su" lo" ru we' dau: ra" yao: wa yao" jeim qe yaug khao: ngo" re mau" gae: to: co' yang: kham: zaung" yaug re gelho: za: lhaug' zaung" nae" pin: to: co' mung: yham mae" thug'35 lo" ra". – Ai: Yham sang wa mug: caid' yo, , gae gaung: myi: , qo, teim bam: nae, seim no' mae la, khonhae" joe" lo nae" rure naon- haung" maba: to" ru mung: lha" yang: lhaug'36 lao" na ge, . – Aru: mangaid: lao" yham sang nyag din taung" joe" lo: au: naonhaung" yab:37 myhid' jo; rure lo: the' myao nae". – Lao" na ge, ein: naonhaung" re ngo mho: ru we' dakhyo: alhab' rere: ngo ta" ra" ga: mho: ra".