1 Ai: thao shid' ba lai lao" lai loe, poe main" mabo: cinmain" zo: poe ngaid: ra". Khin jaung mo" qe we' jham: ba mo, wa AsAng re khoru: kaid' yang: qo" yho" mung: se' pye' nae" akhyo re qho: na:2 ako". – Ngaid yang: re: yao: bam wa mang: byu jham malhun" li" geshao: poe ba na mae dakaid' ge, ga: jho" ta" ako".3 AsAng wa Bethani vo mae Simon: ga: mang: ra" ye, gyaid: yham mae zo zo" na: au: myiqe: myhi" dayaug wa gyai phug' de; ra" na:du' xau gyang: thaug' dathaug' ci: li" mung: Asamg au: mae vhe' sheim" gyaid4 byid' ra". – Damyo" wa aire qu" o: byid yang: yo" ako". Pe" mung: ai: xau re amyid:5 avho: kaid' pye' ra" ?. – Xau aire ngaui sam yo kye' jain" mae" aung: mung: myaung sho: mo, re gae byid' re gai: ra" ga: yao: cao: jho" ta" ru we' myiqe: myhi" re qobo6 vhin: ako". – Yesu wa ai: myiqe: sae za: na shao: .pe" mung: cethau khyi" na: ako". Yao: wa ngo re gai: ra" mau" zaui: byid'7 ava". – Pe" mung: ga" re myaung sho: mo, wa naonhaung" we' khonhae" re: da ga" na: na shi: genae". Ngo wa naonhaung" mae8 myao" sho' na: jo, nae" mangaid: . – Ai: myiqe: wa yao: gai: kaid' ra" gu: kaid' ava". Nga" mao gaung re nyhab' pye' nae" tau: gau: qhid' khae" yang: nga" gaung re xau9 gyaid byid' ru ngaid: ra". – Ngo gaigai: yao: mho: ru wa ngaui bau" lau dao: re myid gye, thao" sho' khyi" khao: ngo" hau" kyo" lo" ko" re ce: myiqe: re beim: so: nae" tau: mae" yao: kaid' ra" mau" zo" re ta" kyo" lo" genae" ga: mho: ra".10 Ai: thao daxe: shid' yaug mae bobo: ra" Yuda Sakarud' wa AsAng re qhaug' pye' nae" tau: khin jaung yin" qe jhao" thug'11 ye" lo" ra". – Yao: bam wa yao" dao: re the' gyo: gelao" ngaui bau: mung: yao: re ngaui byid: nae" dao: so: byid' ako". Yuda wa AsAng re khoru: kaid' yang: qo" qhaug' pye' nae" ru qho: na: ra".12 Ai: lai loe, poe yao nau" re xeim: se' ra" main" mabo poe ba na joe" nae" saoqhid' ba re naungcao qe te' ye: mung: AsAng we" lai loe, poe myi" xeim re khotau mae ngonhaung" ye: nyhang" nae" tau: o ngaui:13 ra"?ga: myid' ako". – AsAng wa naungcao shid' yaug re nao tao vo gaung: khyo vao ye: ge, qid am vo; ci: ra" yaug gai dayaug we' qhug' genae". Yao" thao cao" ye:14 ge, . – Yao: vao lo" ra" yham mae" yham sang re nga" naungcao qe we' daga" lai loe, poe zo re ngo zo: nae" bang" do, qe, khai: mae ngaid: ra" i"? mho" pho" myid: nhao:15 ke' ein: ta" ge, . – Ai: yaug wa nyhang" seim" jin" to: va" tho' pyae mae" qe, mo" daqe, re ceim" shid' li" nae". Ai: mae nyhao: nhaung" tau: mae" myi" xeim ye: nyhang"16 ge, ga: pin mung: nhao: ke' ra". – Naung- cao tao re: thug' ye: mung: vogaung: khug khyo vao ye: ko" re yao: tao re mho: ke' ru we' dakhyo: ye: myao geyang: lai loe, poe myi" xeim re ye: nyhang" ako".17 Ana" caid' sham" zo" mae naung- cao daxe: shid' yaug we' daga" joe" lo:18 ra". – Yao: bam zo zo" zaung: na ko" au: Yesu wa ngo dang dang mho geli". Ana" ngo we' daga" zo" na ko" ra" naonhaung" mae" dayaug ngo re gyetug' she: qhaug'19 pye' nae" ngaid: ra" ga: mho: ra". – Airu: mung: naung cao qe wa nhag' gyo" ngai geyang: dayaug: thao dayaug ngo ngaid: ra"20 i"? Ngo ngaid: i"? ga: myid' ako". – AsAng wa daxe: shid' yaug mae bobo: mung: ngo we' daga" dakhug' mae za: cinmain" jham zo: yaug wa ngo re qhaug' pye' li"21 nae". – Jham: paug' mae tung" to" ru we' dakhyo: Byu: yao: zo: wa ye" lo" nae" za: ngaid va". Ngaid qere: Byu: yao: zo: re gye vo lo, khyo qhaug' byid' pye' yaug wa byuxa: voqoe, qhug' nae". Ai: yaug wa makhau: li" ngaid: re yao" tau: mae" je: gai zai ngaid nhaung: ru ga: mho: ra".22 Yao: bam myi" xeim zo" na ko" au: Yesu wa cinmain" yho' re yu yang: Mo"so re jeju bin: caung: lao" cinmain" re cug' phai" mung: cinmain" ce wa nga" gaung sho: ngaid: yu yang: zo: ge, ga: mho mung:23 naungcao qere gae byid' ra". – Keim rere: yu yang: jeju bin: caung: khin" thao yao: bam re byid' ra".Yao: bam re: yu shaug'24 ako". – AsAng wa ce wa byu myo: sho' mo; tau: sheim: pye' ra" dao: thang" sag' we'25 tin" ra" nga" sa: ngaid: ra". – Ngo gaigai: yao: mho geli" Mo"so: mang: din" mae sabyi' asag' re ngo maqhug' shaug' shaug' wa ana" mae" ngo khonhae" re: mashaug'26 lo: ga: mho: ra". – Ai: thao yao: bam wa nghaui" caung: bin: caung: lao" zhanlun: bam khyo thug' ye" lo" ko" ra".27 Yesu wa yao: bam re naonhaung" alhab' mo, ngo re to: co' mung: tao" phao: byaug genae". Pe" mung: ga" re jham: tung" mae yao zaung" yaug re be; se' mung: yao jham wa byo: sin" lo" genae" ga: tung"28 to" ra". – Ngaid qere: ngo dam: daui: to" li" thao re naonhaung" qhid' au: mae Galile khyo ye" lo" na: li" nae" ga: mho:29 ra". – Petru wa yao: bam alhab' nao re nhag' lam: byo; lo" gengaid yang: re: ngo wa nao re khonhae" re: nhag' lam: mabyo,30 nhao nae" ga: tau" ra". – Yesu re: ngo dang dang mho: ru wa ana" myi qo, shid' kheim: mateim shi: re nao wa ngo re sam lhang ha:31 pye' li" nae" ga: ta" ra". – Petru wa ngo nao we' daga" shid ngaid yang: re: ngo AsAng re maha: pye' nae" ga: je: phin" ta" ra". Naungcao alhab' mo; re: ai we' dakhyo: ta" ako".32 Ai: au: Gedsemain: ga: mang: ra" jo, qo khyo joe" ye" ako". AsAng wa ngo jhaung: ye: mho' na: au: naonhaung" ce: mae33 zaung: jo, lao: ge, ga: ta" co' ra". – Aimung: yao: wa Petru Yaku we' Yohan bam re jhui" ye" lo" mung: gyai yao: myid myo: myid34 laug qug: khai: qhug' ra". – Ai: au: ngo wa shid nae" qhi" myid myo: kaug' qhui: qhug' ra". Naonhaung" ce: mae lha" mung: lao"35 na shi: ge, ga: ta" ra". – Ai: mae" dajhid' zo: lai: ye: mung: myid mae goe; gam"36 yang: , – O" Nga" pho" we" nao wa alhab're qo" poe" toe' ra" yaug ngaid: ra" ce: keim re ngo mae" lhai: pye' byid: la, ngaid yang: re: ngo o: ra" khyo: mangaid: nao o ngaui: ra" khyo: ngaid shao: ga: mung: ai: ayo, akhin: yao: mae" qo" lhai: pye' re lhai: pye' nae"37 tau: mho' ra". – Ai: thao dam: tug' lo: re yao: bam yab: myhid' jo, ko" rure myao lao" Simon: we" nao yab: myhid' jo; i"?dayo,38 qug kholao" maqo" lhaug' lao" na i"?. – Ju" phyo' ru maqhug' genae" khyo: lhaug' na zo" re" jhaung: mho' na ge, solo zo: wa kao bau ngaid qere: gaung sho: wa qam: nang"39 ra" ga: Petru re ta" ra".– Thao dalhang dam: ye" lo" yang: azhao: mae" dao: kheim: we'40 dakhyo: jhaung: dam: mho' ra". – Ai: thao naungcao qe na: ra" khyo Yao: dam: tug' lo yang: yao: bam wa myo, jid' la: geyang: yab myhid' jo; bam ko" rure lo: dam: myao: ra". Ailao" yao: bam wa khoru: dam: phaug'41 tau: nae" rure maba lo: gengaid: ra". – Sam lhang ein: lhang dam: tug' lo lao" yao: bam re naonhaung" ana" joe" sho' yab: myhid' na genhaung i"?. Byu: yao: zo: wa qobo jab qe: lo, mae qhaug' pye' nae" yo, joe"42 va". – To" ge, ngonhaung" ye" lo" gelang: se, . Qu" ge, ngo re qhaug' byid' pye' nae" yaug wa joe" li" na: ava" ga: mho: ra".43 Airu: mho: na: au: daxe: shid' yaug mae bo: ra" Yuda Sakarud' wa khin jaung yin" qe , jham: ba pho" qe , zug: ade, qe: yang: nhao: ke' ra" mo, wa shae lhae thaung kang ci: ra" byu phung: we' daga"44 joe" li" ko" ra". – AsAng re qhaug' byid' pye' yaug wa ngo bobaug baug: ra" yaug wa Yesu ngaid: ra".Yao: re taui" yu mung: nyang" za: zaung" jhui" lo ge, ga: yao: bam45 re ve, lho byid' to: co' ra". – Yao: wa joe" li" we' AsAng: khyid qao: mae goe; gam" te' ye: mung: mho" pho" we" ga: ta" mung:46 bobaug baug: ra". – Ailao" yao: bam wa li"47 mung: AsAng re taui" she: lo" ako". – Ayae mae ye; byaung" bam ko" ra" mo, mae" dayaug wa yao" shae she: yu yang: khin jaung yin" jeim pho" dayaug no: khye'48 pyo' khyo" pye' byid' ra". – Yesu wa yao: bam re cangtau: re" ru: ngo re myhag' nae" tau: shae lhae thaung kang we' li" ko"49 i"?. – Ngo wa ne, khao: ngo" pa" jhaung: yham mae mho" shid'mung: naonhaung" we' daga" na ngaid yang: re: naonhaung"50 ngo re mataui: ko" ngaid: ra". – Ngaid yang: re: jham: tung" dang: lo nae" khyo boe" li" ru ngaid: ga: mho: ra".51 Ai: au: naungcao qe wa AsAng re za: nha: to: co' mung: alhab' bam: tao" phao: lo" byaug: ako". Jid: mo" mai lao" yang" ci: ra" zolau: zo: dayaug AsAng: thao cao" ye" lo" ra". Zug: gyezo: qe wa zolau: re taung"52 ako". – Ailao" yao: wa jid: mo" mai re khyaid' shelhaui" pye' co' yang: gaung lam: shopyaid' phao: lo" ra".53 Ai: thao yao: bam wa Yesu re khin jaung yin" yham khyo jhui" ye" ako". Khin jaung qe alhab' mo, we' jham: ba pho" qe alhab'54 wa ai: mae ham: na: bam: ako". – Petru wa khin jaung yin" yham vang" khug khyo joe" sho' va: va: mae AsAng: thao cao" ye: mung: gug: gam qe we' daga" zaung yang:55 myi: bogao: na: ra". – Khin jaung yin" qe we' Yuda tarha" qe, do, mae" lau: de, qe alhab' wa Yesu re se' pye' nae" sagso: qho gengaid yang: re: mathe' qho ko" ngaid:56 ra". – Byu qe wa madang: ra" Sagso: kham ko" qere: yao: bam: sagso: majho" zhaung:57 ko" ngaid: ra". – Byu damyo" to" li" mung:58 ce: yaug wa byu: lo; yang kaid' to" ra" – Ce: pa" jhaung: yham re phyo' pye' mung: sam ba: aqho" mae byu: lo; yang makaid' ra" pa" jhaung: yham re ngo kaid' nae" ga: yao: ta" rure ngonhaung" the' gyo: va" ga: ta"59 ako". – Ngaid qere: yao: bam: sagso: dao:60 jham ma jho" zhaung: gengaid: ra". – Khin jaung yin" wa mo, phaung gaung: mae" to" ye, mung: nao dakheim: re: matau: lo: i"?. Ni" khyo re yao: bam sagso: dao: ta" na:61 ko" ru wa khoru: i"? ga: myid' ra". – AsAng wa dakheim: re: matau: lo: sae za: na: ra". Ailao" khin jaung yin" wa nao wa nga: lho" ra" Mo"so: yao: zo: Khristu ngaid: i"? ga:62 dam: myid' ra". – Yesu wa ngaid va". Thao: ta mae Byu: yao: zo: wa phung bao qam: so' lo, yo shaid' mae zaung: jo; ru we' mug: gaung jham phyu thaui: we' daga" li" lo: rure naonhaung" the' myao: li" genae" ga:63 mho: ra". – Khin jaung yin" wa yao" adao: bau: qhang re lao" caid' pye' mung: ngon-64 haung" pe" sagso: qo lo" , – Yao: Mo"so re jung" gaui: rure naonhaung" the' gyo: veko" ra". Yao: bam alhab' wa AsAng re qobo qo" mung: se' pye' qhug' nae" yaug ngaid: ra"65 ga: ta" ako". – Ai mae" da myo" AsAng re khata: phoe" gyain" ako". Yao" myo, thab' pye' byid: yang: zhab' pyo' mung: nao re khag' pyo' ru re tag: qu" wa ga: ta" ako". Khin jaung yin" gug: gam qere: yao: re bopyo' pyo' ako".66 Petru ai: vang" khug mae na: jo; au: khin jaung yin" o: kaung myiqe: nau"67 dayaug li" mung: , – Petru myi: gao: na: rure myao lao" yao: re zhaug' qu" mung: nao re: Nazared' vo byu Yesu we' daga" lhaung" na: qin" yaug ngaid: ra" ga: ta"68 ra". – Petru wa nao pe" ta" na: rure ngo maba: gyo: ga: ha mung: taung gaung thug' lo" ra". Ai: au: qo, dakheim: teim: ava".69 Thao: dalhang myiqe: nau" wa Petru re myao lao" byu ce: yaug re: yao: bam mae bobo ra" yaug ngaid: ra" ga: ai mae ye; jo,70 ko" mo, re ta" kyo" ra". – Petru wa dam: ha: pye' ra".Ai: thao dazab re ayae mae ye; jo, ra" mo, wa Petru re gaigai: nao re: yao: bam: phung: mae" ngaid: ra". Nao re: Galile byu ngaid: ra".Ni" jhau thoe yao: dau: ra" ga: Petru re ta" ra".71 Petru wa nhang: thoe we' naonhaung" ta" ra" byu ce: yaug re ngo maba ga: jham72 tang: yang: ta" ra". – Ayao: jao" qo, shid' kheim: teim: ra". Yesu wa yao: re qo, shid' kheim: mateim shi" re nao ngo re sam lhang ha: pye' nae" ga: ta" rure Petru myid: beim: mung: kaug' ngug: ra".