1 Ailao" Yesu wa lha jui: mung: yao" vogaung: khyo dam: tug' gau" de; lo" ra".2 Khyid lo, shid mung: yab qo mae za: lang" jo; ra" byu dayaug re Yesu jhao" dao: li" ko" ra". Yesu wa yao: bam: lam jang" myid bo ko" rure myao lao" khyid lo, shid yaug re nga" zo: we" ni" qobo re khyaid'3 pye' byid: va" ga: ta" ra". – Airu: ga: mho: ra" dao: kheim: re jham: ba pho" qe the' gyo: gemung: byu ce: yaug wa Mo"so re jung" ra" dao: jhau: ra" ga: yao: cao: jho"4 ta" ko" ra". – Yesu wa yao: bam: aung khug mae pe"myid: na ko" ru ba mung: naon- haung" nhag' khug mae pe" mung: magai:5 ra" khyo" myid: na ko"?. – Ni" qobo re khyaid' pye' byid: va" ein: ta" re je: laui: i"? mangaid: lao" to" ye, mung: su" lo" wa,6 ein: re je: laui: i"?. – Ngaid qere: byu: yao: zo: wa myid gaung: dao mae qobo khyaid' byid: nae" kheim: so' qo" yaug ngaid: ru re qhu" byid: geli" ga: ta" mung: khyid lo, shid yaug re to" wa, ni" yab qo re gaug: vo, yang:7 yham khyo lo" wa, ga: ta" ra". – Ailao" no yaug wa to" mung: yham khyo lo" ra". –8 Aire myao: ra" volo byu qe wa gyaug mug' ru we' sosu byu qere ce ru" ra" kheim: so' byid' ra" Mo"so re caung: khin" ako". (Mk. 2:13-17; Lk. 5:27-32)9 Yesu wa ai: jo, qo mae" xo' su" ye" lo" re khang: khyui jao: mae zaung: jo; ra" Mathe ga: mang: ra" byu dayaug re myao: ra". Yesu wa nga" thao cao" wa, ga: lhaung: ra". Ailao" yao: wa to" mung: Yao" thao cao" lo" ra".10 Ai:thao yham khug mae khang: khyui mo, we' qobo qo" mo, myo: sho' mo, wa Yesu' we' Naungcao qe daga" za: zo:11 shaug' na: ako". – Phareshe" qe aire the' myao gelao" Naungcao qere naonhaung" mho" pho" wa airu" ra" byu we' daga" pe" mung: zo qhain: zo" i"? ga: myid' ako". –12 Yesu aire the' gyo: lao" yao: bam re qao" zin: mo, mocid' pho su maca" ge, ngaid:13 ra". No mo, za: aqo: ako". – Ngo wa xeim: ngaui" byid' ru re ma-o. Nhag' ba: myain" rure o: ra". Jham: dao: lase" re ba nae" tau: mae" lo" mung: xeim: yu ge, . Ngo wa dang main: mo, re khai nae" tau: li" ru mangaid:, qobo qo" mo, re khai nae" tau: mae" li" ru angaid: ga: ta" ra". (Mk.2:18-22; Lk.5:33-39)14 Yohan: naung cao qe Yesu jhao" li" mung: ngonhaung" we' Phareshe" qe wa da zab makyo zo:shaug' re lhaung" jao" bam: .Ni" naung cao qe wa zo: shaug' re majao" ko" i"? ga: Yesu re myid' ako". –15 Yesu wa lo, xo' poe mae pho" sag' wa yao" zam" cao: qe we' daga" na: au: ai bam wa nhag' ngai: ako" i"?. Pho" sag' re yao: bam: phaung mae" kao" jhui" lo" nae" ayo, da ne, joe" nae". Ailao" yao: bam zo: shaug' re jao"16 ca" genae".– Mai bau: axug' mae pin: cug' sag' yang khag' malhaung" pho ngaid: ako". Pe" mung: ga" re asag' re axug' mae te' to: lao" asag' yang axug' re je: lao" zhain: caid'17 pye' li" nae". – Sabyi' qang: asag' re shoqid thaung axug' mae khag' malhaung" ke' ko". ke' lao" shoqid thaung baug: go; lo" mung: shi: qang: yug: sheim: lo" mung: shoqid thaung re: qeim: lo" byaug nae". Shi: qang: asag' re shoqid thaung asag' mae ke' lao" za: shid' ja" geim" maqeim lo: qo" shaung: to" ra" ga: dam: tau" ra". (Mk. 5: 21-43; Lk. 8:40-5)18 Yesu cegu: ta" na: au: lau: de, dayaug joe" li" yang: paid' thaug' thaug' mung: AsAng we" nga" zo: myiqe: nau" ana" shi" shid va". Ngaid qere: nao li" mung: yao" dao mae ni" lo, li" kai: byid' ngaid: re19 yao: dam: daui: li" nae" ga: ta" ra". – Yesu wa to" mung: yao" thao cao" ye" lo" ra".20 Naungcao qere: bo: cao" ako". – Ai: au: mae daxe: shid' zin sa: sheim no no: ra" myi qe: dayaug wa ngo Yesu bau: thao mae the' tin" re nga" no gai: lo" nae" ga:21 myid: lam mung: . – Yesu nhaung thao" khyo jhin" jhe' ye: mung: bau: myho thao22 mae ye: tin" soe' ke' ra". – Yesu wa lhang: qu" mung: myiqe: myhi" re myao lao" nga" zo: myi qe: nau" we" ni" lam" myid: yang23 ni" no re gai nhao va" ra". – Ai: thao Yesu wa lau: de; pho" yham khyo joe" ye" lo" re zang be, mao" thaung: yang: bain ngug ngug: na mo, re myao: ra".24 Yao: wa ai bam re jo, qo qhui" ge, zo myi: nau" mashid va" re. Yab: myhid' jo; ru za: angaid: ga: mho: ra". Yao: bam wa25 Yesu re qi: jung" pye' ako". – Volo byu qere taung gaung khyo nhao: thug' yang: Yesu wa myiqe: nau" yab qe, khyo vao lo" mung: lo; yang myiqe: nau" re she: to" yu: ra".26 Ailao" myiqe: nau" daui: to" li" ra". – Ce ra" khyo boe" rure mang: geim" mae hau" nhao" lo" ako".27 Yesu wa ai: tau mae" to" mung: su" ye" na: au: myo, jid shid' yaug wa Yao" thao cao" ye: mung: Davi yao: zo: we" nga" shid' yaug re nhag' myain" yu la, wo" ga: zag:28 hug' ako". – Yham khug khyo joe" vao we' yao: tao re: cao" vao li" gelao" Yesu wa ni" shid' yaug lam" ko" i"? ga: myid' ra". Yao: shid' yaug wa AsAng we" lam" ga: phaug'29 tau" ako". – Yesu wa yao: shid' yaug: myo, jid' re tin: byid: zo" re" ni" shid' yaug: lam khug: ru we' dakhyo: boe" lo veshao: ga:30 mho: ke' ra". – Ailao" jao" yao: tao: myo, bung" myao veko".Yesu wa ce akhyo re khag' rere: daba nhao ge, ga: zug' nhao:31 ra". – Ngaid yang: re: yao: tao wa ai: jo,qo mae" thug' lo" mung: khyi" khao: ngo" hau" nhao" lo" ako".32 Yao: shid' tao thug' lo" na ko" au: qu" ge, byu damyo" wa yui vao: jaung" mung: nhaid' jid: ra" byu dayaug re Yesu jhao"33 jhui" li" ko" ra". – Ai: yui re khe' thug' pye' lao" ai: nhaid' jid yaug wa dao: jhau: li" ra". Volo byu qe wa mug' hao" byaug: ru we' byu ceru" yaug re Israel byu qe mae dalhang re: ma myao: qu" shi: ga: ta"34 ako". – Phareshe" qe wa Yao: wa yui zug: mo" qam: so' khyo" yang yui jham re khe' thug' pye' ru ngaid: ga: ta" ako".35 Yesu wa mug: khao: mug: ngo" vo khao: ngo" khyo su" lhang" qin" mung: mug: gaung: mang: din" akhyo re ham phaung zang" ham jao: mae cao" mho" shid' mung: ngaui bau: lau dao: re hau" qin" zo" re" no phyo: aja: ja: qhug' na mo,re gai byid'36 ra". – Byu ajham a taung re myao lao" yao: wa qu" nhag' myain" ra". Pe" mung: ga" re zaung" yaug mabonha: lhae" to" yao37 phung: ru" ru ngaid: ra". – AsAng wa yao" naung cao qere mhang" zao: to" ra" gaug yo wa myo" ra". Yaid: yu nae" mau" zaui:38 mo, nang" ra". – Airu: mung: zaui: so: nae" mo, wa gaug yaid nhao nae" tau: gaug sang jhao" jhaung: mho' ge, ga: mho: ra".