1 Dug no: ba thao: ne, nhaid' ba: khug mae" saoqhid' re" ba myo, phye" phye" myao: li" na: au: mae Magadala Mari we'2 Mari geyaug wa lab kam: ye" ako". – Nyag tin" labaug myid lab: lab' li" ra". Aimung: qu" ge, mug: logyo: dayaug gyo" li" mung: lab kham: laug the: re li" tau: lhang" pye' yang: ai: laug kham: the: dao mae zaung:3 jo; ra". – Yao" myo, khung: wa lhe' caid' we' dau mung: yao" mai bau: gyu: ru:4 phyu: ra". – Lhaug' zaung" na mo, wa gyaug: din: nin" mung: sushid ru" ru mo;5 byaug: ako". – Mug: logyo: wa myiqe: tao re dagyaug ge, ni" shid' tao wa pyao: mae be; jin" se' pye' ra" Yesu re qho ko"6 rure ngo ba:. – Yao: cemae mana lo: yao: mho: to" ru we' dakhyo: dam: daui: to" va". Li" geri: yao: lang" jo, co' ra" jo, qo re7 li" qu" ge, . – Ana" phyaid lo" yang: dam: daui: to" va" ein: yao" Naungcao qere lo" zhao: kyo: ge, aimung: qu" shi: ge, ana" AsAng wa Galile mang: khyo naonhaung" qhid' au: mae lo" na lao: nae". Ai: tau mae naonhaung" AsAng re myao genae". Ngo ta" va" ga: ai: myiqe: qere mug:8 logyo: mho: ra". – Airu: mung: yao: shid' tao wa matho' ta" lo: sho' gyaug: ru we' ngaui bau" ru we' phyaid phyaid lab mae" to" phao: lo" yang: naung cao qere lau lo" shid' ako". Khyo mae lo" na ko" au: Yesu wa nyag tin" labaug yao: tao jhao" li" mung: ngaui bau: yaug yo geshao: wo" ga:9 ta" ra". – Yao: shid' tao wa Yesu jhao" qui" te' ye: mung: khyid mae po yang: goe;10 pa" ko" ra". – Yesu wa dagyaug da vae ge, ngo re Galile" mang: mae jho" qhug' nae" tau: lo" lao" na ge, ga" ein: nga" mao: nhaung: qere lo" ta" kyo: ge, ga: mho: ra". Ai: mang: mae yao: bam ngo re the' myao genae" ga: mho: ke' ra".11 Ai: myiqe: tao lab mae" phao: lo" ge we' lab lhaug' mo, gyezo: qe wa boe" lai: lo va" gu: bin sho' re khin jaung yin" qere lo" zhao:12 kyo" ako". – Khin jaung yin" we' zug: ade, byin phyo: nyang juyi bin: khyug' mung: gyezo: qere ngaui myo: sho' zhab' byid:13 yang:. – Myi" re ngonhaung" yab: myhid' jo; au: yao" naung cao qe li" mung: Yesu maogaung re li" khug' ci: lo" byaug ko" ein:14 naonhaung" ta" ge,. – Ce: akhyo re mang: zug: pho" the' gyo: lao" re: naonhaung" re qobo mavhin nae" khyo: mang: zug: pho" re ngonhaung" lam" sho' jhau nae" naon- haung" pe" gaung yug maca" ga: ta" ako". –15 Gyezo: qe wa ngaui re yu mung: khin jaung yin" qe yao: bam remho: ke' ko" ru: ta" ako". Gyezo: qe ta" ra" lau dao: wa ana" joe" sho' Yuda, byumyu" qe mae hau" nhao" lo" ako".16 Yao" naung cao daxe: dayaug wa Yesu dang: to: co' ra" Galile mang: mae" bam dao khyo do, ye" lo" ako".AsAng re myao17 lao" goe; pa" ako". – Da myo" wa yao: re18 mataung" lam" ko".– Yesu wa yao: bam jhao" te' mung: mho: ru wa mug: gaung: mang: we' myid gaung: dao mae" kheim: so' alhab' ngo re qhaug' byid' to: va". –19 Naonhaung" thug' ye" lo" mung: byumyu" cao jab alhab' re nga" naung cao boe" nhao ge, . Yao: pho" yao: zo: shaogyang" solo: mang khyao: mae Babtizan: byid: mung: . –20 Ngo naonhaung" re pin: to: co' ra" amyin" dao: re phug' cao" genae" tau: yao: bam re mho" shid' ge, . Ngo re: naonhaung" we' mug: khothao" myid khothao" khonhae" re: daga" za: ana: na nae" ga: mho: ra".