1 Yesu wa naung cao daxe: shid' yaug re khai: yu mung: yui dae: jham re khe' thug' pye' nae" kheim: so' we' no phyo: aja: ja: re cao" zai" gai byid: nae" akhang" byid' ke' ra".2 Ai: naung cao daxe: shid' yaug: mang jham wa Petru ga: mang: ra" Simon we' yao: nhaung: Andare , Zebade yao: zo: ngaid: ra" Yaku' we' yao: nhaung: Yohan. –3 Philib' we' Batholme , Thoma' we' khang: khyui yaug Mathe" , Alphe" yao: zo: Yaku'4 we' Tade. – Kanani byu Simon we' thao phyao: AsAng re gye tug' she nae" yaug Yuda Sakarud bam ngaid: ako".5 Yesu wa logyo: daxe: shid' yaug re nhao: ke' mung: pin: ke' ru wa Labug: mang: khyo daye: shi: ge, Samari bao: jhao" re: da6 vao shi: ge,. – Byaug: lo" pye' va" Israel qe7 jhao" shi" ye: ge,. – Naonhaung" ye: mung: mug: gaung: mang: din" jhao" va" ein: cao"8 ta" hau: ge, . – No phyo: mo, re gai nhao ge, ye, gyaid bug: bo mo, re shaokyang" byid: ge, shid mo, re taui: to" ge, yui jham re khe' pye' ge, naonhaung" aje qo" yu:9 re aje gae byid: ge, . – Naonhaung" ngaui thaung mae hhang cug' re: ngaui cug'10 re: gyid: cug' re: dake' vin ge, . – Gaung khyao mae zo: nae" zao: kho re: davin ge, bau: shid' khye' rere: , khyid zhaung: rere: , zaung: bao" re: daci ge, khoru: ga" re mau" zaui: yaug wa main: qi" sho' caung11 da" ru qhug' nae". – Naonhaung" joe" vao ye" ra" khovo khotham: mae ngaid ngaid naonhaung" re lham: khae: yu nug: ra" yaug re qho mung: ai: mae" dam: mathug'12 lo" shi" au: ai: mae na: na ge, . – Dayham yham khyo vao ye" re ngaui bau: yaugyo geshao: ein: min byid: bang" se" dao: ta"13 ge, . – Ai: yham bao: naonhaung" re ngaui bau: taung" lham: tug: yu ko" ngaid: re wa ai: min byid: dao: wa yao: bam: dao mae thang: jo, veshao: . Naonhaung" re malham: khae: yu ko" ngaid: re ai: min byid' ru wa naonhaung" jhao" dam: tug' veshao: . –14 Aimung: naonhaung" re malham: khae: yu lo: naonhaung" ta" ra" dao: rere: malham: tae" gyo: ko" yham we' vogaung: mae" dam: thug' lo ge, . Naonhaung" dam: thug' lo: au: naonhaung" khyid mae" phaui: lhug15 re ko: khyo" co' ge, . – Ngo naonhaung" re dang dang mho geli". Tarha" pyam" ra" ba na mae Mo"so wa Sodom: we' Gomo" ra' vobyu qere tho' je: qi" ra" qobo byid' li" nae".16 Beim: ge, zagne phaung mae yao nau" re nhao: vhao" ke' ru we' dakhyo: ngo naonhaung" re nhao: ke' ra". Airu: mung: lhao maui ru: ba jhao yang: phaung" kyug'17 ru: xam: mag ge, . – Naonhaung" re taung" yu mung: ade, qe: phaung khyo jhui" ye:18 nae" mo, re lha" ge, . – Khoru: mung: ga" re naonhaung" wa nga" tau: sagso: kham" khyo re yao: bam jhao" we' taungbug byumyu" cao jab: khyo cao" hau" kyo: ko" ru yang: yao: bam wa naonhaung" re khang: nhau: be, khyaid' kaid' genae". Nga" ma thao mae naonhaung" re zug: qe we' jhaung zug: qe jhao" jhui" ye" li"19 genae". – Naonhaung" re airu: qhaug' byid' pye' qhug' ko" au: khoru: ta" nae" laug pe" ru: ta" nae" laug ein: damyid: ci" ge, naonhaung" jhau nae" dao: jham ayo,20 joe" lao" qo" yu: li" genae". – Khoru: ga" re ai: dao: jham wa naonhaung" jhau: ru mangaid: . Naonhaung" pho" shao gyang" Solo wa naonhaung" nhaid' khyo" yang jhau: thug' li" ra" dao: kheim: jham ngaid:21 li" nae". – Yao: mao: wa yao: nhaung: re. Myhi" pho" wa yao: zo: qere kao byid sho' dain: li" genae".Yao: zo: qe wa tau: lhain: mo; thao de, mung: myhi" pho" tao re22 se' nhao: li" genae". – Nga" mang kheim: mathao mae byu myo: sho' mo, wa naon- haung" re manug: makhyaid' mung: li" genae". Ngaid qere: athao" joe" sho' zang: qhao" yaug wa khyaid' yu: ru qhug' nae". –23 Airu: mung: ce: vo mae naonhaung" re khang: nhau: be, khyaid' kaid' ko" re gevo tham: khyo phao ge, ngo naonhaung" re dang dang mho geli". Byu: yao: zo: dam: joe" li" ra" ayo, joe" li" lao" naonhaung" wa Israel qe: vogaung: jham nge, sho' naon- haung" maqo" du" gam: genae" ngaid: ra".24 Naungcao wa mho" pho" tho' ma je: qi: , jeim re: jeim sang tho' mae ma na. –25 Airu: mung: naung cao wa yao" mho" pho" we' dakhyo: jeim re: jeim sang we' dakhyo: ngaid lao" wa nhag' dag qo va".Yham sang re yui zug: Bezebula, ga: mhang" re wa yham khug: byu qere je yang: magai: ra" khyo mhang" li" genae".26 Airu: mung: yao: bam re dagyaug ge, khoru: ga" re ana" nghoe' to: ngaid qere: myao: li" nae". Zug' to: ngaid yang: re:27 mata" paui nae" pe" majo,. – Ngo naon- haung" re caid' khug mae mho" shid' kyo" ra" rure bo" bao mae hau" kyo: ge, naonhaung" re dao: so' so' yang: ta" dao: re khaung dao mae" zag: hug' yang: hau"28 kyo: ge, . – Gaung sho: re za: qo" se' yang: Solo re maqo" se' ra" mo, re dagyaug ge, . Mo: myi: tham: mae gaung sho: we' Solo shid' ja" geim" re qo" se' ra" Mo"so re gyaug29 ge, . – Thang: the: ngaui dakhye' yang jhi khyao" shid' dau: re qo" vai: yu: mangaid: i"?Jhi khyao" dadau: lao" re: naonhaung" pho" akhang" maqo" re myid gaung khyo magyo" nae".30 Naonhaung" au: mae" xae khe' jham31 alhab' re qug: to: gau ngaid: ra". – Airu: mung: dagyaug ge, jhi khyao" myo: sho' tho' mae je: phug' de, ko" mangaid: i"?.32 So su byu qe: qhid' kheim: mae ngo re ba se" ra" yaug re mug: gaung mae" pho" qhid' kheim: mae su se" myo, re lham: se"33 nae". – Byu qe: qhid' kheim: mae ngo re ngag: pye' yaug re mug: gaung mae" pho" qhid' kheim: mae ngo ngag: pye' nae".34 Yaug yo myain cae" ru byid: nae" tau: ngo myid gaung: dao khyo gyo" li" ein: dajho ge, . Ngo yaug yo: ru byid: nae" tau: gyo" li" ru mangaid: . Shae re byid: nae" ein:35 ngo joe" gyo" li" ru angaid:. – Yao: pho" we' yao: zo: , yao: myhi" we' yao: zo: , yao: na we' dau mo" byo: sin: genae" tau: ngo ali".36 Yao" yham khug: byu yao: yao" gye37 boe" genae". – Ngo re jhid' ra" tho' yao: myhi" yao: pho" re je: jhid' de; ra" yaug wa ngo we' mamain: qi". Ngo re tho' mae yao: zo: re jhid' kao yaug re: ngo we'38 mamain: qi". – Yao: yao" pyao: re yao: vo, mung: nga" thao ma cao" yaug wa ngo we'39 mamain: qi".– Aimung: yao: yao" kao so' re za: gug: gam: ra" yaug wa kao so' maqo" nae". Ngaid qere: nga" mathao mae kao so' seim" yaug wa kao so' qo" yu nae".40 Naonhaung" re lham: tug: khae: yu: ra" yaug wa ngo re lham: tug: yu: ra".Ngo re lham: tug: khae: yu: yaug re: ngo re nhao: ke' yaug re lham: khae: yu: ru ngaid41 nae". – Lapa: myo, nho re qu" mung: lapa re lham: tug: yu yaug wa lapa qo" ra" jidso qo" nae". Dang main: yaug: myo, nho re qu" mung: dang main: yaug re lham: khae: yu: ra" yaug wa dang main: yaug qo" ra" jidso re qo" nae".42 Dayaug yaug wa naung cao qe: myo, nho re qu" mung: ce: zoshao dayaug re qid cae: dakeim byid: jhaug' ra". Ai: yaug wa akyu" jidso maqo" lo: mana ein: ngo dang dang ta" ra".