1 Yesu wa yao" naung cao daxe: shid' yaug re mung dao: ce gu: re bin: ta" lao" avai: a yae mae" vo khao: ngo" khyo ye: yang: cao" mho" shid' qin" ra".2 Khristu zaui" na: ra" mau" zo" akhyo re kyam: laung" na: ra" Yohan the' gyo: mung: yao" naung cao shid' yaug re nhao:3 ke' ra". – Ai tao wa Yesu re nao wa joe" li" nae" ga" yaug ngaid: i"?.Airu: mangaid: lao" geyaug re ngonhaung" lao" na ca"4 shi" i"?ga: myid' ako". – Yesu ai tao re phaug' tau" ru wa Nao tao the' gyo: yang: the' myao: ra" gu: re Yohan re lo" zhao:5 kyo: ge, . – Myo, jid mo, myo, myao: lo: ako". khyid qeim mo, qo" su: ko" ra". Ye, gyaid de, mo, shao: lo: ako". No: jid mo, qo" the' gyo: veko". Shid mo, dam: daui: li" ko" ra". Myaung sho: mo, lau dao: gai:6 the' gyo" ako". – Nga" mathao mae nhag' lam: mabyo; qeim yaug kam" wa nga: lho"genae" ga: mho: ke' ra".7 Aitao phao: lo" yang: Yesu wa Yohan akhyo we' tin: yang: volo byu qere naon- haung" wa pe" re qu" nae" ein: ye: ko". La: yang hug' nhain" ra" je: jid: gae jham re8 qu" nae" ein: ye: ko" i"?. – Mangaid: lao" pe" nam re ye: qu" ko". Mai bau: gai ve, yaug re i"?.Qu" ge, mai bau: gai ve, mo, wa9 jhaung zug' yham mae ana: ako". – Airu: ma ngaid: re pe" qu" ein: ye" ako" i"?. Lapa re i"? ngaid va". Ngo naonhaung" re mho geli".Yao: wa lapa tho' mae je: qi" yaug ngaid: ra".10 Aimung: jham: dao paug' mae qu" wa, Ni" khyo re nyhang" na nae" tau: nga" logyo: re ni" qhid' au: mae ngo nhao: ke' nae" ga: tung" to" ru wa Yohan re qang11 yang: ta" ru ngaid: ra". – Naonhaung" re dang dang mho geli" Myiqe" yang khau: ra" byu Babtizan: byid: yaug Yohan tho' je: qi" ru byu da yaug re: mana: qu" shi: . Ngaid qere: mug: gaung: mang: din" mae ngai: thao" yaug wa Yohan tho' mae je: qi" ra". –12 Babtizan: byid: yaug na: li" mae" ana" ba joe" sho' mug: gaung: mang: din" re lhaid'13 yu nae" qam: ke' ko" ra". – Khoru: mung: ga" re lapa qe we' kham" tarha" jham alhab' geim" wa Yohan: ayo, joe" sho' pa dao:14 jhau: to" ako". – Ce: mung dao: re khae: yu mung: lam" ko" ngaid: re Yohan wa joe" li" nae" Elia ngaid: rure naonhaung" khae:15 yu li" genae". – No: khye' de, mo, wa gyo"16 yu geshao: . – Ana" ngo wa ceta mae" byu qere khoyaug we' ta" tau" qu" nae" yha". Yao: bam gai mae zhaung: jo, mung: .17 Naonhaung" wa ngonhaung" zang be, mao" thaung: ngaid qere: mago" li" ko". Ngonhaung" ngug yao" yao" li" ngaid qere: makaug' ge ngaid ko" ra" ga: jho" ta" nghin" na ko" ra" zoshao jham we' dau:18 ako". – Khoru: ga" re Yohan wa mazo: mashaug' lo: li" rure yao: mae yui vao: ra"19 ga: ta" ako". – Byu: yao: zo: wa zo: mung: shaug' mung: joe" li" lao" qu" ge, ce:yaug wa zo:shaug' re myo, no, yaug makhyang: mo, we' khang: khyui zo: mo; byin cao: ngaid: ra" ga: ta" ako". Airu: mung: nhag' myid juyi laba lajhao wa yao: myid: qe: tau: qobo vhin: jao: mae" loe; ru qhug' nae" ga: mho: ra". (Lk.10:13-15)20 Mug' pho" mau" zo" khonho" kaid' qhu" ngaid yang: re: shaid' qobo mae" nhag' lam: matha" lag: lo: ra" vo jham re Yesu21 wa nhang: kheim: ke' ra". – Korazin: vo we" byuxa: vo:qoe, nae" lhe" Bedsaida vo re kaid' qhu" ra" mug' pho" mau" zo" jham re Turu we' Sidon: shid' vo re kaid' qhu" ngaid: re wa daba: mae" jid: mo" mai jaid: ve, mung: myiqe, bam lhau: yang: myao" mae" nhag' lam: tha" lag: lo genae va". –22 Ngo naonhaung" re mho geli". Tarha" pyam" ra" ba na mae naonhaung" tho' mae Sidon: we' Turu wa qobo je: phau: shi:23 genae". – Ai mae" Kapelnaum: we" nao wa mug: gaung joe" sho' to' ke' ru qhug' nae" jho: i"?.Myi: mai" tham: khyo khyo" ke' ru nao qhug' nae". Ni" qhid' kheim: mae kaid' qhug' ra" mug' pho: mau" re Sodom: mae kaid' qhu" ngaid: re wa ai: vo wa ana" ba24 joe" sho' jo, shi: nae" ngaid: ra". – Tarha" pyam" ra" ba na mae nao wa Sodom: tho' je: qi" qobo dae qhug' khae zo: nae" ga: ta" ra".25 Ai: au: Yesu mho: ru wa mug: gaung myid gaung AsAng pho" we" ngo wa nao re jeju so" ra" wo" pe" mung: ga" re ba jhao mo, re ceru" ru maphung" qhu" lo:26 zoshao qere za: ta" kyo" ra". – Ngaid va" pho" we" ceru: boe" ru wa nao myid: o: ra"27 khyo" ngaid: ra". – Nga" pho" wa ja: nam jab byid' to" ra" pho" mae" jain" yang: ai: yao: zo: re khag' maba. Pho" rere: yao:zo: we' yao: zo" yang ta" kyo" ra" mo, za: aba: ako". (Lk.10:21-22)28 Qola: vin mung: myaung: dug: ra" mo, alhab' we" ngo jhao" lo geri: ngo naon- haung" re myaung: ngho: nhao nae".29 Ngo wa xam: mag mung: nhag' lam: yin yo yaug ngaid: . Aimung: nga" dao kang re kai" vo, ge, nga" akhyo re mho" yu ge, . Ailao" naonhaung" nhag' lam: dug no:30 qhug' genae". – Pe" mung: ga" re ngo byid' ra" kyau: vin laui: ru we' ngo vhin: ra" qo wa seim" ra" ga: mho: ra".