1 Abraham we' Davi mae" gyo" lo: ra" Yesu byu yug gyaung: byu xag' ngaid: ra".2 Abraham wa Isag re khau: ke' ra". Isag wa Yaku re , Yaku wa Yuda we' yao: mao: yao: nhaung: bam re khau myhung: ke' ra".3 Yuda wa Tama kham: mae" Phared we' Zera' re , Phared wa Esrom re khau: .4 Esrom wa Aram re , Aram wa Amina- dab re khau: . Aminadab wa Nashon re , Nashon wa Salamon re khau: ke' ra".5 Salamon wa Rahab kham: mae" Boza re , Boza wa Rutha kham: mae" Obed re, Obed wa Yese re khau: ra".6 Yese wa Davi jhaung zug: re , Davi wa Uria yham sang myhi" kham: mae"7 Sholomun re , Sholomun wa Rehoboam re Rehoboam wa Abia re , Abia wa Asab re.8 Asab wa Yoshaphaid re , Yoshaphaid wa Joram re, Joram wa Ozia re, Ozia wa Yotham re khau: ke' ra".9 Yotham wa Akhad re , Akhad wa Ezekia re.10 Ezekia wa Manashe re , Manashe wa Amon re , Amon wa Yoshia re .11 Yoshia wa Yoakim , Yoakim Babilon mang: khyo sham" lo" ra" ayo , mae Yekho- ni nhae tao ho' re khau: myhung: ke' ra".12 Yekhoni wa Babilon mang: ye joe" na thao Salathila re , Salathila wa Zerubabela re khau: ra".13 Zerubabela wa Abiud re , Abiud wa Eliakim re , Eliakim wa Azora re khau: myhung: ke' ra".14 Azora wa Sadug re , Sadug wa Akim re , Akim wa Eliud re khau: .15 Eliud wa Eliaza re , Eliaza wa Mathan re, Mathan wa Yaku re khau: ke' ra".16 Yaku wa Yoseb re khau: myhung: ke' va".Yoseb wa Mari yham sang pho" ngaid: ra". Mari mae" khyaid' AsAng Yesu khau: li" va".17 Byu xag' ai: gu: wa Abraham mae" Davi joe" sho' daxe: byid xag' , Davi mae" Babilon mang: khyo jeim doe; lo" ra" ayo, joe" daxe: byid xag' , ai mae" Yesu joe" sho' daxe: byid xag' ngaid: ra".18 Khyaid' AsAng khau: li" akhyo wa ceru: ngaid: ra". Mari wa Yoseb: yang mho' to: va" yaug ngaid yang: re: yao: tao wa mazam" shi: ko" au: shaogyang" Solo khyo" mung: yao: gaung la" li" ru qhug'19 ra". – Yoseb wa dang main" ra" yaug ngaid mung: Mari re sae za: yho" nhao: pye' nae"20 ga: seim" na: ra". – Ce: akhyo re myid: nghae" qu" na: au: mug: logyo: yab mo, mae myhao" ru wa Davi yao: zo: Yoseb Mari re yu nae" damyid: aug' o: khoru: ga" re Mari gaung la" li" ru wa shaogyang" Solo: yang ngaid: ra".21 Yao: mae" yaug gai zo: khau: li" nae". Yao: wa yao" amyu" re qobo mae" khyaid' yu nae" yaug ngaid mung: yao" mang re Yesu ein: mhang" wa, ga: pin: to: co' ra". –22 Ce: akhyo wa Mo"so: lapa dao: dang: lo veshao: ga: boe" lo: ru ngaid: ra".23 Lapa dao: wa qu" ge, tang: shain" zomyi: wa ve, vin shizaui" li" mung: yao: wa yaug gai zo: khau: li" nae" ai: yaug re Emanuela ga: mhang" genae". Ai: dao: kheim: lase" wa ngonhaung" we' daga" na: Mo"so ga" ru ngaid: ra".24 Yoseb wa yab myi: so" li" lao" Solo zo: pin: to: co' ru we' dakhyo: Mari re vhao"25 yu va". – Ngaid yang: re: yao: tao wa gaung sho: mazam" ru zo: qhid' yaug gai zo: khau: li" va". Ai: zoshao re Yesu ga: mhang" byid' ra".