1 Ai: ayo, mae Yesu we' yao" nhaung cao qe yo dae khyo" lai: lo" ako". Yao" naung cao qe vae: moe; ge yang: gaug re shain" yu2 mung: zo" ako". – Phareshe" qe aire myao gelao" AsAng thoe qu" wa, , ba ne, mae ma gai: kaid' ra" ja: re kaid' ako" ga: Yesu3 re ta" ako". – Yesu yao: bam re dam: tau" ru wa Davi we' yao" byu qe khoru: kaid' ko" ga" akhyo re naonhaung" manghe'4 qu" ko" i"?. – Yao: wa pa" jhaung: yham khug khyo vao mung: Mo"so: phain mae kai" ngaui" to" ra" khin jaung dam sa: qe mae" lai yang: magai: zo: ga" ra" cin main" yho' jham re yu mung: yao: we' yao" byu5 jham zo: ko" ga" mangaid: i"?. – Ai mae" pa" jhaung: yham mae" khin jaung dam sa: qe wa ba ne, ba mae zaui: ca" mau" re mazaui: gengaid yang: re: qobo maqo" ga: tarha" mae bo: rure manghe' qu" ko"6 i"?. – Ngo wa naonhaung" re dang dang za: mho geli".Pa" jhaung: yham tho' je:7 qi" yaug cemae na: ra". – Ngo wa xeim: ngaui" byid' rure ma-o. Jhid' kao: rure she,o ngaui: ra"ga" jham: dao: re ba: gyo: ko" ngaid: re wa qobo maqo" ra" mo,qobo8 mavhin genae" ngaid: . – Byu: yao: zo: wa ba ne; AsAng ngaid: ra" ga: dam: phaug' tau" ke' ra". (Mk.3:1-6; Lk 6: 6-11)9 Yesu wa ai: jo,qo mae" thug' ye" lo" mung: zang" ham zaung khyo vao ye" ra". –10 Aimae lo, dashaid' qeim: ra" byu dayaug na: na: ra". Byu damyo" wa Yesu re qobo vhin nae" tau: dug no: ne, re no gai: pho: i"? ga:11 Yesu re myid' ako". – Ailao" Yesu wa yao: bam re phaug' tau" ru wa naonhaung" yao dadau: wa dug: no: ne, mae dung: gyain: khug byid: gyo" laung" jo; re maye: she: yu12 nae" byu naonhaung" mae bo ko" i"?. – Byu wa yao tho' je: phug' de; mangaid: i"?. Airu: mung: dug: no: ne, mae gai: ra" mau" zaui"13 re gai: ga: mho: ra". – Ailao" Yesu wa lo, dashaid' qeim yaug re ni" lo, din" ke' wa, ga: mho: ra". Yao" lo, tau: din" ke' re dashaid' lo,14 we' daru: za: gai: byaug: ra". – Phareshe" qe wa ai: jo, qo mae" thug' lo" mung: Yesu re se' pye' nae" tau: byin phyo: qham: ako".15 Ai: akhyo re Yesu wa ba: pye' mung: ai: jo, qo mae" jhui" lo" pye' ra". Byu ajham ataung wa yao: jhao" cao: ako". no phyo: qhug' ra" mo, alhab' re gai: lo nhao: ra". –16 Ngaid qere: yao" akhyo re mahau: genae" tau: mae zug' nhao: ra".17 Yao: ceru: kaid' ru wa lapa Esaia nhaid' khyo" Mo"so ta" to" ra" dao: dang: lo nae" tau: ngaid: ra".18 Lapa dao: wa ngo khyin: to" ra" caung da" yaug ngo jhid' de; o ngaui: ra" yaug re qu" ge, nga" shaogyang" ra" Solo yao" dao mae nhao: ke' byid' ra". Yao: wa byumyu" cao jab re nga" dao: hau" kyo" li" nae".19 Yao: wa maha mangag thoe mo" re make' nae" hau" mo" mae yao" thoe re khag' mathe' gyo: genae".20 Yao: wa nghain" jo; ra" je jid: shang: dakhe' re lao" makhyug' nae".Aimung: yao: wa kyi za: kyi lo" ra" myi: rere: ma se' pye' nae".Yao" tarha" aung doe; lo sho' ngaid: li" nae".21 Byumyu" cao jab alhab' yao: re khug ngha: li" genae" ga: ta" to" ra". (Mk.3:20-30; Lk.11:14-23)22 Ai:thao yui vao yang: nhaid' jid: ru we' myo, re: jid mung: ra" byu dayaug re Yesu jhao" jhui" li" ako". Yesu wa ai: yaug re gai: jhau , sho' myo, qo" myao sho' gai:23 lo nhao: ra". – Volo byu alhab' wa mug' hao" byaug: ru we' byu ce yaug wa Davi yao: zo: gai: ngaid nae" i"? ga: jho" ta"24 ako". – Phareshe" qe aire the' gyo: lao" ce yaug wa yui zug: mo" Bezebula qam: o: khyo" yang yui jham re khe' thug' pye'25 ru ngaid: ra" ga: ta" ako". – Yesu wa yao: bam: aung khug mae myid: rure ba: pye' yang: yao: bam re mho: ru wa mang: da mang: khug mae aboe: we' akaung gye za: jho" she: na: re wa ai: mang: wa myao" sho' magang" tang nae". Ai we' dakhyo: yao: cao: manyang vang" ra" ug' khug'26 lao bin re: byo; qeim: lo" nae". – Yui: yang yui re khe' thug' ru dang: ngaid: re yao" mang: din" wa khoru: gai: gang" tang nae"?.27 Ngo wa Bezebula, kheim: so' yang yui jham re khe' ru ngaid: re wa naonhaung" zo: myid: qe wa khag' kheim: so' khyo" yang yui jham re khe' thug' genae"?Aibam wa naonhaung" shaid' va" ga" khyo re28 ceim" shid' mo, yao: ngaid veko". – Ngo wa Mo"so: shaogyang" Solo qam: so' khyo" yang yui re khe' thug' ngaid: re Mo"so: mang: din" naonhaung" jhao" joe"29 va" rure qhu" byid' ru ngaid: ra". – Qam: bo: ra" dayaug: zai yo re khoru: ye: qo" lhaid' yu nae"i"?.Yham sang re shi" taui"30 to: mung: agai: yu: ra". – Nga" bo: made, yaug wa nga" gyevo ngaid: ra". Ngo mae madang: qhain" ra" yaug wa abyi asin:31 boe" nhao yaug ngaid: ra". – Ngo ta" nae" shaid' nghung" qobo Mo"so re shaid' qobo alhab' re: khyaid' pye' byid: nae". Ngaid yang: re: shao gyang" Solo re shaid' yaug re kam" wa qobo khyaid' pye' byid: nae"32 mangaid: . – Byu: yao: zo: re jhau: shaid' ra" yaug wa khyaid' pye' byid' ru qhug' nae". Shao gyang" Solo re jhau: shaid' ra" yaug re kam" ce: bang: mae re: thao: bain: mae re: qobo khyaid' pye' byid: nae" mangaid: . (Lk.6:43-45)33 Ashi: lho" nae" tau: zang gai ca" ra". Zang magai: shi: gae wa ashi: malho" ngaid: ra". Ashi: re qu" yang: agae gai34 magai re ba: qu" ra". – Maui bab: jham we" naonhaung" qhi" makhyang" ra" mo, khoru: dao: gai ba: jhau genae". Pe" mung: ga" re aung khug mae byang" ug: to" ru we'dakhyo: nhaid' mae jhau: thug'35 li" nae". – Gai: ra" yaug wa yao" jo, nho" bain" mae" gai: ra" zai yo jham re phoe' thug' li" ra". Magai: ra" yaug wa yao" jo, nho" bain" mae" magai: ra" zai yo jham36 re phoe' thug' ra". – Ngo naonhaung" re mho geli". Tarha" pyam" ra" ba mae byu yaug khao: ngo" wa yao: yao: jhau: lai: lo: ra" dao: seim kheim: jham: yang tau" lag:37 phyid' ru qhug' genae". – Nao jhau: li" lo: ra" dao: seim kheim" yang nao qobo qo" maqo" ga" rure tau" lag: pyid' byid' li" nae" ga: ta" ra". ( Mk.8:11-12; Lk.11:29-32)38 Jham: ba pho" qe we' Phareshe" da qhae: wa AsAng we" ngonhaung" re mug' pho" ve, lho daja: ja: kaid' qhu" la, ga: ta"39 ako". – AsAng wa yao: bam re mashab makhyang" ra" ru we' Mo"so re malam: ra" ce: ta mae" byu qe wa mug' pho" ve, lho re kaid' qhu" nae" mho' ako". Yona: ve,lho mae" lai yang: getau pe" ve, lho re: maqhu"40 nae". – Yona wa ngo: zang: vae: dug: mae sam ba na: ru we' dakhyo: Byu: yao: zo: re: myid gaung khug mae sam ba na nae". –41 Nineve" vobyu qe wa Yona hau" kyo" ra" mung dao: the' gyo: mung: yao: bam: qobo mae" naung myid qo" lo: ako". Airu: mung: tarha" pyam" ra" ba na mae Nineve" vobyu qe wa to" ye, mung: naonhaung" re qobo zhaug' li" genae".Ngo naonhaung" re ta" nae" ce: jo,qo mae Yona tho' je: qi"42 yaug na: ra". – Sheba jhaung zug: myhi" wa Sholomun: juyi dao: re tae" gyo: nug yang: va" ra" mang: din" mae" joe" lo: ra" . Airu: mung: tarha" pyam" ru yhin" ra" ba mae Sheba jhaung zug: myhi" wa to" ye, mung: naonhaung" re qobo ceim" shid' li" nae". Naonhaung" re ngo ta" geli" ce: jo,qo mae jhaung zug: Sholomun: tho' je: qi" yaug na: . (Lk.11:24-26)43 Yui jain: dadau: wa byu dayaug mae" thug' lo" mung: gaoso yo khaung: mae no: nae" jo,qo qho: lhang: qin" ra". No: qo44 maqhug' lao" . – Ai: yui wa azhao ngo na co' ra" yham khyo dam: tug' lo" nae" ngaid: ra" ga: ta" ra". Aimung: yao: dam: tug' joe" lo" qu" re phyao: sham" pye' mung: nyang" za: shaung yhaung" to" ra" yham45 keim re lo: myao: ra". – Yao: tho' mae je: makhyang" ra" yui nhaid' dau: re lo" dam: lhaung: jhui: mung: ai: jo,qo mae lo: dam: vao: laung" na: ako". Ailao" byu ai: yaug wa qhid' phyao: mae" tho' je: qo: byaug: ra".Ce bam mae" makhyang" ra" mo, re: ai we' da khyo: boe" genae" ga: ta" ra". ( Mk.3:31-35; Lk.8:19-21)46 Yesu wa volo byu qe we' jho" jhau: na shi" au: yao: myhi" we' yao: nhaung: bam joe" li" ako".Yao: bam wa yao: we' jho" qhug' jhau nug mung: taung gaung mae47 lao" na: ako". – Volo byu qe mae" dayaug wa Yesu re AsAng we" ni" myhi" we' ni" nhaung: bam nao we' jho" qhug' jhau nug mung: taung gaung mae lao" na: ako" ga: ta" kyo" ra".48 Airu: ga: lao" Yesu wa nga" myhi" we' nga" nhaung: qe ga" ru khag' ngaid: ra" ga:49 yao: bam re dam: myid: mung: . – Yao" thao cao" mo, jhao" lo, ceim" ke' mung: qu" ge, ce: mae nga" myhi" we' nga" mao:50 nhaung: qe na: bam: ako". – Pe" mung: ga" re mug: gaung mae na: ra" nga" pho" o: ra" khyo: cao" ra" yaug khag' ngaid qere: nga" mao: nhaung: nga" nhae: mo" nga" myhi" ngaid: ga: ta" ra".