1 Su re dao: daphyid' ge, Ailao" za: naon-2 haung" re re: dao: maphyid' nae". – Khoru: ga" re nao su re dao: phyid' ru we' dakhyo: nao re dao: phyid' ru qhug' nae".Su re naonhaung" lag byid' ra" jao: yang naon-3 haung" re dam: lag byid: nae". – Ni" myo, jid' mae thao: je; bo thoe ma gyo: lo: ni" mao: nhaung: pho" myo, jid' mae" phaui:4 lhug re pe" mung: qu" ra" i?. – Ni" myo, jid' mae" thao: je; re shi" mayu: pye' re ni" mao: nhaung" myo, mae bo: ra" phaui: lhug re yu: pye' lang: ein: khoru: vae" ta"5 nae". – Geim kaid' yaug we" ni" myo, jid' mae bo: ra" thao:je; re shi" yu: pye' wa, Ai lao" za: ni" mao: nhaung: pho" myo, jid' mae bo: ra" phaui: lhug re nyang" za: nao myao mung: qo" yu: pye' byid' li" nae".6 Yaung" lho" ra" zai re lakha: re da byid: ge, Ni" vag shaid' re vo, jham: qhid' kheim: mae dashepye' to: ge,. Yao: khyid: yang aire nao" nhaug' pye' ra" tho' mago" nao re lao" dam: lhang: tug' bin" lo: li" nae". (Lk.11:9-13)7 Mho' ge, mho' lao" qo" nae". Qho ge, qho mo, qhug' nae". Kham: re ko' ge, ai: lao" naonhaung" re phung" byid' li" nae". –8 Khoru: ga" re mho' yaug wa qo" ra". Qho yaug wa qho: qhug' li" nae". Kham: ko'9 yaug re phung" byid' li" nae". – Yao: zo: cin main" mho' re laug baui byid: nae" byu Ngo: mho' re lhao maui byid: nae" byu10 naonhaung" mae khag' bo ko". – Aimung: naonhaung" qhi" mashab makhyang" ra" mo, lao" re: yao: zo: qere gai: ra" jhaung11 qhu" ba: byid' re . – Mug: gaung: dao mae na: ra" naonhaung" pho" wa Yao: jhao" mho' mo, re gai: ra" ja: re ai: tho' mae12 je: byid: nae" ma ngaid: i?. – Ai mung: su: yang naonhaung" re khoru: kaid' re naonhaung" o ngaui: ru we' dakhyo: naon- haung" re su: geje re ai ru: kaid' byid: ge, ce wa kham" to" tarha" we' lapa qe: dao: ajhaung ngaid: ra". (Lk.13:24)13 Ai: lhae" ra" kham: dung: khyo" vao ge, pe" mung: ga" re byo, qeim: khyo joe" ra" kham: dung: khyo dang wa lae: ra". Ai: gau:14 cao" ye: mo, gyai myo" ako". – Kao daui: ra" khyo joe" ra" khyodang we' kham: wa lhae" ra". Aimung: aire qho: qhug' myao mo, nang" ako". (Lk.6:43-44)15 Aung khug mae shi: cae" jid' ru" ru kha:sain" nhag' lam: ke' ci mung: adao mae yao qid bau: ve; ci mung: naonhaung" jhao" joe" li" ra" lapa lho she' mo, re lha" yang:16 jao" ge, . – Zau: jam" mae" sabyi' shi: re , ma ngaid: lao" mug: gyain: zau: gae mae" pho' ham" shi: jham re lhaung" qo" phyo' yu ko" i? Yao: bam lapa lho she' mo, ngaid: rure Yao: bam: mau" zo" ave, re qu" yang:17 naonhaung" ba: li" genae". – Aimung: gai: ra" agae khao: ngo" wa lho" ra" ashi: zaui" ra". Magai: ra" agae wa malho" ra" ashi: re18 zaui" ra". – Gai: ra" agae mae" malho" ra" ashi: mazaui: ngaid: ra".Magai: ra" agae mae" re: lho" ra" ashi: maqo" zaui: ngaid:19 ra". – Ashi: lho" mazaui" ra" agae khao: ngo" wa myi: mae thau ngha" pye' ru qhug'20 ako". – Airu: mung: lho she' ra" lapa qere yao: bam: ave, mau" zo" re qu" yang: naon- haung" ba: li" genae". (Lk.13:25-27)21 Ngo re AsAng we" AsAng we" ga: mho mo, alhab' mug: gaung: mang: din" qo" vao ye: genae" mangaid: . Mug: gaung mae na: ra" pho" o: ra" khyo: cao" yaug za: qo" vao22 nae". – Ai: ne, mae byu myo: sho' mo, wa AsAng we" AsAng we" ngonhaung" wa ni" mang re lao: yang: Mo"so: mung dao: re hau" kyo" lo va" mangaid: i? Ni" mang re lao: yang: Yui myo: sho' re khe' thug' pye' lo va" mangaid: i? ga: mho: li" genae". –23 Ailao" ngo wa yao: bam re ngo khonhae" re: maba. Byu lhaung qe we" ngo mae" phao: thug' lo" ge, ein: mho nae". (Lk.6:47-49)24 Ngo mho: ra" mung dao: cegu: re tae" gyo: mung: cao" pyang" ra" yaug wa yao" yham re laug thin dao mae kyaung" zhaug' mung: kaid' ra" juyi bo yaug we' dau: ra". –25 Mug: qu qid je: ngaid yang: re: la qam" lo ngaid yang: re: laug thin dao mae kyaung" zhaug' yang: kaid' to" ru mung: mabaui26 mabyo, lo: ngaid: ra". – Ngaid qere: ce: nga" dao: re gyo" yu mung: macao" pyang" ra" yaug khag' ngaid qere: yao" yham re ma coe dam: mae yham kaid' na: yaug27 we' dau: ra". – Mug: qu qid je" li" ru we' la qam" hug' lo lao" ai: yham re lo" deim" lhang" pye' ru qhug' ra". Ai wa pye: byin yao: ngaid: li" nae".28 Yesu wa dao: cegu: bin: jhau lao" volo29 byu qe gyo" mug' ako". – Khoru: ga" re yao: wa ba jhao pho" qe re" ru: mangaid: kheim: so' qo" ra" yaug re" ru: mho" shid' kyo: yang: ngaid: ra".