1 Yesu bam mae" gyo" lo lao" byu a jham2 a taung yao" thao cao" lo: ako". – Ai:lao" ye, gyaid phau" ra" byu dayaug wa yao: jhao" li" mung: AsAng we" nao nug: re ngo re shaokyang" byid: la, ga: goe; pa" yang:3 ta" ra". – Yesu wa lo, qang: ke' mung: yao: re soe' yang: Ngo nao re shao: lo nhao nug: ra". Shao: lo wa, ga: mho: ra". Ailao" jao" ye, gyaid de, yaug gai: lo" byaug:4 ra". – Ailao" Yesu wa yao: re nao ce: akhyo re khag' rere: data" kyo: . Ngaid qere: ni" gaung re khin jaung pho" re lo" qhu" wa, amung: nao gai shao: lo va" khyo volo byu: qhid' kheim: mae sagso: boe" veshao: Moshe mho: to" ru we' dakhyo: za: xeim: re lo" ngaui" wa, ga: mho: ra". (Lk.7:1-10)5 Yesu Kapernaum: vogaung: joe" vao lo" lao". Roma' gyezug: pho" dayaug yao: jhao"6 li" mung: , – AsAng we" nga" daui daui yaug wa khyid shid lo, shid yang: maqo" lab lo: yham mae no: lang" jo; ra" ga: Yesu re bao"7 thaug' nae" mho' ra". – Ailao" Yesu wa ngo li" mung: yao" no re gai byid: nae" ga: ta"8 ra". – Ailao" gyezug: pho" wa AsAng we" nao nga" yham khyo vao li" nae" wa ngo mamain: qi" yaug ngaid: ra". Ngaid qere: dao: dakheim: za: mho: ke' la, ailao" nga"9 zoshao gai: lo: li" nae". – Khoru: ga" re ngo wa kheim: so' qo" su dayaug ngaid: . Nga" o mae gyezo: nau" qe na: bam: ako".Ngo wa dayaug re ye: wa, ein: mho lao" ye" ra". Dam: dayaug re lo wa, ein: lao" yao: lo: ra". Nga" daui daui yaug re ce kaid' wa, ein lao" yao: kaid' ra" ga: dam: phaug' tau" ra". –10 Yesu wa ai: dao: re the' gyo: lao" mug' ra". Ngo naonhaung" re mho geli" ce qhi" lam khug: ra" byu re Israel qe mae dayaug re11 lao" ngo mamyao: qu" shi: . – Ngo naon- haung" re dang dang mho geli", ba thug' ba vao shaid' khyo" myo: sho' mo, zang" lo mung: Abraham Isag' Yaku' we' daga" mug: gaung: mang: din" mae zo: shaug' li"12 genae". – Ngaid qere: mang: sang nau" qe ngaid lao" wa taung gaung mae" mug: caid' khug khyo khe' thug' pye' ru qhug' genae". Ai:mae ngug byid ngug nhe' we' zaui kyag'13 yang: na: li" genae" ga: ta" ra". – Ai: thao Yesu wa gyezug: pho" re nao lam" ru we' da khyo: boe" veshao: yham khyo dam: lo" wa, se, ga: yao: re mho: ra". Ai yao: jao" gyezug: pho" daui daui yaug gai: lo" byaug: ra". (Mk.1:29-34; Lk.4:38-41)14 Yesu wa Petru yham khyo vao ye" lo" au: Petru; yaug myhi" no yang: yab jaung:15 dao mae lang" jo; rure yemyao: ra". – Yesu wa yao" lo; yang soe' byid: lao" ajao" yao: no gai: byaug mung: to" li" yang: yao: bam re caung da" byid' ra".16 Myi" thao zo" ayo, mae volo byu qe wa yui vao: ra" byu myo: sho' re Yesu jhao" jhui" li" ako". Ailao" Yesu wa makhyang" ra" yui jham re kheim: thoe: yang za: khe' thug' pye' ra". No phyo: qhug' na: ra" mo,17 rere: gai byid' ra". – Yesu ceru: kaid' ru wa yao: wa ngonhaung" no phyo: re yu: pye' byid: mung: ngonhaung" yug: no jham re vin: pye' byid' ra" ga: lapa Esaia pa dao: dang: lo va". (Lk.9:57-62)18 Yesu wa yao" avai: ayae mae" byu a jham a taung re myao lao" qid tham: thoe te'19 khyo de; ye: nae" khyo" mho: ra". – Ai: au: jham: ba pho" dayaug Yesu jhao" li" mung: mho" pho" we" nao khai: ye: khai: Ni" thao20 ngo cao" nae" ga: ta" ra". – Yesu wa zag ne jham wa khyaung qo" ako". Ngho' zo: jham re: said' qo" ko" ra". Ngaid qere: Byu: yao: zo: wa au: to: jao: lao" maqo" ngaid: ra"21 ga: ta" ra". – Naungcao dayaug wa AsAng we" ngo wa nga" pho" mao gaung re shi" lo" nyhab' shaung: pye' nae" tau: a khang"22 byid: la, ga: ta" ra". – Yesu wa nga" thao cao" wa, shid mo, wa yao: cao: nyhab' shaung vegeshao: ga: ta" ra". (Mk.4:35-41; Lk.8:22-25)23 Yesu we' naung cao qe wa lha dalam:24 mae jui: mung: gau" ye" lo" ako". – Qid dae mae nyag din taung" la qam" lo mung: bang: lhung" lhung" lo yang: lha alaug laug mhaug' pye' ra". Yesu yab: myhid' jo; ra". –25 Yao" naung cao qe wa Yesu re nhug' mung: AsAng we" ngonhaung" re lhoe' yu la, ngonhaung" shid: dam: naeva" myao: wo"26 ga: ta" ako". – Ailao" Yesu wa yao: bam re naonhaung" pe" mung: a qhi" gyaug: nin" ko" i? Lam khug myid mabo ko" i? ga: mho mung: to" yang: la qam" we' bang: lhung" re qeim: tam" ke' lao" jao" yao: la qam"27 we' bang: lhung" tae" lo" ra". – Yaug khao: ngo" aire qu" mug' ako". Byu ce: yaug pe" ru" su ngaid: i? La qam" we' bang: lhung" lao" Yao" mho dao: gyo: byid' ako" ga: ta" ako". (Mk.5:1-20; Lk.8:26-39)28 Yesu wa qid tham: thoete' Gadara: mug: khyo joe" lo" ra". Yui vao: jaung" ra" byu shid' yaug lab bug mae" thug' li" mung: Yesu re li" qhug' ako".Yao: shid' zo: wa gyai makhyang: ko" ngaid: ra". Aimung: ai: gau: khyo" khag' re: ma vae" lai: lhau ko" ngaid:29 ra". – Yao: tao wa Mo"so: yao: zo: we" nao we' nga" shid' tao pe" tin" i? ayo, majoe" shi: re qobo byid: nae" tau: ce: jo,qo khyo joe"30 li" i? ga: zag: hug' ko" ra". – Ai: ayae mae31 vo, dajham baid zo" na: ako". – Ailao" yui jham wa nao ngonhaung" re khe' thug' pye' nae" ngaid: re wa ai: vo, jham mae ngon- haung" re vao nhao la, ga: Yesu re mho'32 ako". – Yesu wa ye" lo" ge, ga: mho lao" yui jham wa ai: byu tao mae" phao: thug' lo" yang: vo, jham mae ye: vao gemung: vo, jham wa dang" kam" nhaid' mae" qid tham: khyo byae: gyo" lo" gemung: nab:33 shid: pye' veko". – Vo, zaung" mo, wa vogaung: khyo tao" phao: lo" mung: yui vao tao mae boe" ra" akhyo alhab' re lo"34 zhao: kyo: ko" ra". – Ailao" vogaung" byu qe Yesu re yeqhug' ako". Yao: bam wa Yesu re li" myao lao" yao: bam: mug: mae" thug' lo" nae" tau: mho' ako".