1 Mug: bo" zo" mae khin jaung qe we' zug: ade, qe wa Yesu re se' pye' nae" tau:2 byin phyo: jho" qham: ako". – AsAng re taui" she mung: Roma, mang: zug:pho" Pilaid' jhao" dai" pye' ako".3 AsAng re qhaug' pye' ra" Yuda wa Yesu shid nae" qobo byid: ko" rure ba lao" Yuda wa nhag' lam: atha" qo" ru we' nhag' myid: kaug' yang:ngaui sam xe kye' re khin jaung qe we' nhag' bo zug: ade, qe jhao" ye: dam:4 tug' byid' pye' mung: . – Ngo wa qobo maqo" yaug re shid nae" tau: mae" qhaug' byid' ra" qobo qo" va" ga: ta" ra". Ai: ru wa ngonhaung" we' pe" matin: ni" mau"5 angaid: ga: dam: tau" ako". – Yuda wa ai: ngaui sam xe kye' re pa" jhaung: yham mae shepye' to: co' yang: phao: lo" mung:6 yao: yao: za: ye: cui" shid: pye' ra". – khin jaung yin" jham wa ai: ngaui re gaug: yu mung: ce wa sa: ngaui ngaid: ra"Aung lam bain" mae magai: ke' nae" ngaid: ra"7 ga: ta" ako". – Yao: bam bin: jho" phyo" qham: nyang thao mae myid gaung dacug'8 re vai: ako". – Ai: mathao: yang ana" ba joe" sho' ai: myid gaung dacug' zo: re sa:9 myid gaung ga: mhang" na: ako". – Airu: mung: Israel zo: dau qe gau jho" ta" phyid' to: ko" ra" yaug gaung phug' ngaui sam xe re yu: yu mung: AsAng ngo re pin: to: co' ru10 we' dakhyo: ai: ngaui: yang – yae: sheim: yaug: myid gaung re vai: yu: ako" ga: lapa Yeremia pa: to" ru dang: lo: ava".11 Yao: bam wa Yesu re Roma mang: zug: pho" qhid' kheim: mae she: yhe' to" ako". Mang: zug: pho" wa Yesu re nao wa Yuda qe: jhaung zug: ngaid: i"?ga: myid: lao" Yesu wa ngo ngaid: ra" ga: akhyo nao mho:12 ava" ga: dam: tau" ra". – Khin jaung yhin" qe we' zug: ade, qe: yang qobo vhin ko" rure pe" dao: da kheim: re: matau: ngaid:13 ra". – Alao" Pilaid' wa Yesu re yao: bam nao re aqhi" qobo vhin: na ko" rure nao mathe'14 gyo: i"? ga: myid' ra". – Dao: da kheim: re: maphaug' tau: ngaid: ra". Airu: mung: mang: zug: pho" gyai mug' byaug: ra".15 Roma mang: zug: pho" wa lai loe, poe joe" khao: ngo" mae volo byu qe mho' ko" ra" kyam: lhaung" byu dayaug re yao: bam: tau: mae" lhaung" nhao byid' ra" li16 jo; ra". – Ai: ayo, mae ma khyang: yang: la hau: qi" ra" Baraba ga: mang: ra" kyam:17 laung" byu dayaug na: ra". – Volo byu qe zang" ham: li" gelao" Pilaid' wa yao: bam re naonhaung" khag' re lhoe' ke' nae" o ko". Baraba re i"? mangaid: lao" Meshia ga" Yesu18 re i"?ga: myid' ra". – Khoru: ga" re yao: bam myid nug: geyang: za: Yesu re yao" lo, khyo li" qhaug' byid: ko" rure Pilaid'19 ba: ra". – Pilaid' wa tarha" lakin tao" mae zaung: na shi" au: yao" yham sang myhi" wa byu dayaug re nhao: ke' mung: ai: qobo maqo" ra" yaug re pe" dakaid' pe" mung: ga" re yao" mathao mae ana" ne, yab mo, mae ngo dayae yo: qhug' va" ga: ta" nhao:20 ke' ra". – Khin jaung yin" qe we' volo byu qe wa Baraba re lhoe' ke' mung: Yesu re se' pye' wa, ga: Pilaid' re mho' genae" tau: volo21 byu qere poe: ako". – Pilaid' wa volo byu qere ce shid' yaug mae" khoyaug re lam: lhoe' ke' nae" naonhaung" o ko" i"? ga: dam: paug' myid' ra". Yao: bam wa Baraba' re lhoe' ke' byid: la, ga: phaug' tau" ako". –22 Alao" Pilaid' wa yao: bam re airu: ngaid lao" wa Meshia ga" ra" Yesu re ngo khoru: kaid' zai ga: ta" ra". Yao: bam alhab' mo; wa yao: re pyao: mae be; jin" se' pye' wa, ga:23 phaug' tau" ako". – Pilaid' wa yao: pe" ja: re shaid' lhoe" yang: qobo qo" ra"?ga: myid' ra". Ailao" yao: bam wa yao: re pyao: mae be; jin" se' pye' wa, ga: je: yang: hug' ako".24 Pilaid' wa xo' yang: ta" ngaid yang: re: pe" so' ha" nae" mangaid: .Volo byu qe je: lu" li" genae" rure myao lao" qid yu yang: ce dang main" ra" yaug: sa: mae ngo pe" mabo: leim" nae" naonhaung" qobo za: angaid nae" ga: ta" mung: volo mang: byu25 qe: qhid' kheim: mae lo, cid' ra".– Volo byu qe alhab' mo, wa yao" sa: xao qug: wa ngonhaung" we' ngonhaung" zo: myid: qe: dao mae ngaid veshao: ga: ta" ako".–26 Pilaid' wa Baraba re lhoe' byid: mung: Yesu re be, yang: pyao: mae be; jin" se' pye' nae" tau: qhaug' pye' ra".27 Mang: zug: pho" gyezo: jham wa Yesu re qe, mo" qe, khyo jhui" vao lo" ako". Gyezo: daphung: mo" geim" re: Yesu lhang" gam: mae zang" ham: li"28 mung: , – yao: bam wa Yesu mai bau: re khyaid' pye' byid: mung:zin yung amo,29 bau: qhang tha" vhe' byid' ako". – Mug: gyain: zau: dam: yang nag: yu: maug re yao" au: mae zhaung: byid: mung: je jid: qid bo: yao: dakhe' re re: lo, yo lo, mae ci nhao mung: qhid' kheim: paid' thaug' thaug' nhao yang: Yuda qe: jhaung zug: nga: lho" kao qhang veshao: wo" ga: de"30 qi: ako". – Khata: phoe" sheim: byid' ru we' je jid: yao: yu: yu mung: yao" au: mae31 be; ako". – Aire" ru: bin: jung" pye' thao re bau: qhang khyaid' yu byid: mung: yao" mai bau: re dam: vhe' byid: yang: pyao: zang mae be; jin" se' pye' nae" tau: mae" jhui" thug' lo" ako".32 Yao: bam su" ye" lo" ra" khyo mae Kureni vo mae" Simon ga: mang: ra" byu dayaug re the' myao lao" yao: bam Yesu pyao: re bovo, nae" tau: deim" zag: nhao: ako".33 Golagotha ga: mang: ra" au: gye; jo, qo34 mae joe" ye: lao". – Cid' kho: we' phaung: to" ra" sabyi' qang: byid: jhaug' ako". AsAng aire lham: yo; tau" qu" mung: mashaug' ngaid: ra".35 AsAng re yao: pyao: mae jin" te' to: mung: yao" bau: re pha" be, yang: gae: yu:36 ako". – Ai: jo,qo mae zaung: jo, mung:37 lhaug' na: ako". – Yao" au: tho' mae ce yaug wa Yuda qe: jhaung zug: Yesu ga:38 tung" the: tung" te' to" ako". – Yao: we' daga" cangtau: shid' yaug re lo,yo shaid' mae dayaug lo, vai: shaid' mae dayaug39 pyao: mae bobe; jin" to" ako". – Khyo mae su" lai: lo" mo, wa au: nghoe" nghoe" mung: pa" jhaung: yham re phyo' pye' yang: sam ba: aqho" mae dam: tau: yhe'40 nae" ga" yaug we". – Nao Mo"so: yao: zo: ngaid: re wa ni" gaung re nao yao: khyaid' yu wa, amung: pyao: mae" gyo" lo ri: ga:41 nyhe' ako". – Khin jaung qe jham: ba pho" qe we' zug: ade,qere: ai we' dakhyo: nyhe'42 ako". – Yao: yao" gaung re lao" maqo" khyaid' yu nhaung i"?.Israel qe: jhaung zug: dang: re pyao: zang mae" ana" gyo" lo wa, ngonhaung" nao re lam nae" ga: mho:43 ako". – Yao: wa Mo"so re khug ngha: ra". Aimung: ngo wa Mo"so: yao: zo: ngaid: ga: ta" yaug ngaid: ra". Airu: ngaid: re Mo"so yao: re ana" khyaid' yu nug: laug: qu" qu"44 gelang: ga: ta" ako". – Yao: we' daga" pyao: mae be; jin" to: ko" ra" cang tau: shid' zo: lao" re: ai we' dakhyo: Yesu re nyhe' ako".45 Ba gaung tau yo, mae" myi" thao sam yo, joe" sho' damang: geim" no, sang: kyid46 caid' lo" byaug: ra". – Myi" thao sam yo, khain mae Yesu wa thoe mo" ke' mung: Eli Eli Lama Sabag Thani ga: mho: ra". Ai wa nga" Mo"so nga" Mo"so nao ngo re pe" mung: yang: shepye' co' i"?. ga" ru ngaid:47 ra". – Avai: ayae mae na: ra" mo, daqhae: aire the' gyo: gelao" Elia re khai: na: ra" ga:48 ta" ako". – Byu dayaug ajao" tao" li" mung: qid mhaid' yu yang: ai: mae qid jhin qang: ke' mung: je jid: yao: mae thug' ze, yang:49 jhaug' nae" khyo: jhoe: byid' ra". – Damyo" wa ngaid shi: shao: Elia yao: re li" khyaid' yu nae" laug qu" qu" gelang: ga: ta" ako". –50 Yesu wa qi" ra" thoe mo" dalhang dam:51 hug' ke' mung: kao gyo" lo" ra". – Ai:au: pa" jhaung: yham mae khao" to" ra" qe, kyo pin: lhung" wa atho' mae" athai: joe" sho' go; lo" pye' ra". Myid lab: lab' ru we' laug52 thin jham go; sin" lo" byaug ko" ra". – Lab jham re: bung" li" mung: shid: jo; ra" shao gyang" byu qe myo: sho' mo, re: daui: to" li" nhao: ra".53 AsAng dam: daui: to" li" thao mae yao: bam lab jham mae" thug' li" mung: gyang" shao: ra" vogaung: khyo vao lo" mung: byu myo: sho' mo, wa yao: bam re the' myao:54 ako". – Yesu re lhaug' zaung" na ko" ra" gyezug: we' gyezo: qe wa myid lab: lab' ru we' boe" li" ra" gu: re myao lao" gyai gyaug: nin" ko" ra".Ce yaug wa gaigai: yao: Mo"so:55 yao: zo: ngaid nhaung ga: ta" ako". – Galile mang: mae" yao" thao cao" mung: yao: re caung da" byid: ko" ra" myiqe: myo: sho' mo, re: va: mae" yao: re qu" na: bam:56 ako". – Aibam: phaung mae Magadala Mari , Yaku ' we' Yoseb' tao: yao: myhi" Mari , Zebedi yao: zo: tao ho' yao: myhi" bam bobo: ako".57 Myi" thao joe" lao" Arimathe vo mae" Yoseb' ga: mang: ra" byu dayaug joe" li" ra".Yao: re: Yesu Naungcao dayaug ngaid:58 ra". – Yao: wa Pilaid' jhao" ye: mung:Yesu mao gaung re ye: mho' ra". Pilaid mang: zug: wa mao gaung yu nae" amyin" khyo" ke' ra".59 Yoseb' wa mao gaung re yu mung: shao lho" yaung" ra" pin: phyu cug' yang60 thab' mung:. – Laug thin mae kyaung" yu: ra" yao" lab sag' khug mae Yesu re ye: mhao" to" ra". Lab kham: dung: re laug the: mo" dalam" yang lhang" jhid' to: co'61 mung: yham khyo phao: lo" ra". – Ai: nhae tau Magadala, Mari we' getau: Mari dayaug wa ai: lab tau" te' mae zaung: jo, ko" ra".62 Ai: thao: ba wa lai loe, poe gaung: ngaid: . Ai: ba ne, seim mae khin jaung qi: qe we' Phareshe qe wa Pilaid' jhao" zang"63 ye: mung:. – Zug: pho" we" ai: mhug' hab' wa yao: daui: na shi" au: ngo wa sam ba kyo thao re dam: daui: to" li" nae" ga: ta" rure ngonhaung" dam: myid: beim:64 va". – Aimung: yao" naung cao qe myi" re yao" mao gaung li" khug' vo; lo" mung: yao: wa shid: ru mae" dam: daui: to" li" va" ga: maqo" hau: genae" khyo: sam ba ein: ba joe" sho' lab re gug: gam nae" khyo: amyin" khyo" ke" wa, airu: mangaid: lao" thao mae mhug' hau" ru wa qhid' phyao: tho' mae" je: nhaung" khoe' nae" ga: ta"65 ako". – Pilaid' wa yao: bam re gug: gam gye phung: daphung: khai: yu yang: lab re qo" gug' qhi" gug: sho' ye: zaung" nhao ge,66 ga: ta" ke' ra". – Ailao" yao: bam wa lab khyo ye: mung: laug kham: the: mae aso: bin: te' pye' thao lab re gyai gug: sho' kaid' mung: zaung" nhao co' ko" ra".