1 Su the' myao vegeshao: ein: volo byu myo: sho' mo; qhid' kheim: mae ve, vin mau" zo" mazaui" qhu" nae" tau: lha" ge, airu: mangaid: re mug: gaung: dao mae na: ra" naonhaung" pho" jhao" mae" pe" jeju" min jhaung: re: maqo" genae".2 Ai mung: naonhaung" qo ca" mo, re aung lam byid: gae: ngaid: re su:yang khin" geshao: ein: hau" mo" mae we' mo, khain yang: lho she' geim kaid' mo, we' dakhyo: zang be,mao" thaung: mung: dakaid' ge, . Ngo naonhaung" re dang dang ta" nae" yao: bam wa yao: bam o: ra" aphug' jhaung qhu"3 qo" yu: aveko". – Aimung: naonhaung" wa ca" qo mo, re aung lam byid: gae: re ni" lo, yo lo, kaid' ra" mau" lo, vai: lo, re daba4 nhao. – De: de: mathe' myao nyham" to" ja: re qo" myao: ra" naonhaung" pho" wa akyu" jeju re de: de: bao bao byid' lo: li" nae". (Lk.11: 2-4)5 Naonhaung" jhaung: mho' re geim kaid' mo, we' dakhyo: dakaid' ge, kho ru: ga" re yao: bam wa su alhab' the' myao veshao: ga: hau" mo" khyo dang mae ye; jo, yang: jhaung: mho' nug mo, ngaid: ako". Ngo naonhaung" re dang dang mho geli". Yao: bam wa yao: bam o: ra" ru the'6 veko". – Naonhaung" jhaung: mho' lao" nao yao" qe, khug mae kham: pyid' pye' yang: jhaung: mho' ge, . Ai:lao" anyham: avho' re myao: ra" naonhaung" pho" wa naonhaung" re jeju min byid' li" nae". –7 Ai mung: naonhaung" jhaung: mho' re taung bug amyu" qe mho' ko" re" ru: da mho'ge, Pe"mung:ga"re yao: nhaung" wa dao: kheim: myo: sho' yang qhang qhang mho' lao" yao: bam: dao: re tae" gyo: byid:8 genae" dao" nghae" ako". – Ai bam ru: da kaid' ge, pe" mung: ga" re naonhaung" mamho' shi: mae" naonhaung" pe" ja: o: rure pho" wa gin qhid' ba: to: gau ngaid:9 ra". – Airu: mung: naonhaung" jhaung: mho' re ce ru: ein: mho' ge, , Tho' zhao" myhao mae" ngonhaung" pho" we" ni" mang khyao: yaung" lho" jo, veshao:.10 Ni" mang: din" joe" lo veshao: mug: gaung: dao mae nao nhag' dag: na: ru we' dakhyo: myid gaung: dao mae re: dag; lo veshao::11 Ngonhaung" mae qo: ra" zo: shaug' ana" ba ngonhaung" re byid: la,.12 Su ngonhaung" re shaid' ra" qobo ngonhaung" khyaid' pye' byid' ru we' dakhyo: ngonhaung" qobo rere: khyaid' pye' byid: la,.13 Ju" phyo' ra" khyo maye: nhao lo: magai: ra" khyo mae" she: yu la, .Gug: mang: dae gam gin khin" ra" phung qab bao kheim: so' wa nao mae thain" madaui gyag maqhui: ajo; na veshao wo" Amen ein: mho' ge, .14 Airu: mung: su: qobo re naonhaung" khyaid' byid: lao" she, mug: gaung: dao mae" naonhaung" pho" re: naonhaung"15 qobo re khyaid' pye' byid: nae". – Naon- haung" wa su: qobo re ma khyaid' byid: ko" ngaid: re naonhaung" pho" wa naonhaung" qobo re re: ma khyaid' byid: nae".16 Naonhaung" zo: shaug' jao" au: geim kaid' mo, re" ru: myo, nho sham zang dakaid' ci ge, Yao: bam wa zo: shaug' jao" ra" ga" ru su pe" the' myao geshao: ga: myo, nho myo, khung: re lhai" pye' ako". Ngo naonhaung" re dang dang mho geli" Yao: bam o: ra" aphug' jhaung qhu"17 qo" aveko". – Naonhaung" zo: shaug' jao" gelao" naonhaung" myo; yang mamyao: ra" naonhaung" pho" mae" je yang: naon- haung" zo: shaug' jao" rure su khag' maba shao: myo, cid' xau gyaid yang: kyo'18 shaung: pye' ge, . – Anyham: avho' kaid' rure myao: ra" naonhaung" pho" wa naon- haung" re jeju min byid' li" nae". (Lk.12:33-34)19 Myid gaung: dao mae" jo,nho" re naon- haung" daqaung" to: ge, ai re nhug we' zu zo" kao" pye' ra". Khug' mo; re: qo" khug'20 pye' ra". – Ai mung: khug' mo; yang re: maqo" be; thaid' yu nhug we' zu: yang re: maqo" zo" kao" pye' ra" mug: gaung: mang: din" mae naonhaung" jo, nho" re qaung" to:21 ge, . – Naonhaung" jo, nho" jo; ra" tau mae naonhaung" nhag' taui" jo; li" genae". (Lk.11:34-36)22 Myo, jid' wa gaung khyao tau: myi: dam ru" ru ngaid: ra". Ni" myo, jid' qang: qang: za: ngaid: re wa ni" gaung geim" bao:23 jo; li" nae". – Ngaid qere: ni" myo, jid' mae athab' zang ngaid: re ni" gaung wa caid' jo; li" nae". Airu: mung: ni" bo" bao wa mug: caid' boe" byaug: li" mung: mug: caid' wa khoqhi" no, sang: kyid ngaid nae" i? (Lk.16:13; 12:22-31)24 Byu dayaug wa asang shid' yaug: o: kaung magai: boe". Dayaug re jhid' kao mung: dayaug re nghang: nae" dayaug re pao ngha mung: dayaug re maphug' makhyaid' kaid' li" nae". Ai mung: naon- haung" wa dalhang: dae Mo"so we' ngaui hhang: o: kaung magai: boe".25 Airu: mung: ngo naonhaung" re ta" peim: geli". Naonhaung" wa pe" zo: pe" shaug' nae" pe" ve, nae" ein: damyid: ci" ge, gaung khyao wa mai bau: tho' mae so' kao wa zao: pho: tho' mae je: phug' de; ra"26 ma ngaid: i?. – Mug: phyo: mae dao" qin" ra" ngho' jham re qu" qu" ge,. Ai jham wa qhovo: maqho: ko". Jhi mae re: pe" matai: zhang" to: ko". Ngaid yang: re: mug: gaung mae" pho" wa yao: nhaung" re zho" na: ra". Naonhaung" wa ngho' jham tho' je:27 phug' de, ko" mangaid: i?. – Naonhaung" mae" khag' ngaid qere: myid: ci" ru yang yao: yao" kao re dadaung" je: qo" qhang28 nhao ko" i"?. – Naonhaung" pe" mung: ve, mai bau" tau: myid: ci" na ko"?.Seyo mae" bae" laug: bin: jham re qu" qu" ge, ai jham wa jid: re: manai: qo, gin: re: maqo, ko" ngaid: ra".29 Ngaid qere: ngo naonhaung" re ta" kyo: geli" phung qi" ra" Sholomun jhaung zug: lao" re: ai: bin: gae jham mae" ru: yaung"30 sho' maqo" shaung ve; ngaid: ra". – Ana" ba bu" yaung" mung: ne, mo" ba myi: khyeim" mae ngha" pye' ra". Seyo mae" mhin: zo: laung la jham re Mo"so shaung vhe' byid' ra". Naonhaung" re je yang:31 shaung vhe' byid' li" nae" mangaid: i?. – Ai ru: mung: lam" myid qam: nang" ra" mo, we" Ngonhaung" pe" zo: pe" shaug' pe" ve,32 nae" laug ein: da myid: ci" ge, . – Taung bug byumyu" qe za: ce: akhyo re myid: ci" ako". Mug: gaung: dao mae" naonhaung" pho" wa naonhaung" ca" qo: ra" gu: alhab'33 re ba: na gau ngaid: ra". – Mo"so: mang: din" we' Yao" dang main" khyo re shi" saoqhid' qho ge, .Thao re ca" gu: alhab'34 geim" re yao: byid: nae". – Airu: mung: ne, mo" ne, mae" qug: khai: re da taung" myid: ci" ge, ne, mo" ba wa ne, mo" ba: qug: khai: re qu" kin veshao:. Ana" ne; qug: khai: wa ana" ne; tau: ga" shi: va".