1 Yesu wa byu phaung mo" re myao lao"bam dao khyo do, lo" ra".Yao: ye: zaung: jo, lao" yao" Naungcao qe yao: jhao"2 zang" qham: lo: ako". – Ailao" yao: nhaid' phung" mung: mho" shid' qhid; ru wa ,3 Nhag' lam: nyham: khyo" ra" mo, wa nga: lho" ko" ra". Khoru: mung: ga" re Mo"so: mang: din" wa yao: bam: qhid' mae" ngaid: ra".4 Nhag' kaug' myo, yug mo, wa nga: lho" genae". Khoru: ga" re yao: bam wa nhag' myain: nhag' tang" ru qhug' genae".5 Nhag' lam: nau" nhae" ra" mo, wa nga: lho" ako". Khoru: ga" re yao: bam wa myid- kin re qo" sang genae".6 Dang main" khyo re moe, shab' ra" mo, wa nga: lho" genae". Khoru: mung: ga" re yao: bam wa na gai: ru qhug' yu genae".7 Nhag' ba: myain" ra" mo, nga: lho" ako". Khoru: ga" re yao: bam wa nhag' myain" ru qhug' genae".8 Nhag' khug mae shaogyang" ra" mo, wa nga: lho" ako". Khoru: ga" re yao: bam wa Mo"so re the' myao genae".9 Nyang ba: nyhang" ra" mo, wa nga: lho" ako". Khoru: ga" re yao: bam wa Mo"so: yao: zo: qe ga: mhang" ru qhug' genae".10 Dang main" ra" mathao mae se' da: be, khyaid' yhin" qhug' ra" mo, wa nga: lho" ako". Khoru: ga" re mug: gaung: mang: din" wa yao: bam: mang: din" ngaid: ra".11 Nga" mathao naonhaung" re gaui mho: ru yhin" ru we' madang mamain: qobo vhin ko" re naonhaung" wa nga: lho" ako".12 Ngaui bau" na ge, khoru: ga" re mug: gaung: mang: din" mae naonhaung" aphug' jhaung qhu" gyai qi" ra". Naonhaung" qhid' au: mae na: lai: lo" va" lapa qe re" ru: yao: bam re khang: nhau: be, khyaid' kaid' veko". (Mk.9:50; Lk.14:34-35)13 Naonhaung" wa myidkin: xo: ngaid ko" ra". Ngaid qere: xo: ngae: ru shao" byaug lao" pe" yang ngae lo: nae" i?. Ngae: ru shao" pye' va" xo: wa pe" kaid' magai lo: . Taung gaung khyo shepye' pye' mung: nao"14 nhaug' pye' za: agai lo". – Naonhaung" wa myidkin: bo" bao ngaid: ako". Bug gaung mae" vo gaung: re maqo" nghoe' to: nae".15 Myi: dam re te' mung: dao" yang khag' mazhaung" lhaung" to: . Yham byu alhab' re bao byid: nae" tau: myi: tao" mae akai"16 to". – Ai we' dakhyo: naonhaung" gai: ra" lo, mau" ave, re myao mung: mug: gaung mae" naonhaung" Pho" re ba: caung: khin" lo nae" tau: su: qhid' kheim: mae naon- haung" gai: ra" ave, re bao: qhu" na ge, .17 Khang" dao: we' lapa qe: dao: jham re qab; pye' nae" tau: ngo joe" li" ein: naon- haung" dajho ge, .Ai jham re qab; pye' nae" ein: ngo joe" li" ru mangaid: . Pyang" lhoe"18 nae" ein: ngo ali". – Naonhaung" re ngo ta" geli", mug: gaung we' myid gaung malai: lo" shi: re ta" to" ra" gu: alhab' mabyang" lhoe" loe" wa khang" dao: mae" tung" ce' dace' we' myo, dace' lao" malai" lo" nae". –19 Ai mung: khang" dao: ngai da kheim: re lhoe" yang: ai ru: su re mho" byid' ra" yaug wa Mo"so: mang: mae ngai: thao" yaug ngaid: li" nae". Ngaid qere: khang" dao: re cao" pyang" yang: mho" shid' ra" yaug kam" wa Mo"so: mang: din" mae qi"20 thao" yaug ngaid nae". – Ngo naonhaung" re mho geli", Naonhaung" ave, wa jham: ba pho" qe we' Phareshe qe tho' mae za: maje re wa Mo"so: mang: din" khug khyo qhug' vao genae" mangaid: ngo dang dang mho: ra".21 Byu da se' byu se' ra" yaug wa dao: phyid' ru qhug' ca" nae" ga: geco' ne, mae" mo, ta" to" ra" dao: naonhaung" the' gyo"22 aveko". – Ngaid qere: ngo naonhaung" re mho nug: ru wa yao" mao: nhaung: re nhag' yo" ra" yaug khag' ngaid qere: dao: phyid' ru qhug' ca" nae". Yao" mao: nhaung: re jung" khyoe' ra" yaug wa tarha" yung" mae dao: phyid' ru qhug' qo: ra". Aimung: yao" mao: nhaung: re nhang" ra" yaug khag' ngaid yang: re: myi: mai: tham: khyo pye' zaui: ke' ru qhug' genae". –23 Phain mae tang ngaui" nae" xeim: yu: ye" au: re mao: nhaung: dayaug yaug nao re nhag' mashid: ru ,qobo vhin: to" ru daja: ja: nao myid: beim" ke' lao".24 Ai: ngaui" xeim: re shi" to: co' mung: yao: we' shi" nyang vang" sho' lo" kaid' wa, bin lao" dam: tug' lo mung: Mo"so re25 xeim: lo ngaui" byid: wa, . – Nao re qobo zhaug' yaug we' daga" tarha" yung" khyo ye" lo" au: tarha" yung" khyo majoe" shi: mae" yao: we' nyang vang" sho' phyaid kaid' yu wa, . Airu: mangaid: lao" nao re qobo zhaug' yaug wa nao re tarha" zug' lo, mae qhaug' pye' byid' li" nae". Ai lao" tarha" zug: wa kyam: xao" geshao: ga: sin: thu mo" jhao" nao re qhaug' byid' ke' li"26 nae". – Ngo naonhaung" re ta" peim: nae". Nao xe' ca" ra" ngaui mabin: xe' xe' wa kyam: mae" nao qo" loe, nae" mangaid: .27 Su: myi: su: lao dashaid' ga: ta" to" ra"28 dao: re naonhaung" gyo" qu" veko". – Ngo naonhaung" re jhaug' za: mho geli". Su: myi: re nhag' lam" yang qo" sang: yu nug: ra" khyo" su: myi: re qu" ra" yaug khag' ngaid qere: nhag' khug mae ai: myiqe: we'29 shaid' va". – Aimung: ni" lo, yo myo, jid' yang nao re qobo kaid' nhao: ngaid: re wa myo, jid' re co' thaid' shelhaui" pye' wa, khoru: ga" re gaung geim" myi: mai: tham: khyo lo" nae" tho' mae gaung sho: daja:30 byaug: pye' ru je: gai: ashi". – Ni" lo,yo lo; yang nao re shaid' nghung: nhao: ngaid: re ai: lo, re zin" phyid' shelhaui" pye' wa, gaung geim" myi: mai: tham: gyo" nae" tho' gaung sho: daja: byaug: pye' nae" re je: gai: ashi". (Mt 19:9; Mk 10:11-12; Lk 16:18)31 Yham sang myhi" re kao" pye' nug: re tung" khye' tung" byid' ke' wa, ga: khang"32 dao: mae bo: ra". – Ngaid qere: ngo naon- haung" re mho: ru wa anyain: avho: na ye, yang: za: mangaid: re yham sang myhi" re kao" pye' yaug wa yao: myi: re shaid' yaug ngaid mung: kao" pye' qhug' va" myiqe: re lham: vhao" yu: ra" yaug re: su: myi: re shaid' yaug ngaid: ra".33 Nao ta" to" ra" dao: so: re daphyo'. Mo"so re byid' to" ra" dao: so: kheim: re zaui" pyang" wa, ga: genhae" mae" mo, ta" to" ra" dao: re naonhaung" gyo" qu"34 veko". – Ngaid qere: ngo naonhaung" re mho: ru wa naonhaung" khonhae" re: jham datang: ge, mug: gaung re lao: yang: jham datang: khoru: ga" re mug: gaung35 wa Mo"so: zaung tao" ngaid: ra". – Myid gaung re lao: yang: re: jham datang: myid gaung wa Mo"so: khyid nao: jo,qo ngaid: ra". Yerusalem re lao: yang: re: jham datang: Yerusalem wa jhaung zug: na:36 vogaung: ngaid: ra". – Ni" au: lam: re lao: yang: re: jham datang: pe" mung: ga" re nao wa xae dakhe' re lao" no, nae" phyu37 nae" khyo: maqo" kaid'. – Airu: mung: naonhaung" dao: thoe wa ngaid lao" wa ngaid va" ein: ta" wa, mangaid: lao" wa mangaid:. Aimae" je lao" wa magai: ra" yaug mae" lo" ra" dao: ngaid: ra". (Lk.6:29-30)38 Su: myo, zai" phaug' yaug yao" myo, jid' re: thaid' pye' ca" , su: zaui zai" khyug' lao" yao" zaui re: khyug' ca" ga" ra" dao: re39 naonhaung" the' gyo" qu" veko". – Ngaid qere: ngo naonhaung" re mho: ru wa nao re dae te' nae" yaug re dalham: tam". Ni" lo, yo shaid' boqae pyo' yaug re lo, vai:40 shaid' boqae re: khae byid: shi: wa. – Byu dayaug yaug nao re bau: li" mho' lao" ni"41 bau: qhang re: byid' ke' shi: wa,. – Nao re maqaid maqui" khyo dadain: su: nhao lao"42 khyo shid' dain: ye: shi: wa,. – Nao re li" mho' mo, re byid: wa, Nao mae" da ja: ja: jhid' ngho: nug yaug re jhid' ngho: byid: wa, (Lk.6:27-28, 32- 36)43 Ni" sang: cao: re jhid' de, wa, ni" gyevo re gyid' wa, ga" dao: re naonhaung" gyo"44 qu" veko". – Ngo naonhaung" re mho: ra" khang" dao: wa Ni" gye re jhid' kao wa, . Nao re yhin" ra" mo; tau: jhaung: mho'45 byid: wa, . – Ce wa mug: gaung mae" naonhaung" Pho" zo: qe boe" genae". Khoru: mung: ga" re gai: ra" mo, magai: ra" mo, rere: ba daru: za: bao byid' ra". Dang main" ra" mo, we' ma dang main" ra" mo, re mug: daru: za: qu: sheim: byid' na: ra". –46 Nao re jhid' de; ra" mo, re za: nao jhid' kao: ngaid: re wa Mo"so mae" pe" jhaung qhu" qo" genae"?. Khang: khyui zo: mo, lao" re:47 ai: gu: kaid' ko" ra" mhao". – Nao wa ni" mao:nhaung: qe we' za: zam" khug ko" ngaid: re wa nao su tho' mae gekai: lai pe" je: kaid' i"? taung bug qere: ai we' dakhyo:48 kaid' ako".– Aimung: mug: gaung: dao mae" naonhaung" Pho" wa jab byang" ru we' dakhyo: naonhaung" re: jab byang" na ge, .