1 Ai: thao yui: yang ju" phyo' qhug' veshao ga: shaogyang" Solo wa Yesu re2 seyo khyo jhui" ye" ra". – Yesu wa byid xe ba byid xe myi zo: shaug' jao" yang: vae:3 moe' ra". – Ailao" yui wa Yesu jhao" li" mung: nao Mo"so: yao: zo: ngaid: re wa ce: laug baui re cin main" poe" nhao wa,4 ga: ta" ra". – Yesu wa tau: mung: byu wa zo: shaug' yang za: kao daui: na: ru ma ngaid: . Mo"so: nhaid' mae" thug' ra" mung dao" yang za: kao qo" daui: na nae" ngaid: ga: jham: paug' mae tung" to" ra" ga: ta"5 ra". – Ailao" yui wa Yesu re yaung" gyang" ra" vomo" khyo jhui" lo" mung: pa" jhaung: yham mae" khaung nho thao mae yhe'6 to: mung: . – Jham: paug' mae tung" to" ru wa mug' logyo: jham re ni" qhid' mae" pyang: to: va" mung: ni" khyid laug baui mae malo" zao" thaung: nae" tau: yao: bam wa nao re lham: ge; vo, genae" ga: tung" to" ra". Aimung: Mo"so: yao: zo: dang: re7 byae: gyo" lo" wa, ga: ta" ra". – Ailao" Yesu wa ni" AsAng Mo"so re datau" qu" ga: jham:8 paug' mae bo: ashi" ga: dam: tau" ra". – Ai mae" yui wa gyai myhao: ra" bam dabam khyo jhui" do, lo" mung: myid kin: mae" mang: din" alhab' we' jo, nho" we' ham" hung: kheim: so' alhab' re ceim" shid'9 yang: . – Nao ngo re goe; pa" ngaid: re wa ce gu: alhab' geim" ngo nao re byid: nae"10 ga: Yesu re mho: ra". – Yesu wa tau: mung: satain: we" thug' lo" wa, ni" AsAng Mo"so re za: goe; pa" mung:Yao: re za: caung da" ca" nae" ngaid: ga: jham: paug' mae tung"11 to" ga: ta" ra". – Ailao" yui wa Yesu mae" thug' lo" byaug va". Ai:thao mug: logyo: jham li" caung da" byid' ako". (Mk 1:14-15; Lk 4:14-15)12 Yohan kyam: laung" ga" rure Yesu the' gyo: lao" Yuda mang: mae" Galile13 mang: khyo ye" lo" ra". – Yao: wa Nazared vo mae mavao lo: Zabulun we' Nathali mug: qid dae yae mae" Kaperanaum: vo14 khyo gyo" lo" mung: yena: na: ra". – Ai wa lapa Esaia pa dao: dang:lo nae" tau:15 mae" ngaid: . – Pa dao: mae Zabulun we' Nabthali mang: tham: yae cao" ra" khyo Yodain: gyaung: thoe te' taung bug qe na:16 ra" Galile mang. – Mug: caid' mae na: ra" mo, wa bo" bao qi: the' myao: li" genae". Shid zug' mang: mae na: ra" mo, jhao" bo" bao bao naeva" ga: ta" to" ra".17 Ai: ayo, mae" Yesu wa naonhaung" nhag' lam: tha" ge, Mo"so: mang: din" wa jhao" li" na va" ga: mung dao: ta" kyo" qhid: ra". (Mk.6:16-20; Lk.5:1-11)18 Yesu wa Galile tham: yae cao" ye" au: ngo: kung" zo: byu ngaid: ra" Simon ga: mang: ra" Petru we' yao: nhaung: Andare tao wa Galile tham: mae myho khyo" na19 ko" rure the' myao: ra". – Yesu wa yao: tao re nga" thao cao" ge, ngo ni" shid' tao re byu kung" su poe" nhao nae" ga: mho:20 ra". – Ailao" yao: shid' tao wa myho jham re to: co' mung: Yao" thao cao" ako". –21 Yesu wa ai: tau mae" dam: xo' ye" lo" re getau danhae tao ngaid: ra" Zebedi yao: zo: Yaku we' yao: nhaung: Yohan tao re myao: ra". Yao: tao wa lha dao mae yao: pho" Zebedi we' daga" myho jham re pho: na: ako". Yesu wa yao: tao re Yao" thao cao"22 nae" tau: khai: ke' ra". – Ailao" jao" yao: shid' tao wa yao: pho" we' myho jham re to: co' mung: yao: jhao" cao" ako". (Lk.6:17-19)23 Yesu wa Galile mang: geim" su" gam" qin" mung: yao: bam: zang" ham jao: jham mae Mo"so: ngaui bau" lau dao: re ta" kyo: mung: no aja: ja: de; ra" volo byu qere gai24 byid' ra". – Yao" akhyo re Shure mang: joe" sho' hau" nhao" lo" ko" ru yang volo byu qe wa no phyo: qhug' ra" mo, , no aja: ja: de; ra" mo, , khai" nho mo, , yui vao mo, , ngho' be, mo, , khyid lo, gaung jam: shid mo, re yao: jhao" jhui" li" ako". Ailao" Yesu25 wa yao: bam re gai: lo nhao: ra". – Yao: jhao" cao" ko" ra" volo byu qe wa Galile mang: , Dekapoli,YerusalemYuda mang: we' Yodain gyaung: thoe te' mae" zang" lo mo,ngaid: ra".