1 Yesu wa mung dao: cegu: bin: hau" kyo: lao" yao" naung cao qere xo' mho: ru2 wa , – Shid' ba lai lao" lai loe; poe ngaid: ga" rure naonhaung" ba: ako". Byu: yao: zo: wa pyao: zang mae be; jin" se' veshao: ga: qhaug' pye' ru qhug' nae".3 Airu: mung: khin jaung yin" qe we' jham: ba pho" qe wa lau: de; nhag' bo daqhae: jaung yin" ngaid: ra" Kayapha4 yham mae zang" ham yang: , – Yesu re mha" myhag: yu mung: se' pye' nae" tau:5 mae jho" qham: ako". – Ngaid qere: poe: au: mae mangaid: shao: pe" mung: ga" re byu jham to" qug' li" ko" re gyaug nae" de; ra" ga: jho" ta" ako".6 Bethani vo mae" ye, gyaid de; ra" byu Simon ga: mang: ra" yaug: yham mae Yesu7 na: na: ra" au:, – myiqe: da yaug wa gyai phug' de; ra" Naradu xau laug gyang" thaug' dalam: ci: li" mung: AsAng: au: mae8 xau li" sheim: byid' ra". – Yao" naung cao qe wa aire myao gelao" qu" gyid' gemung: pe" mung: ai: xau re amyid: avho: kaid'9 pye' ra" i"?. – Ai: xau wa ngaui myo: sho' kye' re aung: mung: myaung sho" ra" mo, re qo" gae byid: zai ngaid: ra" ga: ta" ako".10 Yesu the' ba lao" ai: myiqe: myhi" re pe" mung: cenhaung" khoe' na: ako". Yao: wa ngo re gai: ra" mau" kaid' byid' ava". –11 Khoru: ga" re myaung sho: mo, wa khon- hae" re: naonhaung" we' da ga" za: na: na gezai ngaid: ra".Ngo wa naonhaung" we'12 daga" za: na:na nae" mangaid: . – Nga" gaung re ce:xau vhe' sheim: byid' ru wa ngo re nyhab' shaung: pye' nae" tau: mae"13 seim" nyhang" ru ngaid: ra". – Ngo naon- haung" re dang dang za: mho ge li". Myid gye, gam: sho' mae ngaui bau: lau dao: cao" hau" qin" ko" au: ce: myiqe: re beim: so: nae" tau: yao: kaid' ra" mau" zo" re re: bota" kyo" li" genae" ga: mho: ra".14 Ai: thao naung cao daxe: shid' yaug mae bobo ra" Yuda Sakarud ga: mang: ra" yaug wa khin jhaung yin" qe jhao" ye:15 mung:. – Yao: wa ngo naonhaung" lo, mae Yesu re qhaug' byid: lao" naonhaung" ngaui khonho" byid: genae" ? ga: ye: myid' ra". Yao: bam wa ngaui sam xe kye' nghe' byid: nae" ga: mho: ako".16 Ai:ba mae" Yuda wa Yesu re qhaug' byid: nae" kho au: yo" nae" rure za: aqho: na: ra".17 Main" mabo: cin main" poe saoqhid' ba mae naung cao qe wa Yesu jhao" te' ye: yang: AsAng we" ni" tau: lai loe, poe myi" xeim re khai: mae nyhang" nhao nug: i"?18 ga: myid: gelao". – AsAng wa vogaung: khyo vao lo" ge, amung: byu dayaug jhao" ye: mung: ai: yaug re nga" ayo, joe" li" va" ru mung: nga" naung cao qe we' ni" yham mae lai loe, poe kaid' nae" ga: AsAng mho: ke'19 ra" ein: ye: ta" ge, ga: pin: ke' ra". – Ailao" naung cao qe wa AsAng pin: ke' ra" khyo: lai loe, poe re ye: seim" jin" to: byid: ko" ra".20 Myi" thao caid' sham" zo" mae Yesu wa yao" naung cao daxe: shid' yaug we' daga" zaung: jo, mung: myi" xeim zo"21 ra".– Yao: bam myi" xeim zo" na ko" au: Yesu wa ngo naonhaung" re dang dang mho geli". Naonhaung" mae" dayaug wa ngo re gye tug' she: li" nae" ga: ta" ra". –22 Yao" naung cao qe wa nhag' gyo" kaug' ru we' dayaug: thao dayaug ngo ngaid nae" i"? ga: myid' ako".23 AsAng wa ngo we' daga" keim mae lo, qhain" le, yaug wa ngo re gye tug' she24 nae" yaug ngaid: ra". – Byu: yao: zo: wa jham: tung" mae bo: ru we' da khyo: ye" lo" zai ngaid: . Ngaid qere: Byu: zo: re gye tug' she yaug wa byuxa: vo qoe, nae". Byu ai: yaug makhau: li" re wa je: gai zai ngaid25 nhaung: ru ga: mho: ra". – AsAng re gye tug' she nae" Yuda Sakarud' wa AsAng we" ngo ngaid: ra" i"?ga: myid: lao" Yesu wa nao ta" ra" ru dang va" ra" ga: mho: ra".26 Myi" xeim zo" na ko" au: Yesu wa cin main" yho' re yu yang: jeju caung: mung: cin main" yho' re khyoe' phai" mung: naung cao qere byid: yang: mho: ru wa ceru yu zo: ge, nga" gaung sho: ngaid: . –27 Keim rere: yu mung: jeju bin: caung: lao" yao: bam re byid: mung: mho: ru wa cere28 shaug' ge. – Ce:ru wa qobo khyaid' byid' ru qhug' geshao:. Byu myo: sho' tau: sheim: pye' ra" dao: thang" asag' re nhae:29 to" ra" nga" sa: ngaid: ra". – Ngo mho ge li" nga" pho" mang: din" mae naonhaung" we' daga" sabyi' qang: asag' re mashaug' shaug' wa ce: sabyi' qang: re khonhae" re:30 ngo mashaug' lo: nae" ga: mho: ra". – Ai: thao caung: nghaui" bin: caung: yang: Zhainlun: bam khyo thug' ye" lo" ako".31 Yesu wa yao: bam re ana" myi yao: naonhaung" alhab' mo, ngo re to: co' mung: phao: lo" byaug: li" genae". Pe" mung: ga" re yao zaung" yaug re be; se' pye' ko" mung: yao jham wa byo: sin" lo" byaug: li" genae" ga: jham: paug' mae32 tung" to" ra". – Ngaid qere: ngo dam: daui: to" li" lao" ngo naonhaung" qhid' au: mae Galile mang: khyo ye" lo" nae" ga: ta"33 ra". – Petru wa yao: bam alhab' mo, nao re phao: cug' to: co' ge ngaid yang: re: ngo wa nao re khonhae" re: maphao: to: co' nae" ga: tau" ra".34 Yesu wa Petru re ngo nao re dang dang ta" li". Ana" myi yao: qo, mateim shi: re nao ngo re maba ga: sam lhang ha: pye' li"35 nae" ga: ta" ra". – Petru wa ngo nao we' daga" za: shid qhug' nae" joe" sho' ngaid yang: re: nao re ngo maha: pye' nae" ga: AsAng re tau" ra". Getau naung cao qere: ai we' dakhyo: za: bota" ako".36 Ai:thao mae Yesu wa yao" naung cao qe we' daga" Gedsemain: ga: mang: ra" jo,qo khyo ye" lo" ako". Alao" Yesu wa yao" naung cao qere ngo thoe tau mae jhaung: ye: mho' na: ra" au: naonhaung" cetau mae zaung: jo, lao: shi: ge,ga: ta"37 ra". – Yesu wa Petru we' Zebedi yao: zo: tao re yao: we' daga" jhui" ye" lo" ra". Yesu wa nhag' ngai: ru we' gyai yao: myid qug:38 myid: ci" ru qhug' ra". – Yesu wa nga" aung khug nhag' lam: baug: go; lo" nae" qhi" yao: myid myo: myid: ngau" kyi: wo". Ce mae na: na yang: ngo we' daga" gyang"39 na ge, ga: mho: ra". – Yesu wa ai: mae" da jhid' qhui" ye: yang: goe; jo, mung: nga" pho" we" gai: boe" ngaid: re wa ce: keim re ngo mae" lhai: ke' byid: la, ngaid qe re: ngo o: ra" khyo: mangaid: . Pho" o: ra" khyo: za: boe" lo veshao: ga: jhaung:40 ye: mho' ra". – Yao" naung cao qe jhao" dam: lo" qu" re yao: bam yab: myhid' jo, ko" rure lo: myao lao" naonhaung" wa dayo, qug za: lao" re: ngo we' daga" maqo"41 gyang" na ko" i"?. – Ju" phyo' ra" khyo magyo" vao nae" tau: lha" yang: jhaung: mho' na ge, solo wa qag: ra". Byu: gaung sho: wa qam: nang" ra" ga: Petru re mho42 co' ra". – Dalhang dam: nga" pho" we" ce: keim re magai lhai: ke' lao" wa nao myid: to" khyo: boe" lo veshao: ga: jhaung: mho'43 ra". – Yesu dam: tug' lo: re naung cao qe yab: jo, ko" rure lo: dam: myao: ra". –44 Yao: bam re nha co' mung: dam: ye: yang: azhao mae" we' dakhyo: sam lhang ein:45 lhang jhaung: yedam: mho' ra". – Ai: thao naung cao qe jhao" dam: tug' lo" mung: yao: bam re naonhaung" ana" joe" sho' ayab: jo, shi: genhaung i"?. Qu" ge, ayo, joe" li" na va". Byu: yao: zo: wa qobo qo" mo; lo, khug mae qhaug' pye' nae" yo,46 joe" va" ra". – To" ge, ngonhaung" ye" lo" gelang: se, qu" ge, ngo re qhaug' byid: nae" yaug wa joe" li" na: ava" ga: ta" ra".47 Yesu airu: ga: jhau: na: ra" au: naung cao daxe: shid' yaug mae bo: ra" Yuda Sakarud wa khin jaung yin" qe jham: ba pho" qe we' lau: de; nhag' bo qe: yang nhao: ke' ra" sin: ci mo, we' daga" joe" li"48 ra". – AsAng re qhaug' byid: yaug wa ngo bobaug baug: ra" yaug wa naonhaung" o: ra" yaug Yesu ngaid va". Yao: re taung" yu ge, ga: aso: ve, lho byid' to: mung: . –49 AsAng jhao" te' ye: yang: AsAng Mo"so we" ngaui lho" veshao: ga: ta" zo" bobaung baug: ke' ra".50 Yesu wa ba nam pho" we" nao kaid' nae" mau" re phyaid' za: kaid' wa,ga: tau" ra". Alao" yao: bam wa Yesu re taung" yu51 mung: tang za: zaui" zag: ci: ako". – Alao" Yesu we' daga" na: ra" mo, mae" dayaug wa yao" shae re she: yu mung: khin jaung yin" o: kaung pho" re qam" ke' mung: no:52 khye' pyo' khyo" pye' byid' ra". – Yesu wa ni" shae pyang: re shaebyao mae dam: ke' to: wa, khoru: ga" re shae ci mo, yaug khao: ngo" wa shae mae shid genae". –53 Ngo wa nga" pho" re mho' ke' lao" ana" yao: mug: logyo: tab daxe: shid' tab mago" re nhao: ke' byid: zai ngaid: rure nao54 maba i"?. – Ngaid qere: ai ru: kaid' re wa cera" mau" boe" lo ca" nae" ga: tung" to" ra" jham: dao: kho ru: gai: dang lo zai?.ga:55 ta" ra". – Ai: au: Yesu wa naonhaung" wa khug' byu re cao" taung: ko" ru: shae lhae we' mung: ngo re li" zaui" yu: ako" i"? ngo wa ne, khao: ngo" pa" jhaung: yham mae mho" shid' byid' na: au: naonhaung" ngo56 re mataung: ko" ngaid: ra". – Ngaid qe re: lapa qe tung" to" ra" jham: dao: jham gyang" dang: lo nae" tau: ce: gu: alhab' boe" li" ru ngaid: ra" ga: ta" ra". Naungcao qe alhab' wa Yesu re to: co' mung: tao" phao: lo" ako".57 AsAng re li" taung: ko" mo, wa jham: ba pho" we' zug: ade, nhag' bo qe ham phaung: na ko" ra" khin jaung yin" Kaya-58 pha, yham khyo jhui" lo: ako". – Petru wa khin jaung yin" yham vang" joe" sho' va: va: mae" AsAng: thao cao" vao ye: mung: khoru: boe" lo" ru re ba nae" tau: gug: gam qe we' daga" ye: zaung: jo; ra". –59 Khin jaung qe we' zug: ade, alhab' geim" wa Yesu re qo" se' pye' nae" tau: madang60 mamain" ra" sagso: qho: ako". – Majo: sagso: kaid' nae" mo, myo: sho' thug' li" mung: ma dang: ra" khyo sagso: li" ta" ako".Ngaid yang: re:yao: bam qobo zhaug' nae"da ja: re: mathe' myao ko" ngaid: ra".61 Lo" thao" mae byu shid' yaug thug' li" mung: byu ce: yaug wa pa" jhaung: yham re phyo' pye' mung: sam ba: aqho" mae qo" dam: tau: yhe' nae" ga: sagso: li" kaid'62 ako". – Khin jaung yin" wa to" ye, mung: byu ce nho" mo, ni" akhyo we' tin: yang: sagso: li" ta" ko" rure nao wa dao: dakheim:63 re: matug' jhau i"? ga: ta" ra". – Yesu wa sae za: na: ra". Aimung: khin jaung yin" wa Mo"so: mang mae" ngo lao: yang: myid: nae". Nao wa Mo"so: yao: zo: Meshia ngaid:64 i"?ga: myid' ra". – Yesu wa yao: re nao wa dang: rure ta" ava". Ngo xo' ta" shi: nae" ana" ce au: mae" Byu: yao: zo: wa phung bao qam: bo: lo, yo shaid' mae zaung: jo; ru we' jham phyu la lhang" thaui: dao mae jui: mung: li" rure naonhaung" the' myao: li"65 genae" ga: mho: ra". – Ai: khin jaung yin" pho" yao" bau: qhang lao" kho' sin" pye' mung: yao: wa Mo"so re khyoe' ava". Ai: tho' mae" je mung: pe" nam sagso: qo: ashi" i"? qu" ge, yao: Mo"so re khyoe' ra" dao:66 ta" ru ana" the' gyo: va". – Khoru: myid: na ko"?ga: myid: lao" yao: bam wa tau: mung: yao: wa shid nae" main: qi" va" ra" ga: tau" ako".67 Yao: bam wa Yesu myo, khung: mae khota: phoe" sheim" ru we' be; ako". –68 Da qhae: wa Yesu re bopyo' pyo' mung: Meshia AsAng we" nao re khag' be; rure lapa pa: kyo: la, ga: ta" ako".69 Petru wa taung gaung mae zaung: na: au: daui daui su myiqe: nau" dayaug li" mung: Nao re: Galile byu Yesu we' daga" lhaung" na: qin" yaug ngaid: ra" ga: ta"70 lao". – Yao: wa alhab' mo; qhid' kheim: mae nao pe" ta" rure ngo maba ga: ha:71 pye' ra". – O: kaung myiqe: nau" dayaug re: Petru re the' myao lao" ai: tau mae na: ra" mo, re ce yaug re: Nazared mae" Yesu we' daga" lhaung" na: ra" ga: ta" kyo:72 lao". – Petru wa ai: yaug re ngo maba ga: nhang: myain" nhang: thoe we' dam: ha:73 pye' ra". – Ai:thao dazab gai re avai: ayae mae ye; jo; ra" mo, wa Petru jhao" qui" ye: mung: yao: re gaigai yao: nao re: yao: bam: phung: mae" dayaug ngaid: ava".Pe" mung: ga" re ni" jhau thoe: yang yao: shid' na:74 ava" ga: ta" ako". – Alao" Petru wa nhang: myain" nhang: thoe we' Byu ai: yaug re ngo ma ba ga:dam: ha: ra". Ai yao: jao" qo, li"75 teim: ke' ra". – Petru' wa qo, ma teim shi: re nao ngo re maba ga: sam lhang ha: pye' li" nae" ga: Yesu ta" to" ra" dao: re myid: beim" ke' lao" Pertaru wa taung gaung khyo thug' ye: mung: ngug ag' thaung: sho' gyi: ngug: ra".