1 Yesu wa volo mo, phaung mo" we' yao"2 Naungcao qere ta" kyo" ru wa . – Jham: ba pho" qe we' Phareshe qe wa Moshe jo,qo3 zaung: na mo, ngaid: ako". – Airu: mung: yao: bam mho: ra" khyo: bin sho' re zaui" cao" pyang" ge, ngaid yang: re: yao: bam kaid' ra" khyo: dabo:kaid' ge, Khoru: mung: ga" re yao: bam wa yao: bam yao: ta" khyo:4 makaid' mo, ngaid: ako". – Vin qug' ra" qo la: re su: lo, sin mae dao: kai" to: byid' ako". Yao: bam yao: wa ai: qo jham re lo,nyhug'5 yang lao" mazao" tin: ko" ngaid: ra". – Yao: bam kaid' ra" ave, mau" zo" jham re su the' myao genae" khyo: za: zaui" mhug' ako". Nhaid' xaui: dao: kheim: re re: je: qi: sho' phug: ta" ako".Mai thao jham mae re: bin: zhain myho re lu lu za: pyau" lhao" to" ru6 ve; ci: ako". – Poe jao:, ham phaung jao:7 khain mae myhao: ra" jo,qo mae re:. – Gai jao: khain mae re: phug' myao: nae" ru rere:, AsAng we" AsAng we" ga: khai nae" re8 gyo" ngaui mo, ngaid: ako". – Naonhaung" wa AsAng we" ga: mho ko" rure dangaui ge, Khristu ga: mho" pho" ein: nae" AsAng dayaug za:ana: . Naonhaung" yao: cao: yao: wa mao: nhaung: qe za: angaid: . –9 Myidgaung: dao mae khag' rere: pho" ein: da mhang" dayao.Mug: gaung: dao mae na: ra" naonhaung" pho" wa dayaug za: ana: .10 Mho" pho" ein: khag' rere: dakhai ge, khoru: mung: ga" re Khristu ga" ra" mho"11 pho" dayaug za: ana: . – Naonhaung" phaung mae je: qi" thao" ra" yaug wa naon- haung" daui mung yaug boe" ca" nae". –12 Yao: yao" gaung re tau: to' nug: ra" yaug wa nyham: khyo" pye' ru qhug' nae".Yao" gaung re nyham: khyo" na yaug kam" wa tau: to' ke' ru qhug' nae" ga: mho: ra".13 Geim kaid' ra" Phareshe qe we' jham: ba pho" qe we" naonhaung" byu xa: voqoe, qhug' ako". Pe" mung: ga" re naonhaung" wa byu qe mug: gaung vao ye: nae" khyo re tam" kyo" ako". Naonhaung" yao: re: mavao ye: vao ye: nae" mo, rere: mavao ye: nhao ko" ngaid: ra".14 Geim kaid' ra" Phareshe qe we' jham: ba pho" qe we" naonhaung" byuxa: voqoe, qhug' genae" khoru: ga" re cug' mo" qe: yham zai ug' khug' jham re phyo' zo: lhaid' zo" ci yang: su qu" gai nae" geim kaid' mung: jhaung: qhang qhang mho' mo, ngaid: ako".Airu: mung: qi" thao" pyam"15 yhin" ru qhug' li" genae". – Geim kaid' ra" Phareshe qe we' jham: ba pho" qe we" naonhaung" wa byuxa: voqoe, qhug' ako". Pe" mung: ga" re byu dayaug re phung: khug lhag' vhao" yu nae" tau: qid mang: dae lhang" gam: myid gaunggye, geim" su" qin" ako". Phung: qo" vhao" yu lao" re: ai: yaug re yao: yao: tho' shid' zhao" myi: mai: tham: khyo gyo" lo" nae" khyo: kaid' ako".16 Myo, jid: ra" gin qhid' she mo, we" byuxa: voqoe, genae" lhe". Pe" mung: ga" re khag' ngaid qere: pa" jhaung: yham re lao: mung: jham tang" re madang. Pa" jhaung: yham mae" hhang re lao: yang: jham tang" ngaid: re wa ai wa dang: ra" ga: ta"17 ako". – Kopyaid' myo, jid mo, we" kholam: je: yhau: gyin" i"?hhang i"? mangaid: lao" hhang re gyang" lho" nhao: ra" pa" jhaung:18 yham i"?.– Ngaui" phain re lao: mung: jham tang" ngaid: re ai wa madang. Phain dao mae" ngaui" xeim: re lao: mung: jham tang: lao" wa jo dang: ra" ga: ta" ako".–19 Myo, jid ko: pyaid' qe we" phain we' xeim:20 wa kholam: akao ngaid: ra"?. – Phain wa je: yhau: gyin" i"?.Jham tang: lao" yang wa phain we' phain dao mae jo; ra" xeim: we' daga" alhab' yang jham tang" ru ngaid:21 ava". – Pa" jhaung: yham mang yu yang: jham tang: lao" yang wa pa" jhaung: yham mae vao: laung" na: ra" yaug re jham tang"22 ru ngaid: ava". – Mug: gaung re lao: yang: jham tang" ra" yaug wa Mo"so zaung tao" we' ai: mae zaung: jo; ra" yaug rere: lao: yang: jham tang" ru ngaid: ava".23 Geim kaid' ra" Phareshe qe we' jham: ba pho" qe we" naonhaung" wa byuxa: voqoe, qhug' genae". Mhogyam bin: , sham: nhang: , bain gya, pa jhi" jham re xe bam dabam qhaug' gengaid yang: re: gai: ra" khyo" dao: phyid' ru , su re nhag' myain" ru , dao: so: zaung: ru ga" khang" dao: re nyham" to" ako". Cegu: re shi" cao" pyang" qo: ra".Aimung: alhab' re dakhyo:24 za: cao" pyang" ko" ngaid: re gai: ra". – Gin qhid' she: ra" myo, jid qe we" naonhaung" wa shaug' qid mae" pyab' zha" re kye" pye' mung: ma dae myao: re wa myug: pye'25 ako". – Anyham: avho' kaid' ra" Phareshe qe we' jham: ba pho" qe we" naonhaung" byuxa: voqoe, genae". Pe" mung: ga" re naonhaung" wa kang: tam" khug' lao: jham re adao shaid' cid' shao: pye' gengaid yang: re: akhug mae myo, nyaid o: byid: ru we' se' da: be, khyaid' ru byang" jo; ako". –26 Myo, jid Phareshe qe we" kang: tam" khug' lao: akhug: gu: re shi" sao qhid' cid' shao: pye' ge, alao" wa adao mae" re: shao: lo"27 li" nae". – Jham ba pho" qe we' Phareshe qe we" byuxa: voqoe, genae" lhe". Naon- haung" wa shohhui: gyaid: to" ra" lab we' dau: ako". Ngha mae phyu: yaung" ngaid28 yang: re: akhug mae byu bab bo: ra". – Ai we' da khyo: naonhaung" wa a dao shaid' su: qhid' kheim: mae ding: main: mo, ru"ru ngaid geyang: re: nhag' lam: khug mae maca' majhaid' qobo mau" za: byang" sheim: jo; ako".29 Geim kaid' ra" jham: ba pho" qe we' Phareshe qe we" naonhaumng" byuxa: voqoe, qhug' genae". Naonhaung" wa lapa qe: lab jham re byao: mhug' mung: dang main" mo; lab jham re shaung: yhaung"30 ako". – Ngonhaung" wa phug' phyid' qe: ta mae bobo: ngaid: re wa lapa qe re se' ra" mau" mae bobo zai mangaid: ga: ta"31 ako". – Airu: mho: ngaid: re naonhaung" wa lapa qere se' pye' ra" mo; zo: myid: qe ngaid: ga" rure gaigai: yao: naonhaung" tau" yu: aveko".32 Airu: mung: naonhaung" phug' phyid' qe: yang qhid: to: byid: co' ra" mau" zo"33 re bin sho' zaui" kyab' ge, . – Maui bab: amyu" qe we" myi: mai: tham: mae" khoru:34 qo" phao: loe, genae" i"?. – Ai mung: ngo naonhaung" re ta" geli". Ngo wa juyi bo: lapa jham: tung" pho" qere naonhaung" jhao" nhao: ke' ra". Daqhae: re se' pye' mung: daqhae: re pyao: mae jin" se' pye' li" genae".Getau daqhae: re wa ham phaung jao: mae taui" be, mung: daqhae: re wa davo mae" davo khyo khe' ke' li" genae". –35 Airu: mung: Abela sa: mae" ru pa" jhaung: yham we' phain: agyo: mae naonhaung" be; se' pye' ko" Barekhi yao: zo: Zakharea joe" sho' qobo maqo" byugai: qe: sa: jhin wa naonhaung" au: dao mae yug: joe" lo36 nae". – Ngo naonhaung" re dang dang mho geli". Shaid' yug: cegu: alhab' geim" ce: ta mae" byu qe: adao mae yug: joe" gyo" li" nae".37 Yerusalem: we" Yeruslem: we" lapa qere se' pye' mung: Mo"so: yang nhao: ke' ra" logyo: qere re: laug baui: yang pye' se' ra" vogaung: , qo, zang wa qo, nau" jham re yao" daung vho' yang sham" gam: nghoe' to" ru we' dakhyo: ni" vobyu qere nga" lo,khug mae zhang" to: nae" tau: ngo alhang lhang qam: ke' va". Nao kam" wa38 maqaid ngaid: ra".– Naonhaung" na: ra" yham wa byo; jaid; pye' mung: akeim39 ngaid: jo; li" nae". – Ngo naonhaung" re mho shi: nae". Mo"so: kheim: so' khyo"joe" li" ra" yaug wa nga: lho" veshao: ga: naon- haung" ta" ra" ayo, joe" sho' ngo re naon- haung" mamyao lo: genae" ga: mho: ra".