1 Yesu wa yao: bam re dao: tau" khyo"2 dam: mho: ashi". – Mug: gaung: mang: din" wa yao: zo" tau: mae" myi: vhin: poe nyhang" byid' ra" jhaung zug: we' dau:3 ra". – Ai: jhaung zug: wa khai qhug' ra" mo, re ye: jhui: nae" tau: daui mung mo, re nhao: ke' re ai jham wa mali" lo: na:4 ako". – Thao dalhang getau: daui mung mo, re dam: khai nhao: ke' mung: nga" poe bin: nyhang" to: va".Nung: jaung lo: jham we' zhe' to" ra" gug' nyhug' jham re se' mung: zo: shaug' yhaung" to: va". Zo: shaug' nae" jin" jin" ngaid va". Myi: vhin" poe khai: to: va" mo, re ye: paug' ta" ge,ga:5 mho: ke' ra". – Ngaid qere: ai bam wa pe" shui ma nho lo: nug yaug nug: khyo: ye" lo" pye' ako".Dayaug wa yo khyo dayaug wa gai aung: jao: khyo ye" lo" pye' ko"6 ra". – Damyo" daui mung mo, re khang: nhau: be, khyaid' kaid' mung: lham: se'7 pye' ako". – Jhaung zug: wa ai: akhyo re ba lao" nhag' gyid' ra".Yao" gyezo: jham re nhao: ke' mung: byu: kao se' mo, rere: , ai:8 vomo" rere: ngha" pye' ra". – Daui mung mo, re yao: mho: ru wa myi: vhin" poe joe" va". Ngaid yang: re: khai: to" ra" mo, ai we'9 mamain: qi" ko". – Aimung: naonhaung" hau" mo" khyo ye: mung: qhug' ra" mo, gai: ru magai: ru alhab' khyui: zhang: yang: myi: vhin" poe khyo jhui" lo ge, ga: dam:10 mho: ke' ra". – Daui mung mo, wa hau" mo" khyo ye: mung: yao: bam the' myao: ra" gai: magai byu alhab' mo,re khai: jhui" lo mung: myi: vhin" poe wa bang" vo qe11 za: to, jhaid ngaid: byaug va". – Jhaung zug: wa bang" lham" cao" qhug' ra" au: myi: vhin" poe vao mai bau: mave; ra"12 byu dayaug re the' myao lao", – Ba nam pho" we" nao pe" mung: poe vao mai bau: mave;? ga: myid' re ai: yaug wa majhau lo:13 za: mug' hao" ye; jo; ra". – Alao" jhaung zug: pho" wa daui mung mo, re khyid lo, mae taui: mung: taung gaung shaid' mug: caid' yo khyo ye: she: khyo" pye' ge, ga: mho: ra". Ai: jo, qo mae yao: wa ngug byid ngug ag' thaung: zaui kyag' kyag' yang: na:14 li" ca" nae" ga: mho: ra". – Khai: yu qhug' ra" mo, myo: geyang: re: khyin: yu qhug' ra" mo, nang" ako" ga: mho: ra".15 Ai:thao mae Phareshe qe wa Yesu re yao" dao: thoe mae myi" nae" dao: myid: khoru: myid: nae" rure juyi khyug' ako". –16 Yao:bam wa yao: bam: byu qe we' Herod' byu damyo" re Yesu jhao" nhao: ke' ako". Yao: bam wa AsAng we" nao wa dang main" yaug ngaid mung: Mo"so: akhyo re dang main: taung" mho" shid' byid' ra". Nao wa khoyaug khoru: myid: jho nae" ru re re: pe" shui manho yaug myo, nho nga: lao: makhyin yaug ngaid: rure ngonhaung"17 ba: . – Airu: mung: ngonhaung" re ta" kyo: la, Roma jhaung zug: mo" re khang: ke' ru tarha" vao mavao: ru nao khoru: the' myid:18 ra" ga: myid' ako". – Yesu wa yao: bam: nhag' lam: aungkhug mae khoru: myid ko" rure ba: jhoe" pye' yang: yao: bam re lho she' ra" mo, we" pe" mung: ngo re lag19 yu: qu" ako" i"?. – Ngaui kye' ngo re byid' qu" gela, ga: mho lao" ngaui dakye' re byid'20 ra". – Ce: alho we' tung" ce' aso: wa khag'21 re" ngaid: ra" ga: myid' ra". – Jhaung zug: Siza: alho ngaid: ra" ga: ta" ako".Yesu wa jhaung zug: Siza: re" wa jhaung zug: re byid: ge, Mo"so: re" wa Mo"so re byid: ge,22 ga: dam: mho: ra". – Yao: bam wa ai: dao: the' gyo: lao" mug' ru we' thug' lo" byaug: ako".23 Shid mo, dam: daui: to" li" nae" ga" ru makhae: yu: ra" Saduke qe wa ai: ne, yao: AsAng jhao" li" mung: ,24 AsAng we" byu dayaug wa zo: dau makhau shi" re shid: lo" pye' re yao: nhaung: wa yao: mao" nyaug xo' ve shao: ga: yao: mao" cug' gaug ca" ga: Moshe mho:25 to: co' va". – Ngonhaung" we' daga" yao: mao: yao: nhaung: nhaid' yaug na: ako". Mao: mo" yaug myi: yu thao zo: makhau shi: re shid: pye' mung: yao: nhaung: wa cug' gaug: ra".26 Ai we' dakhyo: mao: qe shid: cug' co' ra" myiqe: re ai nhae tao ho' wa da yaug:27 thao dayaug cug' ceim" gaug: ako". – Lo" thao" mae myiqe: ai re: bocao: shid: lo"28 ra". – Airu: mung: dam: daui: to" li" ra" ba mae ai nhae tao ho' nhaid' yaug mae" ai: myiqe: wa kho yaug: yham sang myhi"29 lam: ngaid nae"? ga: myid' ako". – Yesu wa aibam re naonhaung" wa jham: tung" we' Mo"so: qam: o: re maba geyang: shaid'30 nghung" na ve ko". – Dam: daui: to" li" ba mae sosu byu qe wa myi: yu myi: byid:31 ga" ru majo, lo:. – Mug: gaung: yao: zo: Mo"so: logyo: ru: boe" zai: ngaid: .32 Su shid dam: daui: to" li" ra" khyo we' tin: yang: ngo wa Abraham: Mo"so , Isag Mo"so , Yaku Mo"so ngaid: ra" ga: Mo"so mho: to" ra" dao: re , Naonhaung" manghe' qu" ko" i"?.Mo"so wa daui: na: ra" mo; Mo"so angaid: .Shid: ra" mo; Mo"so33 mangaid: ga: dam: mho: ra". – Cere the' gyo: gelao" mo, phaung thaui: wa yao: jhau: ra" dao: kheim: jham re gyo" mug' ako".34 Saduke qere zang maug: yab dao: phyid' ke' rure Phareshe qe the' gyo:35 gelao". – Yao: jhao" zang" ham: li" mung: yao: bam: phaung vao byu mae" jham: ba36 pho" dayaug wa. – AsAng we" khang" dao: mae" qi" thao" ru kholam: ngaid: ra" ga:37 yao: re lag yu myid' ako". – Yesu wa ni" AsAng Mo"so re ni" aung khug: nhag' lam: we' ni" qam: o: alhab' yang jhid' de; wa, ga" khang" dao: wa saoqhid' re" amyain"38 khang" dao: ngaid: .– Je: yhau: gyin" ru we' je: qi" thao" khang" dao: re: ngaid: ra". –39 Shid' lam: ein: lam: wa ni" yham kyo: cao: re nao yao" gaung we' dakhyo: jhid' kao40 wa, ga" ru ngaid: ra". – Ce amyain" dao: shid' lam: wa khang" dao: jham: we' lapa jham: ajhaung yao: ngaid va" ga: ta" ra".41 Ham phaung: na ko" Phareshe qere Yesu tug' myid' ru wa naonhaung" wa Khristu re khoyaug ngaid: ra" ein: naon-42 haung" jho: na ko". – Khoyaug: yao: zo: ngaid: ra" ga: myid: lao" Davi yao: zo: ngaid: ra" ga: dam: tau" ako".43 Airu: lao" wa Davi wa Khristu re AsAng ga: solo khyo" yang pe" mung: mho: ra"?. –44 Yao: mho: to" ra" dao: kheim:kam" Mo" So wa ni" gyevo jham re ni" khyid qao: mae gam" goe, vao nhao yo, joe" sho' nao wa nga" lo, yo shaid' mae zaung: jo, wa, ga: nga" AsAng re mho: ra" ga: Davi ta" ra". –45 Aire Davi wa yao: re AsAng ga: mho: re kho ru: mung: yao: wa yao: zo: gai: boe"46 nae"?ga: myid' ra". – Khag' re: dao:da kheim: lao" maqo" phaug' tau: lo: ko" ngaid: ra". Ai: ba mae" thao phyao: Yesu re khag' mavae" myid: lo: ko".