1 Mug: gaung: mang: wa byu dayaug mau" zaui: o: kaung lhaung nae" ga: ne, seim no' mae" thug' lo: ru we' dau:2 ra". – Ai: yaug wa o: kaung dane, re ngaui dakye' byid: nae" jho" dang mung: mau" zaui: mo,re yao" sabyi' yo khyo nhao: ke'3 ra". – Ne, kao gug yo, kho mae yao: gai aung: jao: khyo dam: tug' ye" lo" re mau" maqo" mung: ye; byaung" bam ko" mo,4 re ye: myao: ra". – Yao: wa yao: bam re naonhaung" re: nga" sabyi' yo khyo mau" ye: zaui: ge, naonhaung" re main: qi" ra" ba na phug' byid: nae" ga: mho lao" byin: ye"5 lo" ko" ra". – Ai:thao daxe: shid' yo, khain mae dalhang myi" thao: tam" sam yo, mae dalhang gai jao: khyo ye: mung: mau" zaui:6 o: kaung ye: lhaung: ra". – Myi" thao ngo" yo, khain mae gai aung: jao: khyo dam: ye" lo" re byu da myo" mageim: ye; jo, ko" rure ye: dam: myao lao" yao: bam re naonhaung" ce tau mae daba geim" pe" makaid' lo: ma7 geim: ye; jo, ko" i"? ga:myid' ra". – Yao: bam wa ngonhaung" re khag' ma li" lhaung ko" ngaid: ra" ga: tau: gelao" naonhaung" re: nga" sabyi' yo mae mau" ye: ge, main"8 ra" aphug' byid: nae" ga: ta" ra". – Myi" thao joe" lao" khyae sang wa ngaui zam: yaug re khai: yu mung: thao re mau" vao: ra" mo, mae" qhid mung: saoqhid' vao: ra" mo, alhab' re o: kaung phug' shao: wa, ga:9 ta" ra". – Myi" thao ngo" yo, re mau" vao: ra" mo, we' daxe: shid' yo, mae li" vao: ra" mo, dayaug re ngaui dakye' kye' byid'10 ra". – Saoqhid' mau" li" vao: ra" mo, wa je: qo" nae" nghae" na: ako". Ngaid yang:11 re: dakye' kye' za: qo" ako". – Ailao" yao: bam wa thao re li" vao: ra" mo, wa dayo,12 qug kho za: mau" zaui: ko" ra". – Ngon- haung" wa ba zho wa te, ga" ru mae daba geim" mau" zaui: va". Ngaid qere: nao wa ngonhaung" re yao: bam we' dakhyo: za: o: kaung phug' a byid' ra" ga: nyhung13 mung: ta" ako". – Khyae sang wa saoqhid' mau" vao mo, mae" dayaug re ba nam pho" we" ngo nao re mavhain" zo: va" re daba re o: kaung phug' ngaui dakye' byid: nae" ein: jho" dang: rure nao myid vang" va"14 mangaid: i"?. – Ni" o: kaung phug' yu: ci mung: phao: lo" wa se, thao re mau" vao: ra" yaug rere: nao we' dano" ngo byid:15 nug: ra". – Nga" ngaui re ngo yao: nug: ra" khyo: magai: ci i"?.Ngo kaid' rure nao myo,16 qu" zau" i"?ga: mho: ra". – Aire" ru: thao gyo" mo, wa qhid' lheim" li" genae". Qhid' lo" mo, wa thao gyo" lo" genae" ga: mho: ra".Khai: zhang" to" ru myo: ngaid qere: khyin: yu: ru nang" ra" ga: mho: ra".17 Yesu wa Yerusalem: khyo do,lo" na: au: naung cao daxe: shid' yaug re jhui:18 yang: khyo le; mae yao: bam re , – Ana" nyhao: nhaung" Yerusalem: vogaung: khyo do, ye" lo" na: ru ngaid: Byu: yao: zo: wa khin jaung qe we' jham: ba mo; lo, khug19 qhaug' pye' li" genae". – Aibao: wa Byu: yao: zo: re jung" ru we' se' da: be, khyaid' kaid' yang: pyao: zang mae be; jin" to: nae" tau: taung bug qe: lo, khyo qhaug' pye' li" genae" . Ngaid qere: sam ba ein: ba re dam: daui: to" li" zai ngaid: ga: mho: ra". (Mk.10: 35-45)20 Zebedi yao: myi: wa yao: zo: nhae tao we' daga" myo,nho nga: lao: mho' nae" tau: Yesu qhid' kheim: mae paid' thaug' li" thaug' na: ako". AsAng wa yao: re nao pe"21 jhaung qhu" o: i"? ga: myid' ra". – AsAng: mang: din" zhaug' tang: ra" ba nga" zo: tao re ni" lo, yo shaid' mae dayaug lo, vai: shaid' mae da yaug qo" zaung nae" akhang" byid:22 la, ga: mho' ra". – Yesu dam: phaug' tau" ru wa nao ma: ho' pe" mho' ko" rure nao ma: ho' maba ko" ngaid: ra". Nao tao wa ngo shaug' nae" keim mae" qo" boshaug' genae" i"?. Ngo khae: yu: ra" Babtizan: re qo" khae: yu genae" i"?ga: mho lao" yao:23 tao wa qo" boe" nae" ga: tau" ako". – Nga" keim re nao tao qo" shaug' li" genae". Ngo khae: yu: ra" Babtizan: rere: qo" khae: yu genae". Ngaid qere: nga" lo, yo shaid' lo, vai: shaid' zaung nae" ru byid: nae" wa nga" mau" mangaid: nga" pho" yang jaung: to: va" mo, re zaung nhao zai ngaid: ra"24 ga: mho: ra". – Dao: ai re naung cao daxe: shid' yaug the' gyo: gelao" yao: nhae tao25 re nhag' qu" yo"ako". – Yesu wa yao: bam re khai: zhang" yu mung: naonhaung" ba ko" we' dakhyo: myidkin: zug: qe wa qaid:26 khyo: zug: zo" ako". – Ug gam: ra" mo, wa27 kheim: so' khyo" ug gam: ako". – Naon- haung" kam" wa airu: dakaid' ge, Byu: yao:28 zo: wa su re nhao zo: nae" ein: mali". – Su re daui daui byid: nae" tau: re: , yao" kao re dain: pye' nae" tau: re: gyo" li" ru mung: aire" khyo: naonhaung" mae re: ade, kaid' nug yaug wa naonhaung" daui mung: yaug ngaid shao: . Naonhaung" mae myhao: thao" jo,qo o nug yaug re: naonhaung" jeim boe" veshao: ga: mho: ra". (Mk.10:46-52; Lk.18:35-43)29 Yesu we' naung cao qe Yerikho" vo mae" thug' lo ko" au: byu mo, thaui: mo"30 zang cao" ako". – Qu" ge, myo, jid shid' yaug khyo yae mae zaung: jo; ako". Yao: tao wa Yesu su" lo: na: rure ba lao" Davi yao: zo: AsAng we" nga" shid' zo: re nhag' myain" yu la, ga: zag: gyi: hug' ako". –31 Byu jham wa yao: tao re sae na genae" tau: qeim: ako" ngaid qere: yao: tao wa Davi yao: zo: AsAng we" ngo tao re nhag' myain" yu la, ga: je: zag: hug' gyi: ako". –32 Yesu wa lhang: ye, mung: nao tao wa ngo re pe" kaid' nhao nug ko" ga: yao: tao re33 myid' ra". – Ngo tao re myo, phung" byid:34 la, ga: yao: tao dam: tau" ke' ako". – Yesu wa yao: tao re nhag' qu" myain: yang: yao: tao: myo,mae soe' byid' ra". Ayao: jao" yao: tao myo, myao: li" mung: yao" thao cao" lo" ako".