1 Mug: gaung: mang: din" wa tang: shain" daxe yaug myi: baung: ci mung: pho" sag' tug: nae" ga: thug' ye" lo" ko" mo, we' dau:2 ra". – Yao: bam mae" ngo" yaug wa qag mo, ngaid mung: ngo" yaug wa maqag mo,3 ngaid: ako". – Maqag mo, wa myi: baung: yu: ci gengaid yang: re: xau mabo:yu: ci4 ko" ngaid: ra". – Qag mo, kam" wa yao: bam: myi: baung: we' daga" myi: xau re5 boyu: vin: ako". – Ailao" pho" sag' joe" li" nae" thao gyo" mung: yao: bam alhab' yab nghoe" nghoe" yang: yab: myhid' bam:6 au: – Myi" gae gaung: mae pho" sag' joe" li" va" li" tug: yu gese wo" ga: hug' ako".7 Ailao" tang: shain" jham alhab' to" mung: yao: bam: myi: baung: jham re myi:8 te' ako". – Ai: maqag: ra" tang: shain" qe wa qag: ra" tang: shain" qe jhao" ngon- haung" myi: baung: shid: lo" na va". Ngon- haung" re myi: xau dajhid' gae byid: gela,9 ga: mho' ako". – Qag: ra" mo, wa mangaid: nae" . Ngonhaung" re: malaug naonhaung" re: malaug ma qo: zai" mung nae". Aimung: xau aung: jao: mae" naonhaung" yao: ye:10 yu ge, ga: tau" ako". – Tang: shain" qe xau vai ye" lo" ko" au: pho" sag' joe" li" mung: seim" jin" na: ra" tang: shain" qe pho" sag' we' daga" myi: vhin" poe khyo vao ye" lo"11 mung: kham: pyid' pye' ako". – Ai:thao mae maqag: ra" tang: shain" qere: dam: joe" lo" mung: AsAng we" AsAng we" ngon- haung" rere: phung" vhao" yu la, wo" ga:12 mho' ako". – AsAng wa ngo naonhaung" re13 gai gai: yao: maba ga: dam: tau" ra". – Ai ru: mung: naonhaung" wa ai: ba na we' ayo, akhin: re maba ko" ru mung: jin" jin" lhaug' lao" na ge, .14 Dao: tau" byu dayaug wa yao" o: kaung qere khai: yu mung: yao: bam re yao" jo,15 nho" gae byid' ra". – Dayaug re ngaui ngo" joe: dayaug re shid' joe: dayaug re dajoe: kaid' mung: yao: bam: qam: o: re cao" yang: qhaug' byid' to: co' mung: gyaung:16 su" lo" ra". – Ngaui ngo" joe: qo" yaug wa ai: yang gau pai: pai: mung: ngaui ngo"17 joe: qo" the' pai" yu: ra". – Ai we' dakhyo: ngaui shid' joe: qo" yaug re: gau pai: pai: mung: gau pai: ngaui shid' joe: the' yu:18 ra". – Da joe: qo" ra" yaug kam" wa lo" mung: dung: khung: dau: yang: yao" asang:19 ngaui re nyhab' shaung: to" ra". – Ayo, gyai myao" lo" thao asang wa dam: lhang" lo yang: yao: bam: ngaui japhin: re lo: ca:20 ra". – Qao: tae ngaui ngo" joe: qo" yaug wa getau: ngaui bai: ngo" joe: ci: li" mung: asang we" nao ngo re qao: tae ngaui ngo" joe: qhaug' byid: co' ra". Qu" wa ngo wa ngo" joe: ngaui pai: the' yu va" ga: ta" ra". –21 Alao" asang wa lam: lang" ru we' vin tang" ra" o: kaung pho" we" nao wa jo, nho" dajhid' za: mae lam ga" ra". Airu: mung: ngo wa nao re nga" jo, nho" myo: sho' re qu" shaung nhao nae". Ni" asang: ngaui bau: jao: khyo bovao: leim" wa, ga: mho:22 ra". – Qao: tae ngaui shid' joe: qo" yaug re: ngaui pai: shid' joe: ci: li" mung: asang we" nao ngo re ngaui shid' joe: qhaug' byid' to: co' ru ngo wa getau ngaui bai: shid' joe:23 qo" qho: laung: va" ga: ta" ra". – AsAng wa gai va" vin tang" ra" o: kaung pho" we" nao wa dajhid' zo: za" ru mae lam ga" ra". Myo: sho' mae re: qo" lam nae" ngaid: ra". Nao re bun myo: sho' qhaug' byid: nae". Nga" ngaui bau" ru mae li" bovao: leim" ri: ga:24 mho: ra". – Ngaui dajoe: qo" ra" yaug joe" li" mung: asang we" nao byag: ru we' qhag' ra" yaug ngaid: rure ngo ba va". Nao wa maqho" to" ra" jao: mae" yaid: yu nug yaug masin" to" ra" ru mae" sham" zhang" yu25 nug yaug ngaid:. – Ai: ru re ba mung: ngo wa ni" ngaui ci: phyaug' pye' nae" ci" yang: ngaui re myid mae adau" nyhab' to". Qu" wa, ni" ngaui ce mae jo; ra" ga: ta" ra". –26 AsAng wa mavin tang" ra" byunoe" shoe we" ngo wa maqho" to" ra" ajao: mae" yaid: yu nug: ru we' masin" to" ra" khyi" mae" sham" zhang" yu nug: yaug ngaid: rure nao27 ba: ra". – Nao wa nga" ngaui re ngaui bai: shai mo; lo, mae ye: ke' to" ngaid: re ngo dam: joe" lo lao" nga" ngaui re qao: tae we' bai" lo: gu: re qhug' yu zai ngaid: ra".28 Airu: mung: yao" lo, mae" ngaui dajoe: re yu mung: daxe joe: qo" ra" yaug re byid:29 ge. – Khoru: mung: ga" re qo" ra" yaug re je: jab byang" shao: laung: byid: shi: nae". Maqo" ra" yaug mae" kam" yao: qo" ru lao"30 yu: pye' shi: nae". – Ai: lam maga" ra" o: kaung re ngug ag' thaung" ru zaui qao: bin" zag jao: taung gaung mug: caid' yo khyo she: thug' pye' ge, ga: mho: ra".31 Byu: yao: zo: wa yao" phung bao we' mug: logyo: jham we' daga" jhaung zug: khyo" joe" gyo" li" mung: yao" lakin tao"32 dao mae zaung: jo; li" nae". – Byumyu" cao jab re yao" qhid' kheim: mae zang" ham: na nhao: li" nae".Yao zaung" yaug wa yao we' caid' be, jham re yao we' caid' getau tau kho' to" ru: Byu: yao: zo: re: byu jham33 re mo, kho' li" nae". – Yao jham re wa lo, yo shaid' mae caid' be, jham re wa lo, vai:34 shaid' mae nha nae". – Lo, yo shaid' mae na mo, re jhaung zug: wa pho" min jhaung: qo" ra" mo, we" lo geri: mug: thug' saopeim mae" naonhaung" tau: nyhang" jaung: to" ra" mang: din" Ma re lo" yu gese wo". –35 Khoru: ga" re ngo vae: moe' au: naon- haung" zo zho: ko". Ngo qid shab' phau" na: au: naonhaung" wa qid byid: veko".Ngo bang" vo boe" na: au: naonhaung" bang"36 da" veko". – Ngo gaung lam: shopyaid' qhug' na: au: naonhaung" vhe' veko". Ngo no phyo: qhug' re naonhaung" li" caung: ako". Ngo kyam: mae laung" na: au: naon-37 haung" ngo re li" kam: veko". – Alao" dang main" ra" mo, wa yao: re tau: mung: AsAng we" nao vae: moe' na: rure ngonhaung" khonhae" myao mung: byid: zho" qu" i"?. Nao qid shab' rure ngonhaung" khonhae" myao yang: qid byid: jhaug' geli" laug i"?. –38 Nao bang" vo ngaid: ru re ngonhaung" the' myao yang: khonhae" bang" da" byid' lai: lo geli" laug i"?.Nao gaung lam: shopyaid' na: rure ngonhaung" khonhae" myao yang: nao re mai bau: vhe' geli" laug i"?.39 Nao no: na: au: we' kyam: mae laung" na: au: ngonhaung" wa nao re khonhae" li" gam caung kam" qu" i"?ga: myid: ko"40 re . – Jhaung zug: wa ngo naonhaung" re dang dang mho geli".Ce: nga" mao: nhaung: qe mae" je: ngai: thao" ra" yaug re naonhaung" qu" gam caung: ru wa ngo re gam caung: ru ngaid va" ga: mho:41 ra". – Ai:thao mae lo, vai: shaid' mae" mo, re dam: mho: ru wa nhang: kheim: zao" ra" mo, we" ngo mae" thug' lo" mung: yui we' yao" naung cao qe: tau: nyhang" to" ra" mathao" magain: myi: mai: tham: khyo vao42 lo" ge. – Khoru: ga" re ngo vae: moe' au: naonhaung" ngo re mazho: ko" , ngo qid shab' au: qid' majhaug' ko".43 Ngo bang" vo doe; qin" ra" au: ngo re matug: yu ko". Ngo gaung lam: shopyaid' ngaid: ra" au: mavhe' ko".Ngo no: na: au: we' kyam: laung" na: au: naonhaung" nhag'44 mali" tang" ko"ga: mho lao". – Yao: bam wa AsAng we" nao vae: moe' ru , Qid shab' ru , bang" vo ngaid: ru , gaung pyaid' na: ru , No phyo: qhug' ru we' kyam: laung" jo; rure ngonhaung" khonhae" the' myao yang: nao re macaung: da" byid: geli" laug45 i"? ga: ta" li" gelao" . – Jhaung zug: pho" wa ngo naonhaung" re dang dang mho geli". Ce gu: mae" ngai: thao" ra" yaug re maqu" gam caung ko" ru wa ngo re magam caung: ru ngaid: ava" ga: mho nae". –46 Aibam wa apyaid ato: qobo dae khae: yu nae" khyo vao ye: mung: dang main" ra" mo, wa apyaid ato: kao so' daui: na nae" jao: khyo vao ye: genae" ga: ta" ra".