1 Yesu we' naung cao qe wa Yerusalem: vo khyo joe" li" veko" mung: Zhainlun: bam khyid mae" Bedphage: vogaung: mae joe" lo: ako". Yesu wa naung cao shid' yaug re ni" shid' yaug: qhid' au: mae" vo khyo ye: ge, Aimae zaung myao: ab' dama: re2 taui" to" ru ye: myao genae". – Ai: zaung myao: nau" re ngo jhao" pheim: she: lo3 geri: . – Byu da yaug yaug ni" shid' zo: re loze myao: pe" mung: pheim ko"? ga: myid' ngaid: re AsAng ci qo: ga" ein: ta" ge, .4 Ailao" jao" pin: ke' ra". – Cere" khyo: boe" ru wa Ziun: zomyi: re ta" kyo: ge, qu" wa ni" jhaung zug: pho" wa nau" nhae" xam: mag: nhag' myid we' myao: jui: mung: naonhaung" jhao" joe" li" ra" ga:5 Lapa pho" ta" to" ra" dao: dang: lo nae"6 tau: ngaid: ra". – Naungcao tao wa pin:7 ke' ru we' dakhyo: yekaid' ako". – Zaung myao: zang we' loze nau" re pheim: she: lo mung: yao: tao: mai bau: re zaung myao: dao mae nhe' kai: mung: AsAng re8 jui: nhao: ako". – Byu ajham ataung wa yao: bam: ve, mai bau: re khyo dang mae lao" myhung" to: mung: damyo" sag' kyao yu mung: yao: bam re gelho: za: myhung:9 byid' ako". – Qhid' au: mae" mo, we' thao su" ra" mo, thaui: jham wa Davi yao: zo: re Hosana ngaid veshao: ga: zag: hug' ko" ra". AsAng: mang we' joe" li" ra" yaug wa nga: lho" veshao: wo" ga: ta" ako". Mug: gaung: mang: din" mae re: Hosana ngaid:10 na veshao: wo" ga: hug' ako". – Yerusa- lem: khyo vao ye" lo" au: vogaung: geim" mo, thaui: mo, yaug hau" nhain" li" mung: byu ce yaug wa khag' ngaid: ra" i"?ga:11 myid' ako". – Alao" volo byu qe mae" dam: tau" ru wa ceyaug wa Galile" mang: Nazared vomae" lapa Yesu ngaid: ra" ga: ta" ako"?12 Yesu wa pa" jhaung: yham khug khyo vao ye: mung: zai aung: zai vai mo, re khe' thug' pye' yang: ngaui tha" zo: mo; gai" we' jid: au aung: mo; tao" khau" jham re tau: lhang" pye' mung: vhe' khyo" pye' byid:13 mung:. – Nga" yham wa jhaung: mho' yham angaid: ai: ru naonhaung" wa cang tau: laug khyaung re"ru: kaid' pye' ako" ga: yao: bam re mho: ra". Nga" yham re jhaung: mho' yham ga: mhang" li" genae" ga: jham: mae bo: ru manghe' qu" ko"14 i"?.– Pa" jhaung: yham khug khyo yao: jhao" joe" li" ko" ra" myo,jid mo,we' khyid qeim mo, re yao: lham: gai byid' ra". –15 Khin jaung mo" jham we' Phareshe jham wa yao: kaid' ra" mug' pho" mau" jham re myao gemung: re: ngaid:. zoshao qere: Davi yao: zo: wa Hosana ngaid veshao: wo" ga: yham khug mae hug' na ko" re the' gyo: gemung: nhag' gyo" yo: geyang: . –16 Yao: bam wa ai: zoshao qe pe" ta" na ko" rure nao the' gyo" i"?ga: myid' ako".Yesu wa ngo the' gyo" ga: tau" ra".Yesu wa yao: bam re nao wa zoshao qe we' nug' nau" qe: nhaid' thoe khyo" caung: khin" ru nao qhug' nae" ga" rure naonhaung" maqhug' nghe' qu" ko" i"?ga: yao: bam re phaug'17 tau" ra". – Ai:thao yao: bam re to: co' yang: ai: vogaung: mae" thug' lo" mung: Bethani vo mae ai: myi ye: yab: ra".18 Ne, seim no' mae" vomo" khyo dam:19 do, lo" na: au: vae: moe' ra". – Khyo yae mae pho' ham" da gae re myao mung: yao: pho' ham" gae re ye: qu" ra". Avho' za: maung" jo, mung: ashi: mazaui" rure myao lao" ce: gae wa khonhae" re: ashi: dazaui: lo: ga: pho' ham" gae re nhang: co' ra".Ayao: jao" pho' ham" gae wa kyaug'20 shid: lo" byaug: ra". – Naungcao qe ai re the' myao lao" khoru: mung: pho' ham" gae aqhi" laui laui za: kyaug' shid: lo" laug21 i"?ga: ta" ako". – Yesu wa yao: bam re ngo naonhaung" re mho geli". Naonhaung" aug' o: myid' mabo: ra" lam jang" myid bo ko" ngaid: re wa ce: pho' ham" gae re kaid' ru we' dakhyo: qo" kaid' tho' mago" bam cere qhui: mung: qid dae khyo qui: wa, ga:22 ta" lao" ta" ru: boe" genae". – Lam jang" ru we' jhaung: mho' ko" ngaid: re wa naon- haung" pe" mho' re pe" qo" khae: yu: li" genae" ga: mho: ra".23 Yesu wa pa" jhaung: yham khug vao ye: mung: mho" shid' na: au: khin jaung qe we' lau: de; damyo" li" yang: nao ai jham re pe" kheim: so' khyo" yang kaid' i"? ga:24 myid' ako". – Yao: wa ngo re: naonhaung" re dao: dakheim: myid' qu" shi: nae".Ngo re naonhaung" qo" phyid: kyo: gelao" yang wa ceru" mau" re kho yaug: kheim: so' khyo" zaui" ga" khyo re naonhaung" re ta" kyo: nae".25 Yohan byid' ra" Babtizan: wa khai: mae" ngaid:? Mo"so: kheim: so' khyo" yang i"?. Byu: kheim: so' khyo" yang i"? ga: myid' ra". Ailao" yao: bam wa Mo"so: kheim: so' khyo" yang ngaid: ein: ta" lao" re: ai re naonhaung" pe" mung: malam"26 ko"? ga: myid' li" nae" ngaid: . – Byu khyo" yang ngaid: ein: ngonhaung" tau: lao" re: byu jham re gyaug ca" ru ngaid: .Pe" mung: byu jham wa Yohan re lapa dayaug ngaid: ga: myid: lam: na ko" ga: yao: cao: jho" ta"27 qham: ako". – Ngonhaung" maba ga: tau" ako".Ailao" Yesu wa yao: bam re ngo re: ai jham re pe" kheim: so' khyo" yang kaid' rure naonhaung" re ngo ma ta" kyo: nae" ga: dam: mho: ra".28 Yesu wa yao: bam re xo' yang: mho: ashi" ru wa byu dayaug mae yaug gai zo: shid' yaug na: ra". Yao: pho" wa zo: qhid' yaug re nga" zo: we" nao ana" ne, sabyi' yo29 mae mau" ye:kaid' wa ga: mho: ra". – Yao: zo: wa ngo manug: ye: ga: ha mung: thao re nhag' lam: phaug' lhag' yang: yo khyo ye" ra".30 Ai we' dakhyo: ngai yaug re dam: nhao: ra". Ngai yaug wa saoqhid' mae ye: nae" ga: mho mung: thao re yo khyo maye: ngaid:31 ra". – Ai tao mae" kho yaug lam: yao: pho" o: khyo" cao" ra" i"?naonhaung" pe" ru: myid ko" ga: myid: lao" yao: bam wa zo: qhid' yaug ngaid: ra" ga: tau: ko" ra". Yesu wa ngo naonhaung" re dang dang mho ge li". Khang: gaug zo: mo, we' yaug zhang: myhi" qe wa naonhaung" qhid' mae Mo"so: mang: din" khyo vao genae".32 Khoru: ga" re Yohan wa dang main" rure hau" shid' li" ru naonhaung" yao: re malam" ko". Khang: gaug zo: mo, we' yaug zhang: myhi" qe lam" ako". Akhyo ai:gu: re naonhaung" the' myao sho' ngaid qere: nhag' lam: tha" lhag' pye' mung: yao: re malam" jang" ko" ga: mho: ra".33 Dao: tau" daja: re gyo" qu" shi: ge, jo,nho" qo" byu dayaug wa sabyi' yo kaid' mung: khyae kyae" lhang" to" ra".Yokhug mae pyag' xam re zhaug' to: mung: gye byu gai" re kaid' to" ra".O: kaung qere yo ngho: byid' to: co' mung: yao: wa mug: va:34 khyo gyaung: su" lo" ra". – Sabyi' shi: phyo' yo,joe" lao" yao" daui daui mo, re yo ngho:35 phug' mho' nhao: ke' ra". – Sabyi' yo ngho" zaui: mo, wa daui mung mo, re lham: taui" yu mung: be, yaug be, se' yaug re se' laug baui: yang pye' se' yaug re pye' se' mung:36 lham: kaid' ako". – Sabyi' yo sang yaug wa thao mae daui mung mo, myo: sho' yaug re nhao: ke' ra".Yo ngho" zaui: mo, wa azhao: we' dakhyo: za: daui mung mo, re lham:37 kaid' ko" ra". – Lo" thao" mae khyae sang wa yao: bam nga" zo: re lham: phug' myao: genae va" ga: myid mung: yao: zo: re dam:38 nhao: ke' ra". – Sabyi' yo ngho" zaui: mo, wa yao: zo: re myao: ke' we' ce: yaug wa Ma alhab' re khae: yu nae" yaug ngaid: ra". Li" ge, yao: re se' pye' gelang: aimung: yao" Ma re nyhao: nhaung" lhaid' yu yang: jho" gae: ngho" pye' gelang: ga: jho" ta" mung:. –39 Yao: re cam" yu yang: sabyi' yo ngha khyo deim" geim: ye: mung: se' pye' ako".40 Airu: mung: yo sang joe" li" lao" yao: wa yo ngho" zaui: mo, re pe" ru: kaid' li" nae" ein: naonhaung" myid; ako" ga: myid:41 lao". – Yao: bam wa ai: byu lhaung qere yo sang wa se' pye' mung: yao" shi: yo re yo ngho: phug' dang dang main: main: qo" byid' na nae" getau re ngho: byid: nae" ngaid: ra" ga: tau" ako".42 Yesu wa yham kaid' mo, kang" lhaui" pye' va" laug baui wa yham khaung nho thao mae nghoe' ra" ru boe" ra". Ai wa AsAng kaid' ra" mau" zo" ngaid: ru mung: nyhao" myo, mae qu" mug' pho" ngaid: ga: tung" paug' mae bo: ru re naonhaung" maqhug'43 nghe' qu" ko" i"?. – Airu: mung: ngo mho nug shi". Mo"so: mang: din" re naonhaung" mae" qab: yu mung: mang: din" ashi: zaui: nae" byumyu" re byid' pye' li" nae".44 Laug baui ai: yang gyo" zao" ra" mo, wa adau dau gyug' main" lo" li" nae". Ai: laug baui dao mae gyo" ra" yaug re: qug: gyug:45 nae bai" qhug' nae" ga: mho: ra". – Khin jaung qe we' Phareshe qe wa dao: tau" cere the' gyo: gelao" ce wa yao: bam re ta" gyain"46 ru yao: va" ga: ba: gyo" beim" ako". – AsAng re cam" yu nae" khyo qho: ako". Ngaid qe re: lapa ngaid: ra" ga: myid: lam: na ko" mo, byu qere yao: bam gyaug: ako".