1 Mung dao: re bin: ta" kyo: lao" Galile mang: mae" thug' lo" mung: Yodain: gyaung: thoete' Yuda mang:mug: kyo: khyo2 joe" de; ye" ra". – Byu mo, thaui: mo" zang wa yao" thao cao" ako". Ai: tau mae Yesu wa no phyo: qhug' mo, re gai byid' ra".3 Phareshe" qe damyo" wa yao: re li" lag yu: qu" ko" ra". Byu dayaug wa pe" qobo khyo" ngaid ngaid yao" yham sang myhi"4 re gai: kao" pye' i"?ga: myid' ako". – AsAng wa tau: mung: mug: thug' sao peim mae"5 yaug gai we' myiqe: myhung: ke' ra". – Ai: mathao: yang yauggai wa yao" myhi" pho" re to: co' mung: yham sang myhi" jhao" de; lo" yang: yao: shid' yaug dagaung dasho: za:6 boe" geshao" ga: ta" to" ra". – Airu: mung: yao: tao wa shid' yaug mangaid: lo: dagaung da sho: za: ngaid: byaug va". Mo"so: yang zham" to: va" rure byu: yang dazai" kao: ge, ga" dao: re naonhaung" manghe' qu"7 ko" i"? ga: mho lao". – Phareshe" qe wa airu: ngaid: re tung" khye' yang yham sang myhi" re kao" pye' nae" tau: Moshe wa pe" mung: amyin" byid' to: co' i"? ga: myid' a8 ko". – AsAng wa naonhaung" nhag' lam: qao mo, ngaid ko" ru yang: Moshe mho: ru ngaid: ra". Saoqhid' maqhid mae ai ru:9 mangaid:. – Nga" khang" dao: wa na: shaid' ye; shaid' ra" khyo" mangaid: lo: getau: qobo khyo" yang yham sang myhi" re kao" pye' yang: myiqe: getau dayaug re lo, dam: xo' yu: ra" yaug khag' ngaid qere: myi: shaid' yaug ngaid: ra" ga: ta" ra". –10 Naungcao qe wa myi: we' lao: gyo: mae ce re" ru: aqug: aqae" ngaid: re wa yao: tao ug' khug' madam: vai" lo: na: re wa je: gai: ra"11 ga: ta" ako". – AsAng wa byu yaug khao: ngo" wa ug' khug' mavai" lo: maqo" na ngaid ko" ra".Qo" zang: qhao" nae" jeju qo" khae: yu: ra" mo, za: aqo" na: ako".12 Khoru: ga" re byu daqae: yao: myhi" aung mae" bug daung: boe" gau na: li" ako". Damyo" wa byu yao: daung" yu: bug daung: ngaid: ako". Dam: da myo" wa Mo"so: mang: din" tau: yao: yao" gaung re bug daung" pye' mo, ngaid: ako". Airu: mung: ug' khug' ma vai" lo: qo" na: ra" mo, wa airu: na vegeshao: ga: phaug' tau" ra". (Mk.10:13-16; Lk.18:15-17)13 Ai:au: mae" myhi" pho" qe wa zo shao qere lo, kai: mung: min jhaung: byid: nae" tau: Yesu jhao" jhui" li" ako". Airu: naung cao qe wa yao: bam re lham: qeim: tam"14 ko" ra". – Yesu wa zoshao qere ngo jhao" li" ru datam" ge, mug: gaung: mang: din" wa ce ru" mo; tau: ngaid: ra" ga: mho15 mung: – zo shao qe: au: dao mae lo, kai: mung: min jhaung: byid: thao mae ai: jo,qo mae" thug' lo" ra". (Mk.10:17-31; Lk.18:18 -30)16 Ai: thao byu dayaug Yesu jhao" li" mung: gai: ra" mho" pho" we" apyaid ato: kao so' qo" nae" tau: mae ngo gai: ra" mau" pe" ja: kaid' ca" i"?ga: Yesu re myid' ra". –17 Ngo re gai: ra" yaug ein: pe" mung: ta"?. Mo"so mae" lai yang: gai: ru khoyaug mana lo: .Apyaid ato: kao so' qo" yu nug: ngaid: re khang" dao: re cao" pyang" wa, ga: mho:18 ra". – Khang" dao: kholam: re cao" pyang" zai i"?ga: dam: myid' re byu da se' , su: myi: dalhaid' , su: zai dakhug' , madang:19 ra" sagso: dakham. – Myhi" pho" re phug' myao: wa, ni" yham kyo: cao: re nao yao"20 gaung re" ru: jhid' kao wa, ga: ta" ra". – Ai: zolau: zo: wa ce gu: re ngai shi" au: mae" cao" pyang" lo va".Ngo pe" nam kaid' ca"21 shi" ga: dam: phaug' myid' ra". – Yesu wa nao lam: lang" nug: ngaid: re wa nao qo" ra" jo, nho" alhab' geim" re lo" aung" pye' mung: myaung sho: mo, re gae byid' pye' yang: mug: gaung: mang: mae ni" jo, nho" re qaung" to: wa, . Aimung: nga" thao22 cao" wa, ga: mho: ra". – Ai: zolau: zo: wa jo,nho" myo: sho' qo" yaug mung: ai: dao: re the' gyo: lao" nhag' ngai: ru we' lo" byaug: ra".23 Yesu wa ngo naonhaung" re jhaug' za: mho geli".Jo, nho" qo" yaug wa Mo"so: mang: din" khyo vao nae" tau: gyai qug'24 ra". – Ngo naonhaung" re paug' yang: dam: mho geli". Jo,nho" qo" yaug wa Mo"so: mang: din" khug khyo vao nae" tho' mae ma dae myao: wa nghe' no: dung: khyo" lai: lo" nae" je: laui: ra" ga: ta"25 ra". – Ai bam wa the' gyo: gelao" yao: bam mug' hao" byaug mung: airu: angaid: re wa khoyaug za: khyaid' yu: ru ba: gai: qhug'26 zai i"?ga: jho" ta" ako". – Yesu wa yao: bam re zhaug' qu" zo" re" ce ru wa byu: yang magai: boe" ngaid: ra". Ngaid qe re: Mo"so wa alhab' re qo" boe" nhao yaug ngaid: ra".27 Ailao" Petru phaug' tau: mung: ngon- haung" wa alhab' re to" pye' co' yang: ni" thao cao" bam va". Ngonhaung" pe" the'28 zai i"?ga: myid' ra". – Yesu wa ngo naon- haung" re dang dang mho ge li" alhab' re asag' dam: byao: ra" ta mae Byu: yao: zo: wa phung bao bao: ra" lakin tao" mae zaung: jo, lao" nga" thao cao" mo, naonhaung" daxe: shid' yaug re lakin tao" daxe: shid' lam: mae zaung: jo, mung: Israel byumyu"29 daxe: shid' kaung re ug: li" genae". – Khag' ngaid qere: nga" mathao mae yham yo mao: nhaung: nhae: mo" myhi" pho" zo:dau yham dang: ug' khug' re to: co' ra" yaug wa yao: to: co' ra" tho' dayo nho" qo"30 khae: yu: li" genae". – Ngaid yang: re qhid' lo" mo, myo: sho' wa thao gyo" genae". Thao mae" myo: sho' mo, kam" wa qhid' mae ngaid: li" genae" ga: ta" ra".