1 Da ne; ne, mae naung cao qe wa Yesu re mug: gaung: mang: din" mae qi" thao" ru khoyaug ngaid nae" i"?ga: myid'2 ako". – Ailao" Yesu wa zoshao dayaug re agaung: mae yhe' to: mung: yao: bam re3 mho: ru wa . – Ngo naonhaung" re dang dang mho geli"nhag' lam: tha" pye' mung: zoshao ru: maboe" ko" re mug: gaung:4 mang: din" khyo maqo" vao genae". – Ce: zoshao we' dakhyo: yao: yao" nhag' lam: re nyham: khyo" mung: goe; vao: ra" yaug wa mug: gaung: mang: din" mae qi" thao"5 yaug ngaid nae". – Dayaug yaug wa nga" myo, khung: re qu" yang: ceru" ra" zoshao dayaug yaug re khae: yu: ra". Ai:yaug wa ngo re khae: yu: ru ngaid: ra". (Mk.9:42-48; Lk.17:1-2)6 Ngo re lam khug: na ko" ra" ce: zoshao qe mae" dayaug yaug re jhui" shaid' nghung" ra" yaug wa lang zang: mae laug lhang taui" lhao: mung: no; thao" ra" qid dae mae nyhab' pye' qhug' ru wa je: gai7 shi" ra". – Tha" lang: nhao: ra" akhyo jo; ru yang myidkin: sosu byu qe byuxa: vo:qoe, qhug' ko" ra". Lam" myid re tha" lang: nhao: ra" ja: jo, ca" ra". Ngaid qere: tha" lang: jao: boe" nhao: ra" yaug wa byuxa: vo:qoe, qhug' nae".8 Airu: ni" khyid lo; yang nao re shaid' nghung: nhao: ngaid: re khyid lo, re qam" phyid' shelhaui" pye' wa, khyid lo, jab jab za: myi: mai: tham: gyo" nae" tho' mae khyid lo, majab lo: kao so' daui: ra" khyo vao ye: nae" ru wa ni" tau: mae je:9 gai: ra". – Ni" myo, jid' wa nao re shaid' nghung: nhao: ngaid: re wa co' thaid' shel- haui" pye' wa, myo, jid' de; mung: myi: mai: tham: mae deim" jheim: zaui: ke' ru qhug' nae" tho' mae myo,te: we' apyaid ato kao so' daui: ra" khyo vao nae" ru wa ni" tau: mae je: gai: ra". (Lk.15:3-7)10 Ce: zoshao qe mae" dayaug re za: lao" re: naonhaung" maphug' makhyaid' kaid' nae" ru lha" ge,. Ngo naonhaung" re mho geli" mug: gaung mae" ai: zoshao qe: mug: logyo: jham wa mug: gaung: dao mae" nga" pho" myo, khung: re ma lam: lai: qu" na:11 ako". – Pe" mung: ga: re Byu: yao: zo: wa lae" byaug: ra" mo, re cao" qho nae" tau:12 joe" li" ru ngaid: . – Yao dayo dau: qo" ra" byu dayaug wa yao dadau: lae" byaug: re yao sang khoru: kaid' nae"rure naonhaung" myid: qu" ge, . Gug xe: gug dau: re nha: to: co' mung:dadau: re bam nyug lao phyo:13 mae cao" qho nae" mangaid: i"?. – Ngo naonhaung" re dang dang mho geli"yao sang wa malae" mabyaug: ra" gug xe: gug dau: tho' mae ai: dadau: re dam: qho: qhug'14 yang: je: ngaui bau" ra". – Ai we' da ru: za: mug: gaung: dao mae na: ra" naonhaung" pho" wa ce: zoshao qe gu: mae" dayaug re lao" byo; qeim nae" rure manug ngaid: ra".15 Kho khoru: ni" mao:nhaung" pho" nao re the' shaid' ngaid: re yao: jhao" ye: mung: nao tao myo, khung: zam" zaung yang: sae za: yao" qobo re ceim" shid' kyo: wa, ni" dao: re yao: tae" gyo" yu: ngaid: re wa ni" mao: nhaung: we' nao dam: jho" nyang16 va". – Ngaid qere: ni" dao: re yao: matae" gyo: byid: lao" wa byin cao: dayaug shid' yaug re jhui" ye: wa, ailao" she, jhau: ra" dao: kheim: khao: ngo" wa sagso: shid' sam yaug: nhaid' mae" thug' li" ngaid: re17 jao dang ngaid: ra". – Aibam: dao: rere: matae" gyo: lao" wa phung: re zhao: kyo: wa, kho khoru: phung: rere: pe" dao" ma nghae" matae" gyo: lo: lao" wa taung bug byumyu" re mangaid: lao" khang: khyui zo: yaug we' dakhyo: to" pye' wa,.18 Ngo naonhaung" re jhaug' za: mho geli". Myid gaung: dao mae naonhaung" taui" to" ra" gu: alhab' re mug: gaung mae re: taui" to" ru qhug' lao: nae". Myid gaung: dao mae naonhaung" pheim lhoe' ko" ra" gu: re mug: gaung: dao mae re: pheim: byid'19 to" ru qhug' lao: genae". – Aimung: Ngo naonhaung" re mho shi: nae". Myid gaung: dao mae naonhaung" mae" shid' yaug kho nhag' qhain: myid qhain: mung:mho' ko" ra" ja: re mho' ra" nam pe" ja: ngaid yang: re: mug: gaung mae" nga" pho" wa byid:20 nae". – Pe" mung: ga" re shid' sam yaug kho nga" mang mae ceim" zang" ham: na ko" ngaid: re yao: bam: phaung gaung: mae ngo bona: ga: mho: ra".21 Ai: au: Petru wa Yesu jhao" qui" lo mung:-AsAng we" nga" mao:nhaung: pho" ngo re shaid' ko" lao" yao: bam re ngo khonho" lhang qobo khyaid' pye' byid: zai?.Nhaid' lhang joe" sho' i"? ga: myid'22 ra". – Yesu wa ngo nao re mho nae". Nhaid' lhang za: mangaid: .Nhaid' xe: lhang mung: nhaid' lhang joe" sho' khyaid' pye' byid: ca" ra" ga: ta" ra".23 Pe" mung: ga" re mug: gaung: mang: din" wa yao" jeim qe we' japhin: sho' nug:24 ra" jhaung zug: dayaug we' dau: ra". – Yao: japhin: ca: qu" we' re ngaui datid kye' jhin de; ra" byu dayaug re jhui" joe" li" ako". –25 Ai: yaug wa jhin xe' nae" ngaui maqo" lo: mung: jhaung zug: pho" wa yao: we' daga" yao" myi: zo: mo' re sham" aung: mung: ngaui jhin xe' nae" amyin" khyo" ke' ra". –26 Ai: jeim wa paid' thaug' thaug' goe; pa" mung: AsAng we" ngo re nhag' myain: shi: la, ngo jhin zaung: sho' xe' pye' nae" ga:27 mho' bain" ra". – Yao" asang nhag' myain: yang: yao" jhin alhab' re maxe' ca" lo: ga:28 yang: phao nhao: ke' ra". – Byu ai: yaug wa thug' lo" mung: ngaui dayo kye' yao: re jhin de; ra" yao" byin cao: jeim dayaug re myao lao" yao" lang zang: mae zhaug' zag: ci mung: nao ngo re byid: ca" ngaui mye, byid:29 la, ga: mho: ra". – Yao" zam" cao: jeim wa goe, mung: ngo re zang: qhao" byid: shi: la, ngo de; ra" jhin bin sho' qho: xe' nae" ga:30 mho' bain" ra". – Ai: ru re makhae: yu yao: re jhin za: mabin: xe' xe' wa kyam: xao"31 to" ra". – Ai: akhyo re getau: jeim qe the' myao gelao" nhag' qu" no gemung: yao: bam the' myao: ra" gu: alhab' jhaung zug:32 pho" re lo" zhao: kyo" ra". – Ai lao" jhaung zug: pho" wa ai: jeim re khai: yu mung: makhyang" ra" jeim pho" we" nao ngo re goe; mho' ru yang ni" jhin alhab' re khyaid'33 pye' byid: va". – Nao re ngo nhag' myain" ru: nao re: ni" jeim byin cao: pho" re nhag'34 gai: myain" ra" ga: mho: ra". – Nhag' qu" gyid' mung: ai: jeim re jhin bin: xe' sho'35 kyam: mae lhaung" to" ra". – Naonhaung" khag' ngaid qere: mao: nhaung: pho" qobo re gaigai: yao: makhyaid' byid: ko" ngaid: re wa mug: gaung: dao mae na: ra" nga" pho" re: naonhaung" shaid' ra" qobo re khyaid' byid: nae" mangaid: ga: mho: ra".