1 Yesu wa ai: ba mae yham mae" thug' lo" mung: qid dae yae mae ye: zaung: jo;2 ra". – Yao: jhao" byu ajham ataung zang" ham: li" geyang: yao: wa lha dao mae do; zaung: jo; ra". Byu phaung mo" avai: ayae3 mae ye; byaung" bam: ako". – Yesu wa dao: tau" aja: ja: khyo" yao: bam re mho"4 shid' kyo" ra". – Qhovo: khyo" yaug wa yo mae myug: shi: re ye: sin" ke' ra". Daqhae: wa khyo mae gyo" ang mung: ngho' jham:5 yang gaug zo" pye' ra". – Myug: shi: daqhae: wa myid zhai: mathau: ra" laug qain" mae gyo" ra". Mye, za: yaug: li" ko"6 ngaid qere: – ba thaung: li" lao" lhe' mhai: pye' mung: agyi: no, sho' ma qo" cin" ru7 yang kyaug' shid: byaug: ra". – Myug: shi: da myo" wa zau: paung" mae gyo" ra". Zau: jham qi" li" mung: nghoe' hab' se' pye'8 ra". – Damyo" wa myid myain mae gyo" ang yang: ashi: wa sam xe, khyaug' xe,9 dayo nho" myo" je" lo: ra". – No: khye' de, ko" re wa gyo" yu ge, ga: mho: ke' ra". (Mk.4:10-12; Lk 8:9-10)10 Ailao" yao" naung cao qe Yesu jhao" te' ye: mung: nao wa yao: bam re pe" mung: dao: tau" khyo" ta"? ga: myid' ako". –11 Ailao" AsAng wa naonhaung" mug: gaung : mang: din" akao" no, re ba nae" akhang" qo" ra". Aibam kam" wa maqo" ngaid:12 ra". – Qo" yaug re paug' laung: byid: shi: nae". Maqo" yaug mae" kam" wa jo; ra" gu: lao" yu: pye' byid' ru qhug' shi: nae". –13 Yao: bam wa qu" gengai: yang: re: mamyao ko". Tae" gyo: ko" qere: ma ba: gyo: ko". Airu: mung: ngo wa yao: bam re dao: tau"14 khyo" mho" shid' kyo" ra". – Lapa Esaia pa dao: wa ce bam mae dang: lo: ava". Pa dao: mae ce bam wa tae" gyo: gengaid yang: re: maba: gyo: genae". Yao: bam qu" gengaid yang: re: mamyao genae".15 Pe" mung: ga" re cebam: nhag' lam: vhao: byaug veko". Yao: bam: no: khye' jhid' pye' ako". Yao: bam wa myo, re: cam" ci: ako". Airu: mangaid: lo: yao: bam: myo, jid' myao mung: yao: bam: no: khye' yao: bam: aung khug nhag' lam: mae ba: gyo" ngaid: re wa yao: bam ngo mae khug ngha: lo: li" genae".Ailao" yao: bam: dae no re gai byid: nae" ga: ta" to" ra".16 Naonhaung" myo, jid' myao mung: no: re: gyo: ko" ru: yang naonhaung" wa nga:17 lho" ko" ra". – Lapa qe we' dang main: mo, myo: sho' wa naonhaung" myao: rure myao nug gengaid yang: re: mathe' myao: qu" ko" ngaid: ra". Gyo: nug gengaid yang: re: mathe' gyo" qu" ko" ngaid: ra". (Mk.4: 13-20; Lk.8:11-15)18 Myug: shi: sin: yaug: dao: tau" lase" pheim: rure gelho: za: tae" gyo" yu ge, . –19 Khyo mae gyo" ra" myug: shi: wa Mo"so: mang: din" mung dao: re qhug' gyo: gengaid yang: re: maba: gyo: mo, ngaid: ra". Ai: yaug: nhag' lam: khug mae qho" to" ra" mung dao: satain" yang li" yu pye'20 ra". – Laug qain" mae gyo" ra" amyug: wa Mo"so: mung dao: re the' gyo" ru we' ajao"21 yao: khae: yu: ra" mo, ngaid: ako".– Ngaid qere: yao: mae akao" mavao". Mung dao" mathao qug: khai: da jhid' qhug' lao" laui22 za: to" pye' yaug ngaid: ra". – Zau: bye, mae gyo" ra" myug: shi: wa mung dao: re gyo" yu ge ngaid qere: myid gye, mae" myid myo: myid laug we' ngaui hhang jo,nho" re myo, no; ra" ru: yang nghoe' gam: pye' ra" mo, ngaid: ako".Airu: mung:23 ashi: maqo" zaui: ngaid: ra". – Myid myain mae gyo" yaug: ra" myug: kam" wa mung dao: re the' gyo: we' khae: yu yaug ngaid: ra".Yao: bam wa ashi: zaui" li" mung: daqhae: sam xe , khyaug' xe , dayo nho" myo: laug: lo: ra".24 Yesu wa yao: bam re dao: tau" da ja: dam: ta" kyo" ra". Mo"so: mang: din" wa byu dayaug yo mae gaug ye: qho" to" ru25 we' dau: ra". – Myi" re byu alhab' bam: yab mo" myid' na: au: gye vo wa myo, shi: re gaug yo mae li" sin: co' mung: phao: lo"26 ra". – Gaug yaug: li" lao" ai: myo, shi: bo:27 yaug: li" ra".– Mau" zaui: mo, wa yo sang re nhag' bo pho" we" nao wa gaug myug: agyang" re asin" ra" mangaid: i"? are khai: mae" myo, li" gyo" yaug: la, i"?ga: myid'28 ako". – Yo sang wa gye vo jham da yaug yaug li" sin" yhaug' ko" ru ngaid: ra" ga: ta" ra". Mau" zaui: mo, wa ngonhaung" myo, jham re ye: phain" pye' zai i"? ga:29 myid' ako". – Yo sang wa daye: phain" ge, pe" mung: ga" re myo, jham phain" lao" gaug gae jham damyo" re: bobain" lo" zai30 ngaid: ra". – Shid' ja" geim" ashi: mhang" yo, joe" yaug: jo, vegeshao: gaug mhang" lao" gaug yaid naung mae myo, shi: re shi" saoqhid' mae zhag' yang: ngha" pye' nae" khyo: myag: dang" to: mung: gaug re kam" jhi vao" mae vin: ke' to: ge, ein: gaug yaid mo, re ngo ta" nae" ga: yo sang ta" ra" ga: mho: ra". (Mk.4:30-32; Lk.13:18-19)31 Yesu wa yao: bam re dao: tau" daja: dam: ta" ra". Mug: gaung: mang: din" wa byu dayaug ao: shi: re yu mung: yo mae ye:32 sin" to" ru we' dau: ra". – Ao: shi: wa ajid' gu: mae" ngai: thao" ru ngaid: ra". Ngaid qere: yaug: qi" li" lao" ao: pho' mye qui" gu: mae je: qi" ru we' agae boe" li" yang: mug: mae" ngho' jham wa yao" akaung ako' jham mae li" no" ako" ga: ta" ra". (Lk.13:20-21)33 Yesu wa dao: tau" daja: yao: bam re ta" ashi". Mug: gaung: mang: din" wa myiqe: dayaug main" phaui: re yu mung: cin main" sam dao: mae lhau: lhag' yang: alhab' geim" ngae: bu" bai" li" ru we' dau: ra" ga: mho: ra". (Mk.4:33-34)34 Yesu wa cegu: alhab' re dao: tau" yang: volo byu qere ta" kyo" ra". Dao: tau" yang mangaid: lo: yao: bam re da ja: re: mata" kyo: ngaid: ra".35 Ngo wa nga" nhaid' khyo" mung: dao: tau" re ta" nae". Mug: myid yaung: qhid: ba na mae" nyham" to" ra" ja: re ngo ta" peim" kyo: nae" ga" lapa dao: wa dang: lo va".36 Ai: thao Yesu wa volo byu mo, thaui: re nhao: ke' mung: yham khug vao lo" ra". Yao" naung cao qe wa yao: jhao" te' ye: mung: ai: myo, gae jham: dao: tau" lase" re ngonhaung" re pheim: kyo: la, ga: mho'37 ako". – Ailao" Yesu yao: bam re dam: mho: ru wa gaug myug: agai sin" ru wa Byu: yao: zo: ngaid: ra".38 Yo dae wa ce: myidkin ngaid: ra". Gaug mhang" ra" ayo, mug: myid thao" ba ngaid: ra".Lho" ra" gaug wa Mo"so: mang: din" zo: dau qe ngaid: ako". Myo, gae jham wa yui: zo: dau jham ngaid:39 ako". – Myo, shi: sin" ru wa yui satain: ngaid: ra". Gaug yaid mo, wa mug: logyo:40 jham ngaid: ako". – Ai: myo, gae jham re phain" dang: mung: ngha" pye' ru we' dakhyo: mug: myid thao" ba na yui bo: de, mo, re re: myi: mai: khyeim" mae ngha"41 pye' li" nae". – Byu: yao: zo: wa mug: logyo: jham re nhao: ke' mung: shaid' nghung" ra" mo, we' magai: ra" mau" kaid' ra" mo,alhab' re mang: din" khug mae"42 khyin: thug' yu mung. – Ai bam re mo" myi: khyeim" mae pye' zaui: ke' li" nae". Ai mae ngug ag' thaung: mung: zaui kyag'43 kyag' genae". – Dang main" ra" mo, kam" wa pho" Mo"so: mang: din" mae Aung ba re" ru: bao genae". No: khye' de, ko" re wa gyo" yu ge, .44 Mug: gaung mang: din" wa yo thaung: mae nyham" to" ra" jo, nho" we' dau: ra". Ai: jo, nho" re ye: the' myao lao" dam: nghoe' to: co' mung: ngaui bau: taung" lo" mung: yao: qo" ra" gu: alhab' re aung" pye' yang: ai: yothaung: re ye: vai: yu: ra".45 Mug: gaung: mang: din" wa phug' de; ra" pau: lhai: ce' re qho: ra" gau mung46 myho" khyo" yaug we' dau: ra". – Yao: wa ai: phug' de; ra" pau: lhai: ce' lang" re qho: myao lao" yao: qo" ra" gu: alhab' re aung" pye' mung: ai re vai: yu: ra".47 Mug: gaung: mang: din" wa qid dae mo" mae khyo" mung: aja: ja" ngo: re48 lhaung" yu: ra" geim we' dau: ra". – Ngo: kung" mo, wa gyoegao: yo khyo she: thug' yang: zaung: jo, mung: ngo: gai re gyain mae ke' mung: magai: ra" gu: we' boesaid jham re wa taung gaung khyo shepye' ko"49 ra". – Mug: myid thao" lo" ba na mae re: ai we' dakhyo: ngaid: nae". Mug: logyo: jham wa dang main: mo; khug mae" makhyang: mashab: ra" mo, re khyin: thug' mung: . –50 Myi: mai: tham: khyo pye' zaui: pye' li" genae". Aimae yao: bam wa ngug ag' thaung: zaui qao: bin" zag: li" genae" ga: ta" ra".51 Yesu wa yao: bam re naonhaung" cere ba: gyo: veko" i"? ga: myid' ra". Ai lao" yao: bam wa ba: gyo: va" wo" ga: dam: tau"52 ako". – Ailao" Yesu wa ce ru: mung: yang: mug: gaung: mang: din" akhyo mho" yu: qhug' va"jham: ba byu yaug khao: ngo" wa yao" kug lhaung" mae nyham" to" ra" zai kug asag' axug' re phoe' thug' li" ru we' dau: ra". (Mk 6:1-6; Lk. 4:16-30)53 Yesu wa dao: tau" ce gu: re bin: ta"54 lao" ai: jo, qo mae" to" lo" mung: . – Yao" vogaung: khyo joe" lao" yao: wa ham phaung jao: mae cao" mho" byid' qin" ra". The' gyo" ra" mo, mug' hao" byaug: ako". Aimung: yao: bam wa byu ce: yaug airu" ra" juyi khai: mae" ba: yu: laug i"?. Mug' pho" ve, lho jham re khoyaug mae" mho"55 yu: la,?. – Yao: wa lo, mau" zaui: yaug: yao: zo: ma ngaid: i"? yao: myhi" wa Mari mangaid: i"?.Yao: nhaung: bam wa Yaku , Yoseb , Simon we' Yuda bam mangaid: ge56 i"?. – Yao" nhae: mo" tao ho' re: nyhao: nhaung" we' daga" na: bam: ako" ma57 ngaid: i"?ga: jho" ta" ako". – Yao: bam wa Yesu re gaui qu" shao" pyao: gemung: majang" ko".Aimung: Yesu wa lapa qe wa yao" yham mae we' vo gaung: mae nga: malho". Gevo getham: mae she, nga: aqo"58 ra" ga: yao: bam re dam: mho: ra". – Ai: vo bao: yao: re ma lam" geyang: ai: mae mug' pho" mau" myo: sho' mazaui" qhu" ngaid: ra".