1 Phareshe" qe we' Saduke" qe wa yao: bam re mug: gaung mae" mug' pho" mau" jham re kaid' qhu" nae" khyo Yesu re li" lag2 yu: qu" ako". – AsAng wa yao: bam re myi" thao phyao: mug: gaung mae jham thaui: ne: rure myao lao" mug: phung: naeva"3 myao: ga: naonhaung" ta" ako". – Ne, seim re ba zaui cag' rure myao lao" mug: qu nae" ngaid: ra" ga: ba: ta" ako"?.O" lho she' ra" mo, we" mug: qu nae" rure wa ba qu" kho' ako"?. Ayo, dau va" ve, sam" re wa naon-4 haung" maqu" se" ko" i"?. – Ce:ta mae" byu qe wa mashab makhyang" ru we' Mo"so mabo: ra" mo, ngaid: ako". Naonhaung" re Yona, ve, lho mae" jain" yang: getau qhu" nae" mangaid: ga: mho: ra". Ai:thao mae yao: bam mae" to" phao: lo" va". (Mk.8:14-21)5 Naungcao qe wa qid tham: thoete' khyo gau" de; lo" au: cin main" yho' ma6 beim" yu: li" ko". – Yesu kam" wa naung cao qere Phareshe qe we' Saduke qe: main"7 re lha" ge, ga: mho: ra". – Naungcao qe wa ngonhaung" cin main" wa vin yang: yao: ceru: ga: ta" ru ngaid: ra" ga: yao: bam8 yao: cao: jho" ta" ako". – Yesu wa ba: pye' mung: yao: bam re dam: mho: ru wa lam jang" myid nang" ra" mo, we" cin main" yho' mavin: ra" khyo re pe" ta" na: ako". –9 Cin main" ngo" yho' yang byu ngo" taung zo" gyi: mung: dang: ru khonho" gyain qo" gaug: zhang" rure mabeim: lo: ko" i"?. –10 Dam: cin main" nhaid' yho' byu byid taung zo" gyi: mung: khonho" gyain dam: qo" gaug: zhang" yu: ru rere: ma beim: maso:11 lo: ko" i"?. – Phareshe" qe we' Saduke" qe: main" re jao" lha" ge, ein: ata"cin main" re myid: beim: mung: mata" rure naonhaung" khoru: mung: maba: gyo" kho' shi: ko" i"?12 ga: mho: ra". – Ailao" she, yao: bam wa cin main" yho' mae ke' ra" main" re lha" ge, ga: mho: ru mangaid: .Phareshe qe we' Saduke qe mho" shid' khyo re jao" ge, ga: yao: bam re mho nhaung ga: aba: gyo" ako". (Mk.8:27-30; Lk.9:18-21)13 Yesu wa Philipi mang: mae" Kesare: vomo" avai: ayae vogaung: khaung: joe" lo" au: byu qe wa Byu: yao: zo: ngaid: ra" ngo re khoyaug ngaid: ga: mho: na:14 ako" ga: naung cao qe re myid' ra". – Byu damyo" AsAng wa Babtizan: byid: yaug Yohan ngaid: ra" ga: , da myo" Elia ga: , dam: damyo" wa Yeremia ma ngaid: lao" lapa dayaug yaug ngaid ang: ra" ga: ta" ako"15 ga: dam: tau" ra". – Naonhaung" wa ngo16 re khoyaug ein: – jho ko" ga: dam: myid' re Simon: Petru wa AsAng wa daui: na: ra" Mo"so: yao: zo: Khristu ngaid: ra" ga: dam:17 phaug' tau" ra". – Ailao" Yesu wa yao: re dam: mho: ru wa Yona yao: zo: Simon we" nao wa nga: lho" ava". Khoru: ga" re sa: we' sho: wa nao re cegu: mata" kyo: , mug: gaung mae" nga" pho" yang qhu"18 byid' ru angaid: . – Ngo re: nao re mho shi: nae" nao wa laung: mo" baui ngaid: ra". Ce: laung: mo" baui dao mae nga" phung: re ngo de" to: nae". Ai: phung: re Mo:vo: mug: kham: mo" dung: jham wa ma aung19 genae". – Mug: gaung: mang: din" kham: thug' re qhaug' byid: nae". Aimung: myid gaung: dao mae nao taui" to" ra" ja: re mug: gaung: dao mae re: taui" to: lao: nae". Myid gaung: dao mae nao pheim: lhoe' ke' ra" gu: re mug: gaung: dao mae re: pheim: to:20 byid: lao: nae" ga: mho: ra". – AsAng wa Khristu ngaid: ra" akhyo re khag' rere: data" ge, ga: naung cao qere zug' to: nhao: ra". (Mk.8:31-9:1; Lk.9:22-27)21 Ai: ayo, mae" thao phyao: yao: wa Yeruslem: khyo do, lo" ca" nae". Lau:de, qe khin jaung qe we' jham: ba pho" qe: lo,mae qug: khai: kyi" khyag' aja: ja: re phau: nae". Shid khae: yu: ru qhug' mung: sam ba ein: ba mae dam: daui: to" nae" ga" akhyo re naung cao qere saoqhid' lhang22 ta" kyo" ra". – Ai: au: Petru wa yao: jhao" te' ye: mung: AsAng we" nao mae ce ru: da boe" nhao ce re" ru: AsAng jhao" ma joe" shao: . Mo"so wa nao re nhag' myain:23 shao: ga: mho: ra". – Yesu lhang: lo mung: gyevo satain: we" nga" thao khyo qui: wa, nao wa nga" khyo mae kaung: kag' yaug ngaid: ra". Pe" mung: ga" re nao wa Mo"so shaid' khyo" mamyid lo: byu shaid' khyo"24 za: myid: ra" ga: mho: ra". – Yesu wa yao" naung cao qere dam: mho: ru wa nga" thao cao" nug yaug khag' ngaid qere: yao: yao" gaung re ngag: ha: pye' mung: yao: yao" pyao: zang re vo, mung: nga" thao cao"25 veshao: . – Khoru: mung: ga" re yao: yao" kao so' re khyaid' yu nug: ra" yaug wa kao seim" nae".Nga" mathao mae kao so' seim"26 qhug' ra" yaug wa kao so' qo" nae". – Byu wa gudaegam re qo" sang: yu ngaid yang: re: yao" kao so' seim" byaug: re pe" so' ha"27 qo" nae" i"?. – Byu: yao: zo: wa yao: pho" phung bao we' yao" mug: logyo: jham we' joe" li" zai ngaid: . Ailao" yao: wa byu yaug khao: ngo" re yao : yao: kaid' ra" mau" zo" we' dakhyo: za: aphug' dam: tug' byid' li"28 nae". – Ngo dang dang mho geli". Byu: yao: zo: wa yao" mang: din" we' joe" li" rure mamyao myao wa mashid shi: genae" ga: ngaung cao qere mho: ra".