1 Ai: ayo, mae mang: gyi Antipa Herod'2 wa Yesu akhyo re the' gyo" ra". – Byu ce: yaug wa Babtizan: byid: yaug Yohan dam: daui: to" li" nhaung.Airu: mung: yao: wa ce ru" mug' pho" mau" qo" zaui" ra" ga: yao"3 daui mung byu qere ta" ra". – Herod' wa yao: nhaung: Philib yao: myi: Herodia ma thao mae Yohan re cam" yu mung: kyam:4 mae lhaung" to" ra". – Pe" mung: ein: re Yohan wa Herod' re ni" nhaung" yham sang myhi" Herodia re nao magai: ngho" nae" ga: ta" ru: yang: kyam: lhaung" ru ngaid: ra". –5 Herod' wa Yohan re se' pye' nug: ra" ngaid qere: mang: byu qe re gyaug: ra". Mang: byu qe wa Yohan re lapa dayaug ngaid:6 ga: jho: na: ako". – Herod' co' phyid' qug yo, nge, poe mae Herodia yao: zo: myiqe: nau" li" go" nhain" qhu" ra". Herod' wa7 yao: re gyai qu" ngaui: ra". – Herod wa jham tang: yang: myiqe: nau" re nao pe" o: ru pe" mho' la,ngo byid: nae" ga: ta" ra". –8 Qhid' re" yang yao: myhi" mho" to" ru we' dakhyo: myiqe: nau" wa Yohan: au: re bo" lang" dao mae kai: mung: ana" yao: ce: mae9 ngo re byid: la, ga: mho' ra". – Mang: gyi wa nhag' gyo" ngai: ra". Zo bo" mae daga" zaung: ra" mo; qhid' kheim: mae jham tang: yang: byid: nae" ga: va" ru mung: myiqe: nau" mho' rure byid: nae" amyin"10 khyo" ke' ra". – Kyam: mae" Yohan: au: re11 ye: phyid' nae" nhao: ke' ra". – Yohan: au: re bo" lang" mae kai: mung: myiqe: nau" re li" byid' ako".Yao: wa yu mung: yao: myhi"12 re lo" dam: dao byid' ra". – Yohan: naung cao qe wa yao" mao gaung re li" dao: lo" mung: ye: shaung: nyhab' pye' thao Yesu re lo" ta" kyo" ako". (Mk.6:30-44; Lk.9:10-17; Yh.6:1-14)13 Yohan: akhyo re Yesu the' gyo: lao" lha jui: yang: cae: jhug tag: seyo khyo yao: za: ye" lo" ra".Aire the' gyo: lao" votham: khao: ngo" mae" volo byu qe wa yao: jhao"14 khyid gau" cao" ye" ako". – Yesu wa lha mae" gyo" thug' lo we' byu phaung mo" re myao lao"qu" nhag' myain" ra".Yao: bam:15 no phyo: re gai: pye' byid' ra". – Myi" thao joe" lo lao" yao" naung cao qe wa yao: jhao" li" mung: ana" ba vao: lo" na: ava". Ce mae byu sheim manae seyo ngaid: ra". Yao: bam vo khyo lo" mung: zo:shaug' lo" qho: vai vegeshao: nhao: ke' wa, se, ga: ta"16 ako". – Yesu wa yao" naung cao qere yao: bam phao: lo" maca". Yao: bam re naon- haung" zo:shaug' khin: zho: ge, ga: mho:17 ra". – Ailao" naung cao qe wa ngonhaung" cemae cin main" ngo" yho' we' ngo: shid'18 dau: za: aqo" ga: ta" ako". – Yesu wa ai: gu: ngo jhao" yu: li" ge, ga: mho mung: . –19 Byu thaui: re vohau: yo mae zaung: na nhao mung: cin main" ngo" yho' we' ngo: shid' dau: re yu yang: mug: gaung khyo nghao" qu" yang: jeju caung" ra". Cin main" we' ngo: re phai" mung: Naungcao qere byid' ra".Yao:bam: yang volo byu qere20 dam: gae byid' ako". – Ai bam yaug nge, zo" gyi: mung: dang: jo; ra" agyo" athao re dam: gaug: zhang: ru daxe: shid' dao:21 byang" ashi". – Zo" gyi" ra" mo, myiqe: zoshao qe mabo yauggai qe za: ngo" taung kho ngaid: ra". (Mk.6:45-52; Yh 6:15-21)22 Ai:thao Yesu wa volo byu qere nhao zo" re" yao" naung cao qe: lha mae" qid tham: thoete' khyo saoqhid' de; lo" nhao:23 ra". – Volo byu qere bin: nhao: ke' thao mae Yesu wa bug gaung khyo do, ye: yang: jhaung: ye: mho' ra". Myi" thao joe" sho' ai:24 jo,qo mae na: na: ra". – Aiau: lha wa qid dae gaung: mae la hug' lo yang: apyi ajhae bang: lhung" mae hug' lhaui" qin" ra". –25 Myi" su yab cam: thao Yesu wa qid dao mae su: yang: yao: bam jhao" li" lo: ra". –26 Yao" naung cao qe wa qid mae su" ye" rure myao lao" gyaug yang: thoe wa mai: byo27 ngaid: ra" ga: gyi: hug' ako". – Yesu wa ngo angaid: dagyaug ge, yaug yo taung"28 na ge, ga: yao: bam re mho: ra". – Petru wa AsAng we" nao ngaid: re wa ngo re qid29 mae nao jhao" li" nhao la, ga: ta" ra". – Li" wa, ga: dam: mho: ra". Petru wa lha mae" gyo" mung: Qid dao mae Yesu jhao" su" ye"30 lo" ra". – La sham" thaui: re myao lao" qu" gyaug: li" mung: qid khug khyo nab: vao: lo" na: ra". Ailao" Petru wa AsAng we" ngo31 re xoe: yu la, wo" ga: hug' ke' ra". – Yesu wa lo, qang: ke' yang: zaui" she: yu mung: lam jang" nhag' lam: nang: mo, we" pe" mung: aug' o: aug' taung" boe" ako"?ga:32 mho: ra". – Yao: tao lha khug joe" vao lo"33 we' la qam" tae" lo" ra". – Lha khug mae na mo, alhab' geim" wa Yesu qhid' kheim: mae alhab' li" goe; pa" mung: nao wa dang dang yao: Mo"so: yao: zo: ngaid: ra" ga: ta" ako". (Mk.6:53-56)34 Yesu we' yao" naung cao qe qid tham: re gau" phyid' lo" mung: Ginesared vo mae lo"35 thang: ako". – Volo byu qe wa Yesu ngaid: rure ba mung: avai: ayae mae" vokhao: ngo" khyo hau" ke' ako". Ailao" yao: bam wa no phyo: aja: ja: phau" ra" mo, re jhui"36 li" gemung: . – Yao: bam wa mai bau: thao za: qhug' soe' nae" khyo mho' ako". Yao: re za: aqhug' soe' ra" mo, yaug khao: ngo" wa zhao: yao za: no gai: byaug va".