1 Yerusalem: vo mae" jham: ba pho" qe we' Phareshe" qe wa Yesu jhao" li" mung: Pe" mung: ni" naung cao qe wa phug' phyid' qe cao" lo: cao" khyao jham re macao" ko"2 i"?. – Yao: bam wa lo, macid' lo: zo zo:3 ko" ra" ga: ta" ako". – Yesu wa yao: bam re naonhaung" pe" mung: Mo"so: khang" dao: jham re to" pye' mung: naonhaung" yao" cao" khyao jham re za: cao" ko" i"?. –4 Mo"so: khang" dao: mae wa ni" myhi" ni" pho" re phug' myao: wa, Yao: myhi" yao: pho" re nhaid' dao: thoe: yang shaid' ra" yaug wa shid: ru qhug' veshao: ga: ta" to"5 ra". – Ai ngaid qere: naonhaung" mho" shid' ru wa byu dayaug yaug yao: myhi" yao: pho" re bao" thaug' nae"zai daja: ja: qo" ngaid: re wa Mo"so re qhaug' byid'6 to: va" zai yo ngaid: ga: ta" ra". – Ai: yaug wa yao: myhi" yao: pho" re bao" thaug' maca" ga: mho" shid' ako". Airu: mung: naonhaung" wa naonhaung" yao" cao" khyao: yang Mo"so: khang" dao: re lhoe"7 pye' ako". – Geim kaid' lho she' mo, we" naonhaung" we' tin: yang: lapa Esaia nhaid' khyo" ce: amyu" wa nhaid' thoe: yang za: ngo re phug' myao: ko" ra".8 Yao: bam: nhag' lam: kam" wa gaigai:9 yao: ngo we' va" lin: ako". – Yao: bam wa byu: yang kaid' to" ra" cao" khyao jham re nga" khang" dao: kaid' yang: mho" shid' na: ako". Airu: mung: yao: bam ngo re goe; pa" ru wa akeim ngaid: ra" ga: pa: to" ra" pa dao: wa gyai dang: ra" ga: ta" to" ra". (Mk 7:14-23)10 Yesu wa byu ajham ataung re yao: jhao" khai: yu mung: yao: bam re gelho: za: tae"11 gyo: mung: xam" to: ge, lhe". – Nhaid' khug khyo vao lo: ra" ru: yang byu re manyain: vho: nhao. Nhaid' khyo" thug' li" ra" ru: yang za: byu re anyain: vho: nhao: ra" ga: mho: ra".12 Ailao" naung cao qe Yesu jhao" li" mung: azhao nao ta" ra" dao: re Phareshe" qe nhag' gyo" no: lo" ko" rure nao ba: i"?ga:13 ta" ako". – Yesu dam: mho: ru wa mug: gaung mae" nga" pho" yang maqho" to" ra" sag' gae khao: ngo" re naid: lhaui" pye' ru14 qhug' genae". – Yao: bam nug: khyo" kaid' na geshao: yao: bam wa myo, jid qere khyo jhui" ra" myo, jid qe ngaid: ako". Myo, jid wa myo, jid yaug re khyo jhui" she: ngaid: re shid' yaug: geim" dung: gyain: mae byid: gyo" vao lo" li" genae" ga: ta" ra".15 Ailao" Petru wa to" mung: ngonhaung" re dao: tau" cere pheim: kyo: la, ga: ta"16 ra". – Yesu dam: phaug' tau" ru wa naon- haung" ana" joe" sho' su getau tho' je: ma17 ba: gyo: shi: genhaung i"?. – Ai:gu: re za: maqo" myid: thug' ko" i"?. Byu: nhaid' khug khyo vao lo" ra" gu: vae: dug: khyo joe" yang: ngha ye: naung mae dam: thug'18 lo" va". – Nhaid' mae" thug' li" ra" dao: kheim: wa nhag' lam: aung khug mae" thug' li" ru ngaid mung: ai: yang za: byu19 re anyain: avho: boe" nhao: ra". – Nhag' lam: kaui: ru , byu se' mau" myi: lao shaid' ru , Phavae mau" , khug' nyham: mau" , Apyag' asham" kaid' ru , jung" khyoe' dao: jham ru" ru za: nhag' lam: aung khug mae"20 thug' li" ra". – Cegu: ceja: za: byu re phung yug nyain: vho: nhao: ru ngaid: ra". Lo, macid' lo: zo: nam zo: yang: nyain: vho" ru mangaid: ga: mho: kyang" kyo" ra".21 Yesu wa ai: jo, qo mae" Turu' we' Sidon: mug: qid dae yae khyo ye" au: re –22 Khanain: amyu" myhi" zang da yaug Yesu jhao" li" mung: Davi Yao: zo: AsAng we" ngo re nhag' myain: la, nga" zo: myiqe: nau" wa yui vao yang: qu" gyaug sho' no:23 na: ra" ga: li" ta" ra". – Ngaid qere: Yesu dao: da kheim: re: maphaug' jhau ngaid: ra".Yao" naung cao qe wa yao: jhao" te' ye: mung: ai: myiqe: myhi" re mye, mye, nhao: pye' wa, pe" mung: ga" re yao: wa ngonhaung" thao mae cao" zag: hug' na:24 ra" ga: ta"ako". – AsAng wa Israel amyu" qe mae" byaug: lo" ra" mo, jhao" za: cao" ye: nae" nhao: ke' qhug' ru angaid: taung bug25 amyu" khyo ngo re manhao. – Ai: myhi" zang wa Yesu re goe; pa" mung: AsAng we"26 ngo re bao" yu la, ga: mho: ra". – AsAng wa zoshao qe: zo re lakha: jham re pye' zho" pye' nae" magai ngaid: ra" ga: phaug' tau"27 ra". – Myiqe: myhi" wa ngaid: ra" AsAng we" nao mho: ru dang va". Ngaid yang: re: lakha: jham wa AsAng: zogai" mae" gyo" ra" zosheim jham re qo" gaug zo" ako" ga:28 dam: tau" ra". – Yesu wa myiqe: myhi" we" ni" lam khug: myid wa qi" ava". Nao o: ra" khyo: boe" veshao: ga: mho: ke' ra". Ai: ayo, mae" ai: myiqe" yao: zo: wa gai: qao" lo: ra".29 Yesu wa ai: jo, qo mae" Galile" tham: yae cao" yang: su" ye" lo" ra". Bug gaung dalam: khyo do, ye: yang: dug no" na:30 ra". – Byu mo, thaui: mo" jham wa khyid qeim mo, , myo, jid mo, , nhaid' jid mo, , gaung dakhyae: shid mo, we' getau: no phyo: phau: mo, re AsAng: khyid qao: mae li" nha: to" bam: ako".Yao: wa alhab' mo;31 re gai qao" lo nhao: ra". – Nhaid' jid mo, ba: jhau: li" ru , no mo, wa gai qao" lo: ru , khyid goe: mo, qo" su" li" ru , myo, jid mo, wa myao: li" ru re volo byu qe qu" mug' na: ako". Aimung: yao: bam wa Israel Mo"so: phung bao re caung: khin" ako". (Mk.8:1-10)32 Ai:au: Yesu wa yao" naung cao qe re khai: yu mung: byu ce jham re ngo nhag' qu" myain" ra". Yao: bam nga" thao cao" ru sam ba va". Yao: bam zao: kho gain: aveko". Ngo wa yao: bam re zo mazho: lo: mavae" nhao: ke'. Pe" mung: ein: re yao: bam khyo le; mae vae: moe' myaid gezai ngaid: ra". –33 Naungcao qe wa byu ce nho" mo, laug: zo: sho' ce: seyo mae zo khai: mae" ye:34 ba: qho nae" ga: dam: ta" ako". – Yesu wa yao: bam re naonhaung" cin main" yho' qo" ashi: ko" i"? ga: dam: myid: lao" yao: bam wa cin main" nhaid' yho' we' ngo: nau"35 dajhid' za: aqo" ga: phaug' tau" ako". – Byu ai: gu: re vo hau: yo mae zaung: jo, nhao:36 ra". – Cin main" nhaid' yho' we' ngo: re yu mung: jeju caung: jhaung: mho' yang: cin main" we' ngo: re phai" yang: naung cao qere byid' ra". Naungcao qe wa volo byu37 jham re gae byid' ako". – Byu qe gyi: sho' bin: zo: thao Naungcao qe wa volo byu jham zo" tang" ra" aje, amain" jham nhaid' gyain byang" sho' gaug: zhang: yu: ako". –38 Myiqe: zoshao qe mabo: nghe' lo: yauggai39 za: byid taung kho ngaid: ra". – Byu thaui: re nhao: ke' mung: yao: wa lha jui: yang: Magadala vo khyo gau" de; lo" ra".