1 She' ba: ne, mae Moshe wa Arun: we' yao: zo: qe kao qi: va" Israel amyu" zo qe2 re khai: yu mung: , – Arun: re nao wa qobo khyaid' xeim: kaid' nae" no malo" ra" nung: jaung nau" dadau: , phaid' ngaui" xeim: no malo" ra" yao lo: dadau: yu: li" mung: asang: qhid' kheim: mae caung da" wa, –3 Israel amyu" zo: qe re re: naonhaung" wa qobo khyaid' xeim: kaid' nae" caid' be, nau" dadau: phaid' ngaui" xeim: kaid' nae" no malo" ra" dazin mabyang" shi" ra" nung: jaung lo: nau" dadau: , yao nau" dadau: , –4 asang: qhid' kheim: mae zam" khug xeim: kaid' nae" nung: jaung lo: dadau: , yao lo: dadau: , xau we' lhag' ra" gaug zo xeim: ci: li" ge, ana" ba asang naonhaung" jhao"5 joe" li" li" nae" ein: ta" kyo: wa, . – Moshe pin: to" ra" ja: jham re volo seim zaung jao: kheim: khyo ci: li" mung: volo byu alhab' wa qui" te' ye: mung: asang: qhid' kheim:6 mae ye; byaung" na: jo; ko" ra". – Moshe wa naonhaung" wa asang mho: to" ru we' dakhyo: cere" ru: zaui: so" pyang" veko" ru mung: asang: phung bao wa naonhaung"7 re bao: qhu" naeva" ga: re: , – Arun: re re: , nao wa xeim: ngaui" phain khyo ye: mung: asang pin: to" ru we' daru: za: ni" qobo khyaid' xeim: phaid' ngaui" xeim: re caung da" yang: nao we' byu myo: sho' tau: qobo khyaid' mau" re kaid' wa, byu qe ci: li" ko" ra" ngaui" xeim: re re: caung da" mung: byu qe : tau: qobo khyaid' ru re kaid' wa, ga: re: mho: ra".8 Arun: re: xeim: ngaui" phain khyo ye: mung: yao: we' tin" ra" qobo khyaid' xeim:9 nung: jaung nau" re se' ra". – Yao: zo: qe re: sa: re yu: ci: li" ko" mung: Arun: wa yao" lo, nyhug' sa: mae thug' jam: yu mung: xeim: phain: khyug jham mae ke' bin lao" dang: ra" sa: re phain zang qao: mae vhe' khyo"10 ra". – Qobo qo" khyaid' xeim: dau: mae" xau kug' , noce' , noce' mae de; ra" xau , sang: pau: mae" shao: yu: ra" sho: myain re xeim: phain mae ngha" pye' ra". Ai re" ru:11 asang wa Moshe re pin: to"ra". – Sho: we' sho: qid re wa vo yae mae ngha" pye' ra".12 Phaid' ngaui" xeim: re re: se' mung: Arun" yao: zo: qe wa sa: yao: re lobyid: lao" yao: wa xeim: phain dao gam: sho' pyi"13 sheim" ra". – Dam: yao: bam wa phaid' ngaui" xeim: sho: paung sho: khyi" jham we' au: loxo' mung: yao: wa phain dao mae14 ngha" pye' ra". – Sang: au jham we' khyid re nyhang" cid' mung: phain dao mae" phaid' ngaui" xeim: we' daga" bo: ngha" pye' ra".15 Volo byu qe re: caung da" xeim: ci: li" gemung: volo byu qe tau: qobo khyaid' xeim: ngaid: ra" caid' be, re yu: se' mung: azhao re" ru: qobo: tau: caung da" byid'16 ra". – Phaid' ngaui" xeim: dau: re re: ci: li" gemung: azhao re" ru: caung da"17 ra". – Gaug zo xeim: cinmain" re yu yang: dazhab' xu: yu mung: phain mae ne, seim xeim: ngha" ra" jo, qo nhae mae ngha" ra".18 Volo byu qe: tau: zam" khug xeim: nung: jaung lo: , yao lo: re re: se' mung: yao: zo: qe wa sa: re lo: byid: gelao" phain19 dao gam: pyi" sheim" ra". – Shomyi: we' au kyid' xau noce' shid' lam: we' sang: mae" shao: yu: ra" shomyhain ru" re nung:20 jaung we' yao lo: xau – Qao gao sho: dao21 mae kai: mung: ngha" pye' ra". – Qao gao we' lo, yo paung sin re asang: qhid' kheim: mae vo; pyao" mung: vo; pyao" caung da" ru re kaid' ra". Ai re" ru: kaid' nae" tau:22 Moshe pin: to" ra". – Arun: wa yao" lo, re vo byu qe: qhid' kheim: khyo tau: qang min byid: mung: qobo khyaid' xeim: , zam" khug xeim: re caung da" bin lao" gyo" lo:23 ra". – Dam: Moshe we' Arun: tao wa volo seim zaung khug khyo vao mung: byu qe re min gam byid: ko" ra". Ailao" asang: phung qab bao wa volo byu: qhid' kheim:24 bao: thug' li" ra". – asang jhao" mae" myi: thug' li" mung: phain dao mae jo; ra" phaid' ngaui" xeim: we' xau re ngha" ra". Airu: boe" ru re volo byu qe myao lao" yao: bam zag: gyi: hug' mung: gam" goe; na: bam ko" ra".