1 asang Moshe we' Arun: nhae re dam:2 ta" ru wa – Israel zo: myid: qe re ceru: ein: ta" ge, myid gye, mae na: ra" gug' nyhug' gug' du: alhab' mae"3 khyid ku" go, mung: zo dam: lhaid' thug' vo" ra" gug' nyhug' jham re gai: zo:4 genae". – Ngaid qere: , zo dam: lhaid' vo" ra", khyid ku" ra" gug' nyhug' jham mae magai: zo" gu: wa ma dae myao: wa zo lhaid' vo: ngaid qere: khyid ku" mago, yang: naonhaung" mae mashao magyang"5 boe" ra". – Shaphain: wa zo lhaid: vo: ngaid qere: khyid vo: mago; mung: naon- haung" mae mashao magyang" boe" ra". –6 Din" qug wa zo lhaid: vo: ngaid qere: khyid sin: mago; mung: naonhaung" mae mashao7 magyang" boe" ra". – Vo, wa khyid sin: go, ngaid qere: zo malhaid' vo: mung: naon- haung" mae mashao magyang" boe" ra". –8 Airu" ra" gug' nyhug' jham: sho: re magai: zo: . Shid mao re re: magai: zao" tin: , mashao gyang" ein: naonhaung" xam: ge, .9 Qid dae khug mae we' qid gyaung: , qid tham: ru" ru mae na: ra" daung we' akye' de; ra" gug' nyhug' jham re za: agai:10 zo: genae". – Daung we' akye' made, qid dae khug qid gyaung: khain mae daui lab: qin" ra" gug' nyhug' alhab' wa naonhaung"11 tau: anyain: avho" ru ngaid nae". – Airu" gug' nyhug' sho: re naonhaung" magai:12 zo: nae". – Airu" jham: ashid re re: ca' ca" genae"13 Naonhaung" wa ca' pho: ngaid: ra" ein: xam" to: nae" ngho' jham wa zeim14 baung: , ngo: zo: zeim – zeim kyao: we'15 getau: zeim aja: ja: , – kuno, amyu" alhab'16 we' – ma dae ngho' mo" caid' zeim , qid17 ngho', – zeim kyao: myu" jham khaung:18 bab: , – vozoe, ngho' Ti:ti:du , ngho' go ,19 qid khaung: bab: , – kheim" zug' , ngho' lang dug: , maug: ngho' qid bai: je , qid ngho' lang qhang , pho' hhid' jham ru"20 ru, – daung de, mung: byid khyid: yang yoe" qin" ra" gug' nyhug' alhab' wa naon-21 haung" tau: ca' pho: boe" nae". – Ngaid qere: daung de, mung: byid khyid: yang yoe" du: mung: myid mae pag' zin: qin" nae" tau: getau khyid tho' qhang: ra" khyid22 yaug: ra" gug' nyhug' jham mae , – khyag' phaung" , vang yu , vang pang aja: ja: we' jhin khyag' jhin gyoe jham gai: zo:23 genae". – Daung de, mung: khyid byid khyid we' yoe" su" qin" ra" getau gug' nyhug' jham wa naonhaung" mae ca' pho: toe' ca" genae".24 Airu" ra" gug' nyhug' jham: yang naon- haung" re nyain: vho: nhao: ra". Ai jham: ashid gaung re the' tin" ra" yaug wa myi"25 thao joe" sho' mashao gyang". – Ai jham: ashid gaung re yu: shaung: ra" yaug wa yao: yao" mai bau: cid' shao: pye' ca" nae". Myi" thao joe" sho' re: mashao shi:26 ngaid: ra". – Khyid sin: mago; ra" gug' nyhug', zo malhaid' vo" ra" gug' nyhug' alhab' wa naonhaung" tau: mashao lho". Ai jham ashid gaung re the' tin" ra" mo,27 alhab' wa anyain: avho: boe" va". – Khyid sin: made, khu vo" yang su" ra" gug' nyhug' gug' du: alhab' wa naonhaung" mae mashao boe" nae". Ai jham: ashid re the' zao" tin" ra" yaug wa myi" thao joe" sho'28 mashao gyang". – Ai: gug' nyhug'ashid re yu: shaung: ra" yaug wa yao" mai bau: cid' shao: pye' ca" nae". Ai: yaug re: myi" thao: ayo, joe" sho' mashao gyang".29 Myid gaung mae yoe" qin" ra" gug'30 nyhug' jham , – qug hhug' , qug aja: ja: ,31 yham lhaug' aja: ja: , – zao gyaung soyao: jhaung nyhab' aja: ja: , jham wa naon- huang" mae mashao magyang". Ai jham: ashid re the' zao" tin" ra" yaug wa myi"32 thao: ayo, joe" sho' mashao gyang". – Airu" ra" ashid lhao bin mai bau: sho: qid thaung ru" ra" azai: kho dao mae kho khoru: gyo" zao" ngaid: re qid mae jam: nyhain" pye' ca". Ailao" za: shao lho" nae" ngaid: . –33 Myid zhai: ug' khug' daja: ja" dao mae airu" ashid gyo" zao" thaung" re ai: myid zhai:34 ug' khug' re be; kho' pye' ca" nae". – Ai: myid zhai: ug' khug' mae" qid qang: zo: pho: sho: dao mae gyo" zao" lao" ai: sho: wa mashao lo: , ai: myid zhai: khug' mae"35 shaug' qid re: mashao lo: . – Zai daja: ja: ai: ashid gyo" zao" re ai: zai , koe laug ngaid qere: , kyo ngaid qere: mashao: ru boe" mung: naonhaung" mae mashao: ru boe"36 mung: be; phyo' pye' ca" nae". – Ngaid qere: qid baug: qid thug' , qid thaung: wa mashao gyang" ru maboe", ashid the' zao" thaung" ra" zai khug' za: mashao gyang"37 ru boe" ra". – Sin: nae" myug: shi: dao mae ai: ashid gyo" zao" re ai: myug: shi:38 wa mashao magyang" maboe". – Qid mae nyain: va" myug: shi: dao mae ai: ashid gyo" zao" ngaid: re ai: myug: shi: wa naon- haung" mae mashao magyang" boe" ra". –39 Noanhaung" gai: zo" ra" gug' nyhug' shid: lo" re , ashid re the' zao" tin" ra" yaug wa40 myi" thao: ayo; joe" sho' mashao lo: . – Ai: ashid re zo" ra" yaug wa yao: yao" mai bau: re cid' pye' ca". Myi" thao joe" sho' mashao lo: ai: ashid re yu: shaung: ra" yaug re: yao: yao" mai bau: cid' pye' ca". Myi"41 thao joe" sho' mashao gyang" lo: . – Myid gaung mae yoe" qin" ra" gug' nyhug' alhab' wa ca' pho: ngaid mung: naonhaung"42 magai: zo: nae". – Khyid made, vae: dug' yang yoe" qin" ja: ngaid qere: , byid khyid: yang du" ra" ja: ngaid qere: , byid khyid tho' myo" ra" khyid: yang du" qin" ra" ja: ngaid qere: , myid gaung mae yoe" qin" ra" gug' nyhug' gug' du: daja: re re: gai: zo: genae" mangaid: . Ca' pho: ngaid:43 ra". – Yoe" du" qin" ra" gug' nyhug' daja: ja" yang naonhaung" gaung khyao re naon- haung" anyhan athaung: gai: kaid' genae" mangaid: . Ai re" ru: nyain: vho: sho' yao: yao" gaung re anyain: avho: magai: kaid'44 genae". – Ngo wa naonhaung" asang Mo"so ngaid yang: naonhaung" re: yao: yao" gaung re shao kyang" mung: shao gyang" ca" genae". Myid gaung mae yoe" su" qin" ra" gug' nyhug' daja: ja" yang naon- haung" gaung khyao re magai: nyain: vho:45 nhao nae". – Ngo wa naonhaung" Mo"so boe" nae" tau: naonhaung" re Egutu mang: mae" khyaid' khyi: yu: ra" asang ngaid: . Ngo shao gyang" ra" mathao mae naon- haung" wa shao gyang" mo, ngaid ca" nae".46 Ceru wa shao gyang", mashao gyang" gai: zo: , magai: zo" ra" gug' nyhug' jham47 re ba: kho' khaui: nae" tau: – gug' nyhug' , ngho' , qid mae daui lab: ra" gug' nyhug' , myid gaung mae yoe" qin" ra" gug' nyhug' na mae: na we' tin" ra" cao" khyao jin kham ngaid: ga: mho: ra".