1 Dam: dalhang asang Moshe re mho: ru wa nao Israel amyu" zo: qe re dam: ta"2 kyo: nae" ru wa – myiqe: qe wa gaung la: mung: yaug gai zo: khau lao", mai ci mung: nhaid' ba mashao gyang" ru we' dakhyo: za: nhaid' ba mashao gyang" ru mae na: na3 ca" nae". – She' ba ein: ba mae zoshao re4 nyaug phyid' ru kaid' byid: ca" nae". – Ai: thao mae yao: myhi" wa shao gyang" ru we' tin" ra" sa: bo mung: sam xe ba lam: lam: yham laung" na ca". Shao kyang" nae" ba na mabyang" re shao lho" ra" zai yo re magai: the' tin: nae". Shao gyang" ra" jo, qo5 khyo magai: ye: nae". – Myiqe: nau" khau: ngaid: re ; mai ci: ru we' dakhyo: daxe: byid ba lam: lam: mashao malho" na: na ca" nae". Shao gyang" ru we' tin" ra" sa: bo mung: ba na khyaug' xe lam: lam: yham laung" laung" na ca" nae".6 Yaug gai nau" ngaid ngaid myiqe: nau" ngaid ngaid shao kyang" nae" ba na byang" ra" au: phaid' ngaui" nae" xeim: dazin mabyang" shi" ra" yao nau" dadau: , qobo khyaid' xeim: kaid' nae" tau: phaung" kyug' nau" dadau: , mangaid: lao" jid: au dadau: re volo seim zaung kham: dung: qhid' kheim: khin jaung pho" jhao" ci: ye:7 ca" nae". – Khin jaung pho" wa asang: qhid' kheim: mae qhaug' ngaui" mung: ai: myiqe" tau: qobo khyaid' ru re zaui: so: byid: lao" sa: sheim: pye' ra" qobo mae"8 shao gyang" lo" li" nae". – Yao nau" magai: boe" ngaid: re wa jid: au shid' dau: ngaid ngaid , phaung" kyug' shid' dau: ngaid ngaid phaid' ngaui" nae" dadau: , qobo khyaid' nae" dadau: ci: li" mung: khin jaung pho" wa yao" tau: qobo khyaid' ru kaid' byid: lao" yao: wa shao lho" nae". Ce: li wa zo: khau: ra" myhi" zang cao" nae" cao" khyao ngaid: ra".