1 Naonhaung" wa yao: yao" tau: co' yu kyaung" lhang" yu: ra" sulho gai: kaid' to: nae" mangaid: . Naonhaung" mang: din" mae goe; pa" nae" so: xam: magai: zhaug' be; co' lhang" yu: ra" laug baui re magai: to: nae". Ngo wa naonhaung" Mo"so asang2 ngaid: . – Nga" dug: no: ba re naonhaung" xam" to: nae" we' Nga" shao lho" ra" yham re phug' myao: ca" genae". Ngo wa asang ngaid: .3 Naonhaung" Nga" mho dao: gyo: mung: Nga" khang" dao: re cao" pyang" ko" ngaid: re.4 Ayo, akhin: joe" lao" Ngo wa naon- haung" tau: mae" mug: qu nhao mung: naonhaung" mug: myid wa gaug zo maui: lam: byang" mung: khyae mae" shi: gae5 jham re: ashi: zaui" li" genae". – Gaug nao: nae" ayo, wa sabyi' shi: pyag' nae" ayo, joe" sho', sabyi' shi: pyag' nae" ayo, wa gaug yaid yo, joe" sho' qo" zo" khe' genae" we' yao: yao" mang: din" mae ngaui pyo:6 taung" qo" na genae" ngaid: ra". – Naon- haung" mang: din" mae gye mathug' mung: kyaug' nhin" byu mana lo: mung: nhag' jo, yo taung" qhug' yab genae". Myang kha: zoqhid jham re re: Ngo kin va: pye' nae". Damang: geim" shae gye lhae gye mae"7 loe, genae". – Naonhaung" wa gyevo qe re cao" khe' mung: shae lhae: yang qo"8 aung genae". – Naonhaung" mae ngo" yaug: yang gyevo dayo re qo" khe' sin" ke' genae". Byu dayo wa gyevo datug re qo" khe' sin" ke' mung: shae lhae: yang qo"9 khe' aung genae". – Naonhaung" re Ngo qu" gam caung yang: myo: laug nhao nae". Naonhaung" we' Ngo to" ra" dao: thang"10 re gang" tang nhao nae". – Naonhaung" myao" sho' bai" shaung: to" ra" gaug xug' re magain: zo: shi" re gaug sag' thug' ra" mathao gaug xug' re gag: khyo" pye' li"11 genae". – Ngo naonhaung" re maca' lo: naonhaung" khug mae Nga" seim zaung12 zhaug' tang nae". – Naonhaung" mae Ngo daga" du: su: mung: naonhaung" Mo"so boe" na nae". Naonhaung" re: Nga" byu13 jham boe" genae". – Egutu byu qe: jeim doe; na: ru mae" loe; lo sho' Egutu mang: mae" naonhaung" re khyi: yu: ra" naon- haung" Mo"so asang ngaid: naonhaung" kyau: pyi" re Ngo phyid' mung: naon- haung" re din: za: ye, nhao va".14 Naonhaung" Nga" dao: re matae" gyo: ce: khang" dao: alhab' re macao"15 pyang". – Nga" pin dao: re pe" shui manho ca' mung: maphug' makhyaid' kaid' ru we' Nga" khang" dao: tarha" re macao", Nga"16 dao: thang" re phyo' ko" re – naonhaung" mae boe" lo nae" ru wa myo, nho sham nae" , myid qug: myid: khai: boe" nae" tau: gyaug: din: ru , byang jhin to" ru , no phyo: jham re naonhaung" dao mae Ngo khyo" ke' nae". Naonhaung" wa myug: shi: sin: ko" qere: so' ha" maqo", gyevo qe wa naonhaung" gaug zo maui: lam: jham17 zo: genae". – Naonhuang" re qu" zhaug' to: mung: gyevo jham: qhid' kheim: mae seim" nhao nae". Naonhaung" wa gyevo: yang ug: ru qhug' mung: cao" khe' ru mabo18 qere: tao" phao: sin: genae". – Ai nho" ja: phau: gengaid: yang: re: Nga" dao: matae" gyo: shi: ko" re wa naonhaung" yao" qobo: mathao mae nhaid' bun dae byid: shi:19 nae". – Naonhaung" geim kaid' ra" zaui re nhag' khyug' pye' byid: nae". Mug: gaung re jo, to' ru: , myid gaung re gyid: re" ru:20 qao nhao mung: – Naonhaung" aje amyid mae qam: ke' pye' genae". Khoru: ein: re naonhaung" mug: myid wa gaug zo maui: lam: gai lho" byid: nae" mangaid: . Khyae mae" shi: gae jham re: ashi: zaui: byid: nae" mangaid: .21 Naonhaung" Nga" dao: re matae" gyo: , Ngo re gye tang: tug' ko" re nho" mo"22 nhaid' zin Ngo gyo" nhao nae". – Naon- haung" zo: myid: qe re sham" tai: lo" mung: naonhaung" gug' nyhug' jham re phyo' sin" ru: yang naonhaung" yeim: lo" vegeshao: myang kha: zoqhid jham re Ngo nhao: ke' nae".23 Ai nho" ja: phau: gengaid yang: re: naonhaung" naung myid maqo" , Ngo re24 tang: tug' na shi: ko" re – Ngo re: naon- haung" tang: tug' ru kaid' mung: naon- haung" yao" qobo: mathao nhaid' zin dae25 byid: shi: nae". – Nga" dao: thang" bo: de, mung: naonhaung" re pyam" nae" shae lhae naonhaung" dao khyo" ke' nae". Naon- haung" vo khug mae ham: na ko" au: , no phyo: qug: khai: re Ngo nhao: ke' mung:26 gyevo: lo, mae qhaug' pye' nae". – Naon- haung" bao" thaug' ra" zo: shaug' qab: pye' byid' ra" au: myiqe: daxe yaug wa naon- haung" cinmain" re myi: khyeim" dakhy- eim" mae za: baung: mung: ai: cinmain" re jao lag mung: gae byid: ko" yang: naon- haung" gyi: sho' the' zo: genae" mangaid: .27 Ai nho" ja: phau: gengaid yang: re: Nga" mho dao: magyo: , Ngo re tang: tug'28 na shi" ko" re – Ngo re: nhag' gyid' mung: naonhaung" re tang: tug' yang: naon- haung" qobo: mathao nhaid' bun dae byid:29 shi: nae". – Naonhaung" wa yao" zo: dau30 qe: sho: re zo: genae". – Naonhaung" re" myhao: ra" jo, qo jham re phyo' sin" pye' mung: gyoe: sulho jham tau: lhang" pye' nae". Gyoe: sulho dao mae" naonhaung" shid mao re pye' kai: mung: naonhaung" re31 ca' pye' nae". – Naonhaung" re" vogaung: jham phyo' sin" pye' mung: naonhaung" pa" caung: yham re sham" khyo" pye' yang: naonhaung" re" nae pyo: ham" ru re Ngo32 masheim nae nug lo: nae". – Damang: din" geim" re Ngo pyaid' laid sede: lhau: phyo' pye' ru re ai: mang: mae li" joe" na: naonhaung" gyevo jham mug' hao" byaug33 genae". – Labug: byumyu" qe mae naon- haung" re pyo: sin" ke' mung: shae she: ci mung: cao" khe' li" genae". Naonhaung" mang: din" re: cae: jhug tag boe" ru we' vogaung: jham re: seyo segae: boe" byaug: nae".34 Ai re" ru: naonhaung" wa gyevo qe: mang: mae na mung: naonhaung" yao" mang: din" wa cae: jhug tag ngaid: na: ra" ayo, akhin: gu: mae yaug yo za: qo" na mung: yao: yao" dug no: ba mae ngaui bau:35 taung" qhug' na: li" genae". – Nao-nhaung" na: na: ra" ayo, gu: mae yaug yo taung" qo" dug no: genae" mangaid: . Naonhaung" co' phyid' mug: myid wa ana" cae: jhug tag boe" byaug: ra" ayo, gu: mae qo" dug36 no: genae" ngaid: ra". – Gyevo qe: mang: din" mae dang: na: ra" mo, nhag' khug mae gyaug: din nae" myid Ngo ke' byid: yang: sag' fo' lab thoe: mathao mae naon- haung" wa gyaug mung: shae lhae re tao" phao: ru re" ru: phao genae". Khag' macao"37 khe' qere: tao" lang: genae". – Khag' re: macao" khe' ru, shae lhae re phao: ra" yaug re" ru: dayaug: dao dayaug tha" lang" li" genae". Gyevo qe: qhid' kheim: mae qo" thang" qhao: qam: o: dajhid' lhao" re: bo38 lo: zai mangaid: . – Gyevo: amyu" mae naonhaung" seim" byaug mung: labug: qe: mang: din" wa naonhaung" re myug: pye'39 li" genae". – Naonhaung" mae dang shi" ra" mo, wa naonhaung" re gye kaid' ra" mo, mang: din" mae yao: yao" qobo mae shid: yeim: lo" genae". Yao: yao" phug' pho" qobo: mathao mae re: yeim: shid genae" ngaid: ra".40 Ngaid qere: yao: bam Ngo re zai" shaid'41 mung: Ngo re tang: tug' ko" mathao – Ngo wa yao: bam re tang: tug' mung: gyevo: mang: khyo dai" ke' ra" akhyo jham we' daga", yao: yao" qobo phug' pho" qobo jham re ceim" shid' mung: mho' bain: ko" re nyaug maphyid' ra" yao: bam: nhag' myid nyham: khyo" mung: Ngo phau:42 nhao: ra" qobo dae yhin" yu ko" re – Ngo re: Yaku' we' to" to" dao: thang", Isag' we' to" to" dao: thang" we' Abraham: we' to" to" ra" dao: thang" re re: , ai: mang: din"43 re re: beim: so: nae". – Ai: mang: din" wa yao: bam: lo, mae" loe, mung: yao: bam mana lo" au: cae: jhug tag ngaid: na: ra" ayo, mae dug no: ba na jham mae yaug yo genae". Yao: bam Nga" mho: dao: re to" pye' mung: maphug' makhyaid' kaid' ra" mathao mae phau" lo: ra" dae re yhin"44 yu: li" genae". – Ngaid qere: gyevo: mang: mae na ko" ra" au: yao: bam re nyaug byid sho' zai" kain" pye' mung: yao: bam we' to" ra" dao: thang" re phyo' pye' ru joe" sho' ngaid qere: yao: bam re Ngo mashepye' ngo wa yao: bam: Mo"so asang ngaid:. –45 Ngo wa yao: bam: Mo"so boe" nae" tau: mae" labug: byumyu" qe: myo, qao: tae mae Egutu mang: mae" khyi: jhui" thug' lo: ra" yao: bam: phug' phyid' qe we' Ngo to" ra" dao: thang" re yao: bam: tau: Ngo beim: so: nae". Ngo wa asang ngaid: ga: mho: ra".46 Ce jham wa Sina, bam dao mae Moshe; lo, mae asang yao" gaung yao: we' Israel amyu" zo: qe: agyo: mae to" to" ra" cao" khyao dao: kheim: we' khang" dao: tarha" jham ngaid: ra".