1 Zai" shaid' qobo khyaid' xeim: qhaug' ngaui" nae" cao" khyao ngaid: ra" ai: cao"2 khyao wa shao gyang" ra". – Phaid' ngaui" ra" xeim: lhaung" se' jo, qo mae zai" shaid' qobo khyaid' xeim: dau: re se' mung: sa: re phain dao gam: sho' pyi" sheim: ca" nae". –3 Ai: xeim: dau: gaung mae" xau alhab' re yao: qhaug' ngaui" ca" nae". Sho:myi: we' daga" am phae: , au mae de; ra" xau , –4 phyid' dam: jang: thaung: nhae mae" jang: sho: shid' lam: ai mae de; ra" xau , noce' we' sang: mae" shao: yu: ra" sho: myhain5 xau re yu mung: qhaug' lao" ,– Khin jaung pho" wa phain dao mae myi: ngha" mung: asang re myi" yang ngha" hab' ngaui" ca". Ai wa zai" shaid' qobo khyaid' xeim: ngaid:6 ra". – Ai: xeim: sho: re khin jaung yaug gai qe alhab' gai: zo: nae". Ai re shao gyang" ra" jo, qo mae zo: ca" genae". Ai wa shao7 lho" thao" ru ngaid: ra". – Qobo khyaid' xeim: re: ai: zai" shaid' qobo khyaid' xeim: wa daru: za: ngaid mung: zai" shaid' qobo khyaid' xeim: ngaui" byid'ra" yaug wa ai:8 xeim: sho: gai: yu nae" ngaid: ra". – Byu dayaug yaug li" qhaug' ra" phaid' ngaui" nae" xeim: dau: re lham: yu phaid' ngaui" byid' ra" khin jaung pho" wa yao: phaid' ngaui" byid' ra" xeim: dau: mae" sho: qid re9 gai: yu nae" ngaid: ra". – Myi: mae hab' yu: ra" gaug zo xeim: , shae ug' we' ug' the" mae te' ra" cinmain" alhab' re ngaui" byid' ra" khin jaung pho" gai: yu nae" ngaid:10 ra". – Xau ke' ngaid qere: make' ru ngaid qere: gaug zo: xeim: alhab' re Arun" yao: zo: qe damyo" myo" jho" gae: yu genae" ngaid: ra".11 asang re caung da" nae" zam" khug xeim: ngaui" nae" cao" khyao wa ceru:12 ngaid: ra". – Jeju so: nae" tau: caung da" nug: re jeju so: xeim: we' daga" xau we' lhag' ra" main" mabo: cinmain" yho' , xau we' kaid' ra" main" mabo: cinmain" kyaug', xau we' lhag' ra" cinmain" nhug phaui: we' mung: te' ra" cinmain" yho' re caung13 da" ca" nae". – Ai: mae" getau zam" khug xeim: we' tin" ra" jeju so: xeim: we' daga" main" bo: ra" cinmain" re re: caung da"14 byid: ca" nae". – Ai: caung da" xeim: alhab' mae" cinmain" dayho' re asang re vo; lhaui: xeim: ngaui" byid: mung: ai: cinmain" re zam" khug xeim" sa: pyi" sheim: byid' ra" khin jaung pho" yu nae" ngaid: ra".15 Jeju so: nae" tau: qhaug' ra" zam" khug' xeim: sho: re ai: ba mae yao: gain sho' zo"16 pye' ca" nae". – Thao: ba ne, seim joe" sho' gai: tang" to: nae" mangaid: . Ngaid qere: dao: so: to: yang: caung da" ru mangaid: lao" yao: caung da" nug: ngaid: re wa ai: ba mae zo: mung: thao ba ne, seim joe" sho' tang" to" ra" ru re gai: zo: shi: genae"17 ngaid: ra". – Dang shi" ra" xeim: sho: re re: sam ba ein: ba mae myi: ngha" pye'18 ca" nae". – Zam" khug xeim: sho: dajhid' re sam ba ein: ba mae the' zo" re myid: o: ngaui: ru qhug' nae" mangaid: . Xeim: ngaui" byid: yaug re: pe" so' ha" qo" nae" mangaid: . Anyain: avho: boe" nae". Zo:19 yaug re: qobo qo" nae". – Mashao: ra" zai daja: ja: the' tin" ra" xeim: sho: re gai: zo: nae" mangaid: . Myi: mae ngha" pye' ca" nae". Shao gyang" ra" mo, za: ai: xeim: sho:20 re agai: zo: nae" ngaid: . – asang we' tin" ra" zam" khug xeim: sho: re mashao: ra" qobo bo yaug the' zo" ngaid: re ai: yaug wa yao" amyu" khug mae" jao khae qab:21 pye' ca" nae". – Byu mae" anyain: avho: , gug' nyhug' mae" nyain: vho" ru , maca' majhaid' ra" bathaung bajin: jham ru" ru daja: ja: re the' zao" mung: asang we' tin ra" zam" khug xeim: sho: zo" re ai: yaug wa yao" amyu" khug mae" jao khae qab: pye' ca" nae" ga: mho: ra".22 Dam: dalhang asang Moshe re mho: ru23 wa – nao Israel amyu" qe re ta" zhao: kyo: nae" ru wa yao, caid' be, nung: jaung jham:24 xau re gai: zo: genae" mangaid: . – Yao: za: yao: shid: ru we' myang kha: zoqhid: yang bin" se' ra" gug' nyhug' jham: xau re getau mae gai: ci yhung: ngaid qere: dajhid' re:25 magai: zo: nae". – Khag' ngaid qere: asang re myi" yang caung da" ra" gug' nyhug' xau kug' we' xau pau: jham re zo" ra" yaug re yao" amyu" khug mae" jao khae qab: pye'26 ca" nae". – Naonhaung" na jo, qo khyi" khao: ngo" mae ngho' sa: sho: mae" sa: re" ru: pe" ja: ngaid qere: magai: zo: genae". –27 Kho khoru: sa: daja: ja: re the' qhug' zo" ra" yaug re yao" amyu" khug mae" mung: jao khae qab: pye' ca" nae" ga: mho: ra".28 Dalhang dam: , asang Moshe re mho:29 ru wa, – nao Israel amyu" qe re ta" kyo: nae" ru wa, asang re zam" khug xeim: qhaug' ra" yaug wa yao: qhaug' ra" xeim: mae" asang re caung da" nae" gu: ci: li" nae"30 ngaid: ra". – asang: qhid' kheim: mae qao khao: re vo; lhaui" mung: vo; pyao" ngaui" xeim: kaid' nae" tau: qao gao khao: we' xau re myi" yang asang re phaid' hab' ngaui" nae" tau: yao: gaung sang yao: ci: li" ca"31 nae". – Khin jaung pho" wa xau re phain dao mae myi: ngha" mung: qao gao khao: re Arun: we' yao: zo: qe yu: lo" genae"32 ngaid: ra". – Zam" khug xeim: gaung mae" lo, yo shaid' paung sin re vo; lhaui" ra" xeim: kaid' nae" tau: khin jaung pho"33 re byid: ca" nae". – Zam" khug xeim: xau we' sa: re Arun" yao: zo: qe mae" xeim: re ngaui" byid: yaug wa ai: lo, yo shaid' paung34 sin re yu nae" ngaid: ra". – Israel amyu" qe caung da" ra" zam" khug xeim: khug mae" vo; pyao" ra" qao gao , vo; lhaui" ra" paung sin re yu: to: mung: Israel amyu" zo: qe mae khin jaung Arun: we' yao: zo: qe re apyaid ato: cao" khyao khyo" Ngo byid: va" ga: mho: ra".35 Ai wa Arun: we' yao: zo: qe asang: khin jaung mau" vin vo; na nae" tau: yao: bam re aya: dang" ra" ba mae asang re myi: ngha" ngaui" ra" xeim: jham mae" yao: bam qo" the' yu nae" xau gyain: byid'ra" aphug'36 ngaid: ra". – Israel amyu" qe: lo, mae" yao: bam qo" the' yu: na nae" tau: asang yao: bam re xau gyain" ra" ba na mae byid' to" ru ngaid: ra". Ai wa yao: bam: zo" qae: myid: xag' apyaid ato: mae" jhaung qhu" ngaid: ra".37 Ai: gu: wa Sina seyo: din" mae Israel zo:myid: qe asang re caung da" nae" akhyo Sina' bam dao mae asang Moshe re byid' ra" cao" khyao jin kham ngaid: ra". –38 Phaid' ngaui" xeim: , cinmain" xeim: , zai" shaid' qobo xeim: , qobo khyaid' xeim: , aya: dang: xeim: we' zam" khug xeim: jham: cao" khyao jin kham ngaid: ra".