1 Byu dayaug yaug asang re gaug zo xeim: ngaui" nug: ngaid re gyai nau" ra" cinmain" ngaid ca" nae". Ai: mae vhe'2 sheim: mung: Lo:bain: re ke' mung: , – Ai re Arun" yao: zo: khin jaung pho" jhao" ci: ye: mung: khin jaung wa cinmain" dazhab' we' xau daqhae:, lo:bain: alhab're yu mung: myi: ngha" hab' ngaui" ra" xeim: asang: tau: sheim nae pyo" ra" nae: ham" xeim: yao" tau: beim: so: byid: nae" khin jaung wa ai re phain dao mae ngha" nae" ngaid: ra". –3 Dang shi" ra" gaug zo xeim" gu: re wa Arun: we' yao: zo: qe: tau: ngaid ca" nae". asang re myi" yang kug' ngaui" ru mae" ngaid mung: shao gyang" ra" ru ngaid: ra".4 Myi: mae baung" nyho' va" cinmain" ngaui" nug: re xau we' cinmain" yang kaid' ra" main" mabo: cinmain" yho' re xau gyaid:5 ra" cinmain" kyaug' ngaid ca" nae". – Jo, to' ug' the" mae te' mung: gaug zo xeim: ngaui" nug: re , xau we' lhag' mung: main" mabo: ra" cinmain" phaui" yang kaid' ca"6 nae". – Ai: cinmain" re khyug' phai" mung: xau re: sheim: ca" nae". Ai wa gaug zo7 xeim: ngaid: ra". – Shae ug' mae te' ra" cinmain" re gaug zo xeim: ngaui" byid: nug: re wa xau lhag' ra" cinmain" phaui: ngaid8 ca". – Airu" ra" gaug zo xeim: cinmain" re asang jhao" nao ci: ye: mung: khin jaung: lo, mae qhaug' yang: khin jaung pho" wa ai: cinmain" xeim: re phain khyo ci: ye:9 zai ngaid: ra". – Khin jaung pho" wa ai: cinmain" xeim: beim: so: byid: nae" xu: yu mung: phain dao mae myi: ngha" ca" nae". Ai wa asang tau: nae: ham" ra" ngaui"10 xeim: ngaid: li" nae". – Dang shi" ra" gaug zo xeim: re kam" wa Arun: we' yao: zo: qe: tau: ngaid shao:. Ai wa asang re myi: phaid' ngaui" ra" xeim: jham mae shao lho" ra" xeim: boe" nae".11 asang re gaug zo xeim: ngaui" byid' ru mae main" magai: ke'. asang re myi" yang ngha" ngaui" au: main" re re: , byo: yhid re12 re: magai: bo: ngha". – Sao qhid' mhang" ra" Qhovo: qho shi: asang re qhu byid' ra" ru mae main" we' byo: yhid bo: gai: ngaui" byid: ngaid qere: , sheim nae pyo: veshao: ein: gai: ngha" ngaui" nae" mangaid:. –13 Gaug zo xeim: ngaui" khao: ngo" xo: bo: ke' ca". Ni" gaug zo: xeim: ngaui" ru mae ni" Mo"so: dao: thang" xo: mabo lo: magai: qhaug' ngaui" nae".14 Sao qhid' mhang" ra" qhovo: qhoshi: re asang re qhaug' ngaui" nug: re gaug nhae re myi: mae mhai: sao: yang: gaug ce' re nai:15 phaug' yu mung: – Ai mae xau vhe' sheim: Lo:bain: ke' zai ngaid: ra". Ai wa gaug zo16 xeim: ngaid: ra". – Khin jaung pho" wa nai: phaug' yu: ra" cin ce' daqhae: we' Lo:bain: alhab' re xeim: toe' yang: ngha" hab' ca" nae". Ce wa apyaid ato: asang re phaid' ngaui" ra" ngaui" xeim: ngaid: ra".