1 Asang pa" caung: seim zaung khug mae" Moshe re khai mung: mho: ru wa , –2 Israel zo: myid: qe re nao ceru: ein: ta" nae" ngaid: ra". Naonhaung" da yaug yaug asang re kug' ngaui" nug: re mai" ra" gug' nyhug' ngaid: ra" nung: jaung , yao , caid' be, re ci: li" ca" genae".3 Nung: jaung re xeim: dau: kaid' nug: re wa no malo: ra" nung: jaung lo: ci: li" mung: asang o ngaui nae" khyo: seim zaung kham: dung: nhae mae qhaug' byid:4 ca" nae". – Yao: ci: ye" ra" ngaui" xeim: dau" au: dao mae yao" lo, kai" to: ca" nae". Ai wa yao"qo bo lhai: lhoe'nae" tau: lham:5 khae: yu nae" ngaid: ra". – Ai: nung: jaung lo: re asang: qhid' kheim: mae bin: se' lao" Arun" zo: , khin jaung qe wa sa: re yu mung: pa" caung: seim zaung kham: dung: anhae mae" phain dao gam: sho' mae sa:6 pyi" sheim" li" genae". – Xeim: ci: li" yaug wa xeim: dau: re sho: qid qhid' mung: adau7 atam" je; phyid'ca" nae" ngaid: ra". – Arun" yao: zo: khin jaung qe wa ngaui" phain dao mae myi: maid mung: myi: dao mae thao:8 zao vo; zao bin lao", – Thao: zao dao mae au: , xau kug' , sho: khyi" jham re vo; kai"9 to: genae" ngaid: ra". – Khyid we' au jham re sao qhid'qid: yang cid' pye' mung: khin jaung wa ai: xeim: dagaung: geim" re phain dao mae kai: mung: ngha" ngaui" ra" asang: tau: sheim nae pyo" ra" xeim: phaid' ngaui" ra" nae: ham" xeim: boe" ra".10 Yao , caid' be, re ngaui" xeim: kaid' nae" ngaid: re no malo" ra" alo: re ci: li"11 mung:. – asang: qhid' kheim: xeim: ngaui" phain qid meim: shaid' mae se' yang: Arun" yao: zo: khin jaung qe wa sa: re phain dao lhang" gam: pyi" sheim: genae" ngaid:12 ra". – Xeim: li" qhug' yaug wa adau atam" je; phyid' mung: au: we' xau kug' we' daga" khin jaung wa phain dao mae" thao: myi:13 dao kai: nae" ngaid: ra". – Khyid we' sang: au jham re sao qhid' cid' shao: pye' ca" nae". Khin jaung wa dagaung: geim" re phain dao mae ngha" ra" phaid' ngaui" xeim: ngaid: ra". Ai wa asang re myi" yang ngha" ngaui" ra" nae: ham" xeim: ngaid: ra".14 asang re ngho' we' phaid' ngaui" xeim: kaid' nug: re jid: au ngho' , phaung" kyug' nau" ngaid ngaid ci: li" mung: qhaug' byid:15 ca". – Khin jaung wa ngaui" phain khyo ci: ye: mung: lang zang: nag: phyid' bin lao" phain dao mae myi: ngha" nae" ngaid:. Sa: re wa phain mae zhin: khyo"ca" nae". –16 Ngho' laid we' ai: mae bo: ra" ja: jham re phoe' yu mung: ngaui" phain mae" ba thug' shaid' myiqe, bam mae shepye' zaui: ke' ca"17 nae". – Ai: ngho' re daung maphyid' pye' lo: , kho' phyi: sin: mung: khin jaung pho" wa ai re phain dao mae" myi:, thao" yang ngha" nae". Ai wa asang re phaid' ngaui" ra" nae: ham: xeim: ngaid: ra".