1 Dam: dalhang Moshe re asang mho: ru2 wa – Israel amyu" zo: qe re ceru: ein: ta" kyo: wa, byu wa dao: so: to: mung: caung da" nae" ngaid: re nao to" ra" gau jho we' dakhyo: ai: yaug wa asang: zai: yo boe"3 nae" ngaid: ra". – Nao wa khonho" gau khyo" to: nae" wa yaug gai re kao shid' xe mae" khyaug' xe: agyo: mae" mo, re pa" jao: mae" jao mae cao" yang: ngaui ngo" xe kye'4 gau phyid' zai ngaid: nae". – Myiqe: ngaid: re ngaui sam xe kye' gau phyid' ca" nae". –5 Kao ngo" zin mae" daxe zin: agyo: yaug gai ngaid: re shid' xe kye', myiqe: ngaid: re6 daxe kye' gau phyid' ca" nae". – Kao lho" dakhye' mae" ngo" zin agyo: yaug gai re ngo" kye', myiqe: re sam kye' gau phyid' ca"7 nae". – Kao khyaug' xe je va" mo, yaug gai re daxe: ngo" kye' , myiqe: re daxe kye' gau8 phyid' ca" nae". – Nao phyid' to" ra" gau jho re magai: boe" ga" yaug re khin jaung pho" jhao" nhao: ke' mung: khin jaung pho" wa dao: so: to" ra" yaug qo" khae: yu nae" nho" gau phyid' byid: ca" nae".9 asang re gug' nyhug' yang asang re caung da" re caung da" ra" gu: wa shao10 lho" ca" nae". – Yaung" ru ngaid ngaid , mayaung" ru ngaid ngaid dadau" atha" dadau: re magai: tha". Tha" nug: re shid'11 dau" geim" shao lho" ca" nae". – asang re magai: caung da" ru mashao malho" ra"12 gug' nyhug' ngaid: re – khin jaung pho" ci: qhu" mung: gai: ru magai: ru re qu" mung: khin jaung pho" phyid' to" gau ngaid: ca"13 nae". – Caung da" ra" yaug ai: gug' nyhug' re khyaid' she: yu nug: re azhao phyid' to" ra" gau jho mae ngo" bun mae" dabun re laung: byid: ca" nae".14 Byu dayaug yaug yao" yham re asang: tau: shao kyang" to" ngaid: re gai: ru magai: ru re cao" yang: khin jaung pho" gau jho15 phyid' ra" gau ngaid ca" nae". – Yham re shao kyang" ra" yaug khyaid' yu nug: re phyid' to" ra" gau we' ngo" bun dabun laung: byid: mung: yham re khyaid' yu ca" nae".16 Byu dayaug yaug yao: sang: ra" yo thaung: re asang: tau: mae" shao kyang" ngaid: re saung so myug: shi: sin" ru mae cao" yang: gau phyid' ca" nae". Saung so dathaug' pyid' sin" ra" yo re ngaui ngo" xe kye' (Shekhela) we' gau jho phyid' ca"17 nae". – Labo" maid poe mae" qhid mung: shao kyang" ngaid: re wa ai: gau phyid' zai18 ngaid: nae". – Labo" maid poe zin na lai thao yao" yo thaung: re shao kyang" ngaid: re wa thao: labo" maid poe zin na mae myhi sho' gyo: mae" zin na re khin jaung pho" nghe' qug: qu" mung: gau khyo" yang:19 phyid' ca" nae". – Yao: yao" yo thaung: re shao kyang" ra" yaug wa dam: khyaid' yu nug: re phyid' to" ra: gau khyo" azhao: mae" aphug' mae" ngo" bun dabun re laung: mung: yao" yo thaung: re dam: sang20 nae" ngaid: ra". – Mangaid: lao" makhyaid' yu nug lo: angaid: lao" getau: byu re aung" pye' ngaid: re wa thao re yo thaung: ai re magai: khyaid' yu lo: nae" ngaid: ra". –21 Labo" maid poe zin na joe" re yothaung: ai wa shaung: to" ru" ru asang: tau: shao lho" jo; ru mung: ai wa khin jaung pho" yo22 thaung: boe" nae" ngaid: ra". – Yao: sang: lo: ra" yo thaung: mangaid: . Vai: yu: ra" yo thaung: re asang: tau: mae" shao kyang"23 ru ngaid: re – khin jaung pho" wa labo" maid poe zin na joe" sho' ba na re nghe' qug: qu" mung: gau jho phyid' nae" ngaid: ra". Ce: ru wa asang: tau: shao lho" ra" zai ngaid: ra" ga: mung: ai: ba mae yao: gau jho24 phyid' byid: nae" ngaid: ra". – Labo" maid poe zin na joe" lao", yothaung: re sao qhid' aung: byid' ra" yo thaung: sang dam: sang:25 yu zai ngaid nae". – Gau jho phyid' khao: ngo" pa" caung: yham: ngaui (Shekhela) re cao" yang: gau to: ca" nae", ngaui dakye' (Shekhela) wa Gera: shid' xe ngaid: ra".26 asang sang ang: ra" gug' nyhug' au: khaui: qhid' re khag' yang shao kyang" maca". Nung: jaung ngaid qere: , yao caid' be, ngaid qere: asang: dai kham ngaid:27 ra". – Mashao lho" ra" gug' nyhug' ngaid: re gau jho phyid' to" ru we' dakhyo: ngo" bun dabun laung: byid: mung: khyaid' ca" nae". Makhyaid' yu nug lo: ngaid: re gau phyid' to" ru we' dakhyo: aung" pye' ca" nae".28 Ngaid qere: asang re jham tang: mung: qhaug' to: va" byu , gug' nyhug' , yo thaung: ru" ra" pe" ja: ngaid qere: magai: aung: , magai: khyaid' yu lo: . Ai re" ru: qhaug' to: va" ja: alhab' wa asang: tau:29 shao lho" thao" ru ngaid: ra". – Byu re re: jham tang: mung: so' ngaui" va" ru re thao re madam: gai: khyaid' yu lo: nae". Se' pye' ca" nae" ngaid: ra".30 Gaug ngaid ngaid , shi: ngaid ngaid myid gaung mae" zaui" mhang" li" ra" gaug shi: maui: shi: xe bam mae" dabam wa31 asang: tau: shao lho" ru ngaid: ra". – Xe bam dabam re khyaid' she: yu nug: re ai: gau jho mae ngo" bun dabun ke' laung:32 yang: khyaid' yu ca" nae". – Nung: jaung ngaid ngaid , yao caid' be, . ngaid ngaid vo: se: gyid' khyo" lai: ra" gug' nyhug' alhab' xe bam mae" dabam wa asang: tau: shao lho"33 ru ngaid: ra". – Yaung" lho" ra" mayaung" lho" ein: ru re gai: ca nae" mangaid: dadau" tau: dadau: gai: tha" nae" mangaid: , tha" nug: ngaid: re shid' dau" geim" shao lho" ca". Gai gai: yao: magai: khyaid' yu lo: nae" ga: mho: ra".34 Ce jham wa Israel amyu" zo: qe: tau: mae" Sina, bam dao mae Moshe re asang ta" to: byid' ra" khang" dao: jham ngaid: ra".