1 Ana" Arun" yao: zo: Nadab' we' Abihu: tao wa yao: yao: we' tin" ra" myi: bo" lang" re yu mung: Lo:bain: kai: myi: te' bin lao" asang: qhid' kheim: khyo asang khang" to" ra" myi: mangaid: lo: getau: myi" yang asang: qhid' kheim: caung da" ko" ra". –2 Ailao" asang mae" myi: thug' gyo" li" mung: yao: tao re nga" yang: yao: tao wa asang: myo, nho mae shid: ru qhug' ko"3 ra". – Ailao" Moshe wa Arun: re khai: yu mung: asang wa Ngo wa shao gyang" ru ngaid: ra" khyo re Ngo jhao" qui" te' li" mo, ba geshao: , byu alhab' mo, qhid' kheim: mae Ngo phung bao nga: qo" nae" ngaid: ga: asang ta" ru ceru" ru re la yang: ta" to" ru ngaid: ra" ga: mho: ra". Arun: wa sae za:4 tae" to" ra". – Ailao" Moshe wa Arun" yao: gain Ozela' yao: zo: Mishela' we' Elaza- phain: re khai: yu mung: li" geri: ni" shid' zo" mao: nhaung: tao: mao gaung re shao gyang" jo, qo mae" vo yae khyo she: thug'5 pye' ge, ga: ta" ru we' dakhyo: , – Yao: tao wa li" mung: bau: qhang ve; ci: ra" mao gaung re vo yae khyo she: thug' pye' ko"6 ra". – Moshe wa Arun: we' yao: zo: Eliaza we' Ithama: tao re khai: yu mung: naon- haung" shid: ru maqhug' geshao: , ai: volo byu qe: dao mae asang nhag' gyid' ru joe" nae" ru re gaung yug mung: naonhaung" maug dakhyaid' ge, mai bau: re: dailao" caid' ge, naonhaung" mao: nhaung: Israel amyu" zo: qe alhab' asang myi: khyo" ngha" ra" mathao mae kaug' myain" qhu: thoe mung: na vegeshao: .7 Naonhaung" shid: ru maqhug' geshao: , seim zaung kham: dung: taung gaung khyo dathug' ge, asang gyain" to" ru naonhaung" au: dao mae jo; jo, ra". Yao: bam re: Moshe mho: ru we' dakhyo: cao" pyang" ko" ra".8 asang Arun: re nao we' ni" zo: myid:9 qe naonhaung" wa – shid: ru maqhug' nae" we' shao: ru mashao: ru , yaung" lho" ru we' mayaung" lho" ra" jham re ba:10 kho' khaui: nae" re: , – asang wa Moshe; nhaid' thoe mae" dakai" khang" dao: tarha" re Israel zo: myid: qe re ba: mho" shid'11 nae" tau: re: , – naonhaung" volo seim zaung khug khyo vao ye" ra" au: sabyi' qang: ru" ru yid nam re dashaug' ge, ai wa naonhaung" zo: qae: myid' xag' byu ngug xe qae: cao" nae" cao" khyao ngaid: ra" ga: mho: ra".12 Moshe wa Arun: we' dang shi" ra" yao: zo: Eliaza we' Ithama: bam re khai: yu mung: naonhaung" wa asang re myi" yang caung da" ra" gaug zo xeim: ci: tang" ra" gu: re main" we' mangaid: lo: za: phain nhae mae zo: ge, . Ai wa shao gyang" thao"13 ru ngaid: ra". – Dang: ra" gu: wa asang re myi" yang caung da" ra" khug mae" nao we' ni" zo: qe qo" yu ang: ra" gae bam ngaid mung: shao gyang" ra" jo, qo mae zo: ca" genae" ga: asang ngo re khang" to" ru14 ngaid: . – Vo; pyao" ra" qao gao , vo; lhaui" ra" paung sin re kam" wa nao we' daga" ni" zo: tao ho' wa shao gyang" ra" jo, qo mae zo: ca" genae". Israel zo: qe caung da" gaug zo xeim: khug mae" nao we' ni" zo: dau qe15 khae: yu nae" tau: ngaid: ra". – Myi" yang phaid' ngaui" ra" xeim: dau" xau kug' we' daga" vo; lhaui" ra" paung sin vo; pyao" ra" qao gao re asang: qhid' kheim: mae vo; pyao" mung: vo; pyao" xeim: kaid' nae" tau: ci: li" gemung: asang khang" to" ru we' dakhyo: nao we' ni" zo: qe wa yao: yao" tau: yu ca" genae". Ai re" ru: asang mho: to: va" ga: mho: ra".16 Ana" Moshe wa qobo khyaid' xeim: kaid' nae" caid' be, re cao" qho ngaid qere: mamyao , phaid' ngaui" pye' vegenhaung. Airu: mung: yao: wa dang: na shi: ko" ra" Arun" yao: zo: Eliaza we' Ithama: tao re17 nhag' yo: yang: mho: ru wa – qobo khyaid' xeim: sho: gyai shao lho" ru ngaid: naon- haung" volo byu qe: qobo vin byid: mung: asang: qhid' kheim: mae yao: bam: tau: qobo khyaid' byid: nae" angaid: ai: xeim: sho: naonhaung" o: byid ko" ru pe" mung: shao gyang" ra" jo, qo mae mazo: ko" i"? –18 Ai: sa: re re: shao gyang" jo, qo khyo maci: vao ko" i"? Ngo mho: to" ru we' dakhyo: xeim: sho: re shao gyang" jo, qo mae zo:19 ca" ein: mho lao" , – ailao" Arun: wa ana" ne, yao: tao wa byu myo: sho' tau: qobo khyaid' xeim: re phaid' ngaui" veko". Ngo mae airu" ra" mau" qhug' nae" mae ana" ba ai: xeim: sho: bo: zo" re asang o ngaui nae"20 mangaid: ga: Moshe re mho: ra". – Moshe ai: dao: re the' gyo: lao" sae za: na: pye' ra".