1 Dam: dalhang asang Moshe re mho:2 ru wa – Byu dayaug yaug wa byin cao: pho" li" zam: nhao: ra" zai yo mangaid: lao" li" ngha: to" ra" zai yo re vhain" yu ngaid qere: , su: zai yo re lhaid' yu: ru , yao: we'3 tin" ra" byin cao: re mhug' pyag' ru – Byin cao" zai byaug: re the' myao: au: vhain" zo: nug mung: madang mamain: jham kai" ru ai re" ru: zaui: so" shaid' ra" qobo daja: ja: kaid' mung: asang re zai" shaid'4 lao", – Ai: yaug wa zai" shaid' mung: qobo qo" ra" mathao mae lhaid' yu: ra" zai yo ,5 byaug: jo; ru qhug' ra" zai yo , – Madang mamain" ru jham kai: mung: qo" ra" zai yo , aphug' jham we' daga" ngo" bun mae" dabun re ke' laung: mung: qobo khyaid' xeim: qhaug' ngaui" ra" ba mae zai sang re6 yug: khyug' ca" nae". – Airu: mung: byu ai: yaug wa qobo khyaid' nae" xeim: gaung re gau phyid' yang: gyo" ang: ra" gu: we' qobo khyaid' xeim: dau: ga" ra" no malo" ra" yao lo: re asang qhid' kheim: khyo khin jaung7 pho" jhao" ci: li" ca" nae". – Khin jaung pho" re: yao" tau: asang: qhid' kheim: mae qobo khyaid' xeim: ngaui" byid: lao" ai: yaug zai" shaid' ra" qobo alhab' khyaid' pye' byid' ru qhug' nae".8 asang Moshe re dam: mho: ru wa , nao wa Arun: we' yao: zo: qe re dam: ta" kyo: nae" ra" phaid' ngaui" nae" tarha"9 wa – xeim: dau: re xeim: ngaui" phain dao myi: khyeim" mae damyi geim" mug: bo" joe" sho' kai" to: mung: phain dao mae"10 myi: mashid lo: nga" na ca" nae", – Khin jaung pho" wa pin: bau: we' pin: lho: ve, yang: phain dao mae" myiqe, sham" yu11 mung: phain nhae mae to" to: nae". – Mai bau: dam: tha" ve, mung: ai: myiqe, re vo yae mae gyao: gyao: mung: ra" jo, qo khyo12 ci: ye: ca" nae". – Xeim: phain mae myi: mashid lo: nga" na ca" nae". Khin jaung pho" wa ne, seim khao: ngo" thao: ngha" mung: ai: dao mae phaid' ngaui" xeim: re kai" to: ca" nae". Ai: phain dao mae re: zam" khug xeim: xau kug' re ngha" ca"13 nae". – Ngaui" phain mae" myi: wa mayao: shid: lo: de; nga" na ca" nae".14 Gaug zo xeim: qhaug' ngaui" nae" akhyo wa Arun" yao: zo: qe wa ai: ngaui" xeim: re asang: qhid' kheim: phain: qhid'15 au: mae kug' ngaui" ra" au: , – Gaug zo xeim: cinmain" nhug phaui: dazhab', xau daqhae: , Lo:bain: alhab' re yu mung: asang re nae ham" nae" tau: phain mae16 ngha" ca" nae". – Dang shi" ra" gu: re Arun: we' yao: zo: qe wa pa" caung: seim zaung vang" khug mae shao gyang" ra" jo, qo mae main" make' lo: zo: nae" ngaid ko"17 ra". – Cinmain" mae main" phyu: yang: magai: kaid' nae". Ngo re myi" yang phaid' ngaui" ra" khug mae" ai: cinmain" re yao: bam: tau: ngaid nae" Ngo byid: va". Qobo khyaid' xeim: , zai" shaid' qobo khyaid' xeim: re" ru: gyai shao gyang" ru ngaid: . –18 asang myi" yang phaid' ngaui" ra" li wa naonhaung" zo" qae: myid' xag' byu ngug xe qae: cao" nae" cao" khyao boe" na nae" ngaid mung: Arun" yao: zo: qe alhab' gai: zo: shaug' genae". Ai re zaui: so" ra" mo, alhab' shao lho" mo, ngaid ca" nae" ga: mho: ra".19 asang wa Moshe re dam: mho: ru wa –20 Arun: we' yao: zo: wa xau gyain: khae: yu: ra" ba mae" qhid mung: malam: lai: kug' ngaui" xeim: poe" na nae" ru wa cinmain" nhug dabye: re ne, seim agaung: damyo" myi" thao agaung: damyo" kug' ngaui" na21 ca" genae". – Ai: cinmain" nhug re xau ke' mung: ug' the" mae te' yu mung: khyoe' phai" yang: gaug zo xeim: aje, amain" jham re asang sheim nae pyo: nae" tau: qhaug' ngaui" byid: ca" nae".22 Arun" aya: mae xau gyain: khae: yu: ra" yaug re: , ai: qhaug' ngaui" xeim: re kaid' cao" ca" nae". asang: tau: malam: lai:23 lo" ra" cao" khyao ngaid: ra". – Khin jaung pho" tau: qhaug' ra" cinmain" ngaid: re ; alhab' ngha" ca" nae". Gai: zo: shaug' nae" mangaid: ga: mho: ra".24 Dam: asang wa Moshe re mho: ru25 wa – nao Arun: we' yao: zo: qe re ta" kyo: nae" qobo khyaid' xeim: ngaui" li cao" khyao ga" ru wa phaid' ngaui" xeim: dau: lhaung" se' ra" jo, qo, asang: qhid' kheim: mae qobo khyaid' xeim: dau: re se'ca" nae".26 Ai wa gyai shao gyang" ra". – Qobo khyaid' nae" tau: kug' ngaui" byid'ra" khin jaung pho" wa volo pa" caung: seim zaung vang" khug mae" shao gyang" ra" jo, qo mae zo:27 ca" nae". – Ai: xeim: sho: re the' tin" ru pe" ngaid qere: shao lho" ru ngaid nae". Sa: the' zai" sheim" ra" mae bau: jham re shao28 gyang" ra" jo, qo mae cid' ca" nae". – Ai: xeim: sho: re kyug' ra" myid zhai: ug' re be; kho' pye' ca". Gyid: ug' ngaid lao" wa29 mhain" cid' khyo" pye' ca" nae". – Khin jaung qe mae" yaug gai alhab' wa ai re gai: zo: genae". Ai wa shao lho" thao" ru ngaid:30 ra". – Ai: shao gyang" ra" jo, qo mae qobo khyaid' nae" tau: volo seim zaung khug khyo ci: vao: ra" xeim: sho: jham gai: zo: nae" mangaid: . Myi: ngha" pye' ca" nae".