1 Dam: dalhang asang Moshe re mho: ru2 wa, – nao wa Arun: we' yao: zo: qe: mai bau: , gyain: nae" xau , qobo khyaid' nae" nung: jaung lo: , yao lo: shid' dau: , main" mabo: cin" main" danaui" zo: yu mung: , –3 volo ham jao: seim zaung jao: kheim: mae volo byu alhab' re khai: zhang" phaung nhao wa, ga: Moshe re mho: ru we'4 dakhyo: , – ailao" Moshe wa asang yao: re mho: ru we' dakhyo: kaid' mung: volo byu alhab' re: volo ham jao: seim zaung jao:5 kheim: mae zang" ham ko" ra". – Amung: Moshe wa ceru wa naonhaung" kaid' cao" nae" asang khyo" to" ra" akhyo ngaid: ra" ga: mho yang: ,6 Moshe wa asang: mho: to" ru we' dakhyo: Arun: we' yao: zo: qe re khai: jhui" li" mung: gaung cid' nhao yang: , –7 Arun: re bau: vhe' mung: phyid' cui: cui: byid' ra". Bau: qhang we' kayhoe" bau: re re: vhe' mung: gekai: lai: ka: yhoe" phyid'8 cui: re re: cui: nhao: ra". – Qao nghoe' re re: yao: te' nghoe' byid: mung: qao nghoe' mae U-rim: we' Thumim: bo: ke' to: byid'9 ra". – Yao" au: mae au: thab' thab' byid: mung: shao gyang" ra" hhang pye: re qhid' kheim: shaid' mae te' byid' ra".10 asang mho: to" ru we' dakhyo: Moshe gyaid nae" xau re yu mung: seim zaung we' seim zaung: zai yo jham re xau gyaid yang:11 shao kyang" ra". – Ai: xau re phain dao mae nhaid' lhang pyi" sheim: mung: xeim: phain: zai khug' alhab' re re: thaung: lhao: we' thaung: lhao: zhaung: ra" zang khyid mae re: shao lho" nae" tau: xau cao" gyaid:12 ra". – Gyaid: ra" xau re Arun" au: mae vhe' sheim: mung: yao: re shao lao" veshao: ga:13 xau gyaid byid' ra". – Arun" yao: zo: qe re re: bau: ve, nhao mung: phyid' cui: cui: nhao yang: maug re zhaung: nhao: ra".14 asang mho: to" ru we' dakhyo: qobo khyaid' xeim: nung: jaung lo: dadau: ci: li" mung: Arun: we' yao: zo: qe nung: jaung: au: dao mae yao: bam: lo, kai: ko" ra". –15 Nung: jaung re se' mung: Moshe wa xeim: ngaui" phain lhang" gam: khyug jham mae sa: re lo, nyhug' yang yu: ke' yang: xeim: ngaui" phain re shao kyang" pye' bin lao" dang: ra" sa: re phain zang qao: mae vhe' khyo" mung: ai: phain dao mae qobo khyaid' ru kaid' nae" khyo" kyang"16 shao: ra". – Au mae" xau kug' alhab' sang: mae de; ra" sho: myhain , jang: sho: shid' thaung: noce' we' noce' mae de; ra" xau re yu mung: phain dao mae ngha" ra". –17 Sho: , we' sho: qid khyid' we' daga" nung: jaung dau: geim" vo yae mae ngha" pye' ra".18 asang mho: to: ru we' dakhyo: phaid' ngaui" xeim: yao lo: she: yu mung: Arun: we' yao: zo: qe wa yao au: dao mae yao:19 bam: lo, kai: ko" ra". – Ai: yao re se' mung: Moshe wa sa: re xeim: ngaui" phain mae20 lhang" gam: pyi" sheim" ra". – Yao re re: adau atam" je; phyid' mung: au: mae" ru sho: khyi" sho: paung jham we' xau kug'21 xau pau: re myi: ngha" pye' ra". – Aung khug mae bo: ra" gu: we' khyid jham re cid' shao mung: yao dagaung: geim" re phain dao mae myi: ngha" pye' ra". Sheim nae ham: nae" phaid' ngaui" xeim: ngaid: ra". Myi" yang asang re caung da" ra" xeim: ngaid: ra".22 asang mho: to" ru we' dakhyo: getau nyhang" to" ra" aya: dang: xeim: yao dadau: she: yu mung: Arun: we' yao: zo: qe wa yao au: dao mae yao: bam: lo, kai: ko"23 ra". – Ai: yao re se' mung: Moshe wa sa: re yu: yu mung: Arun" no: byin: mae re: , lo, yo lo, mo" cae: mae re: , lo, yo khyid mo"24 cae: mae re: gyaid: ra". – Arun" yao: zo: jham re re: khai: yu mung: yao: bam: lo, yo no: byin: , lo, yo lo, mo" cae: , lo, yo khyid mo" cae: jham mae sa: gyaid byid: bin lao" xeim: phain dao mae gam: sho' pyi" sheim"25 ra". – Xau kug', sho: myi: au kyid' xau pau: , sang: mae" shao: yu: ra" sho: myhain , jang: sho: shid' thaung: we' noce' we' noce' mae de; ra" xau jham lo, yo paung26 sin , – asang: qhid' kheim: mae to" to" ra" cinmain" naui" zo: mae" main" mabo: ra" cinmain" dayho' , xau we' kaid' ra" cinmain" dayho' , cinmain" kyaug' dacug' re yu mung: cinmain" jham re xau kug' we' lo, yo paung sin dao mae kai" to: yang: , –27 Arun" lo, we' yao: zo: qe: lo, mae vo; ci mung: asang: qhid' kheim: mae vo; pyao" xeim: kyao" vo; pyao" caung da" xeim:28 ngaid: ra". – Ai jham re yao: bam: lo, mae yu: yu mung: xeim: ngaui" phain dao mae phaid' ngaui" xeim: we' daga" ngha" pye' ra". Nae ham" ra" sheim nae bo mung: aya: dang: xeim: ngaid: ra". asang re myi" yang29 caung da" ra" xeim: ngaid: ra". – Ai: thao mae Moshe wa qao gao sho: re yu mung: asang: qhid' kheim: mae vo; pyao" yang: vo; pyao" xeim: caung da" ra". Aya: dang: yao qao gao wa Moshe tau: ngaid: ra".30 Dam: phain dao mae jo; ra" sa: we' gyaid nae" xau re yu mung: Arun: we' yao" mai bau: mae re: yao: zo: qe we' yao: bam: mai bau: mae re: pyi" sheim: yang: Arun: we' yao: zo: qe: mai bau: re kyang" shao byid' ra".31 Moshe wa Arun: we' yao: zo: qe re volo ham jao: seim zaung kham: dung: nhae mae ai: yao sho: re yhaung" ge, . asang wa Arun: we' yao: zo: jham zo: veshao: ga: ngo re mho: to" ru we' dakhyo: ai: sho: re re: , aya: dang: cinmain" naui" zo: mae bo: ra" cinmain" re re: ai: jo, qo32 mae zo: shaug' ge, . – Dang shi" ra" sho: we' cinmain" re myi: mae ngha" pye' ca"33 nae". – Naohaung" re aya: dang: byid' ra" ayo, nhaid' ba mabyang" re volo seim zaung taung gaung khyo magai: thug', nhaid' ba geim" aya: dang" ru re nga: yu ca"34 genae". – Ana" ne, kaid' ru re" ru: naon- haung" tau: qobo shao: ru re kaid' nae" tau:35 asang ta" to: va" ru ngaid: . – Airu: mung: naonhaung" shid: ru maqhug' vegeshao: ga: volo seim zaung kham: dung: nhae mae nhaid' ba geim" myi" na" na: na mung: asang: mau" re lhaug' zaung" ca" genae". Ai re" ru: ngo re asang mho: to: va" ga: ta"36 shid' kyo: mung: , – Moshe re asang mho: to" ru we' dakhyo: Arun: we' yao: zo: jham cao" pyang" ko" ra".