1 Byu dayaug yaug wa sagso: bo: kaid' yang: jham tang: byid' dao: re gyo: va" ru myao: ba va" ru re mata" yang: yao: qobo2 qo" ra". – Byu dayaug yaug wa gug' nyhug' shid: bab: jo; ru re ngaid qere: , mashao: ra" gug' nyhug' shid: jo; ru re ngaid ngaid anyain: avho" ra" yoe" qin" ja" agaung re ngaid ngaid mabeim: maso: ye: the' zao" thaung: yang: mashao magyang" ru mung:3 yao: qobo qo" ra". – Byu Sosu mae de; ra" anyain: avho" ru daja: ja: re the' zao" tin: mung: ai: re ba lao" yao: qobo qo" ra". –4 Dam: byu dayaug yaug wa ceru: kaid' nae" ga: yang: gai: ra" mau" magai: ra" mau" akhyo re gelho: mamyid: qu" lo: jham bo: tang" ru we' dao: so: bo: to: mung: ai: ru re thao mae dam: beim: so: lao" ai re" ru: jham tang: dao: so: bo: to" ru mae shaid' ru5 bo: ngaid: re yao: qobo qo" ra". – Ai re" ru: qobo daja: ja: bo: ngaid: re ai: qobo re mho'6 bain: ca" nae". – Zai" shaid' ra" qobo: tau: qobo khyaid' xeim: kaid' nae", yao nau" ngaid ngaid caid be, nau" ngaid ngaid amo" dadau: ci: li" mung: asang: qhid' kheim: mae qobo khyaid' xeim: qhaug' byid: ca". Ai re khin jaung pho" wa ai: yaug: tau: qobo khyaid' ru re kaid' byid: ca" nae".7 Yao nau" maqo" ngaid: re ai: shaid' ra" qobo khyaid' nae" xeim: dadau: , phaid' ngaui" nae" dadau: , jid: au shid' dau: , mangaid: lao" phaung" kyug' shid' dau: asang: qhid' kheim: khin jaung pho" jhao"8 ci: li"ca". – Khin jaung pho" wa qobo khyaid' xeim: re sao qhid' xeim: deim" yang: lang zang: nag: phyid' ca" nae". Gaung re wa magai: kho' nae" ngaid: . –9 Ai: qobo khyaid' xeim: dau" sa: re phain khin qae mae pyi" sheim: mung: dang shi" ra" sa: re phain qao: mae zhin: khyo" ca" nae". Ai wa qobo khyaid' xeim: ngaid: li"10 nae". – Shid' dau: ein: ra" dau: re khang" tarha" we' dakhyo: phaid' ngaui" ca" nae". Ai re" ru: khin jaung pho" wa ai: yaug zai" shaid' qobo tau: qobo khyaid' mau" kaid' byid: lao" yao" qobo loe, nae" ngaid: ra".11 Jid: au, mangaid: lao" phaung" kyug' nau" shid' dau: re: maqo" ngaid: re shaid' nghung" ra" yaug wa yao" qobo khyaid' nae" tau: cinmain" phaui: nhug dabye: ci: li" mung: qhaug' byid: ca". Qobo khyaid' xeim: ngaid: ra" mathao mae xau re:12 Lo:bain: re: gai: ke' nae" mangaid: . – Ai re khin jaung pho" jhao" ci: ye: yang: khin jaung pho" wa ngaui" nae" gu: zhab' yu mung: asang: qhid' mae" ngaui" xeim: we' daga" phain dao mae ngha" ngaui" nae" ngaid: ra" qobo khyaid' xeim: boe" va". –13 Ceru" ru daja: ja: mae the' zai" shaid' ngaid: re zai" shaid' ra" yaug: tau: khin jaung pho" wa qobo khyaid' xeim: ngaui" byid: lao" ai: yaug qobo mae" loe, nae". Dang shi" ra" gaug zo xeim: wa khin jaung: tau: ngaid veshao: ga: Moshe re pin: to" ra".14 Dam: dalhang asang Moshe re dam:15 mho: ru wa, – Byu dayaug yaug wa asang we' tin" ra" shao gyang" khyo re mabeim: maso: the' zai" shaid' re ai: zai" shaid' qobo: tau: nyang vang" xeim: kaid' nae" shao gyang" ra" jo, qo mae ngaui lag: ra" jao khyo" gau phyid' mung: no malo" ra" yao lo: asang: qhid' kheim: khyo ci: ye: ca"16 nae". – Ai re" ru: asang we' tin" ra" zai yo mae zai" shaid' ru re dam: nyhang" nyang bin lao" ai: zai" shaid' ru ngo" bun mae" dabun re khin jaung pho" re qhaug' byid: ca" nae". Khin jaung pho" re: zai" shaid' qobo khyaid' xeim: yao dau" yang ai: yaug: tau: qobo khyaid' xeim: ngaui" byid: lao" yao: qobo mae" loe, zai ngaid: .17 Byu dayaug yaug wa asang tam" kyo" to" ra" mau" da ja: ja: kaid' shaid' mung: yao: kaid' shaid' va" ru re maba ngaid yang: re: ca" qo va" ru mung: ai: qobo qo" va"18 ru ngaid: ra". – Airu: mung: zai" shaid' qobo: xeim: ngaui" byid: nae" tau: gyo" ang: ra" gu: we' no malo" ra" yao lo: ci: li" zai ngaid nae". Mabeim: maso: zai" shaid' ru ngaid qere: khin jaung pho" wa nyang vang" xeim: ngaui" byid: lao" ai: yaug qobo khyaid' pye' byid' ru qhug' nae" ngaid: . –19 Ai wa qobo khyaid' xeim: ngaid: ra". Gai gai: yao: dang dang ai: yaug wa asang re zai" shaid' ru ngaid nae" ga: mho: ra".