Kug' Ngaui"-4

(SHAO GYANG" JHAM: PAUG' )

切换到福音影视网-新版圣经

  • 1 Ana" asang wa Moshe re, nao Israel zo: myid: qere ceru: ein: ta" kyo: wa, . –
  • 2 asang: khang" dao: re maba mabeim: lhoe" lai: shaid' mung: makaid' gai: ru the' kaid'
  • 3 shaid' ra" khyo wa , – Xau gyain: khae: yu va" khin jaung wa volo byu qe qobo qo" sho' shaid' nghung" nhao: ru we' yao: yao: re: zai" shaid' ngaid: re ai: qobo: tau: qobo khyaid' xeim: no malo" ra" nung: jaung lo: abau: dadau: re seim zaung jao: kheim: asang: qhid' kheim: khyo ci: ye:
  • 4 mung: , – asang re qhaug' byid: ca". Ai: au: nung: jaung: au dao mae yao" lo, re kai: mung: asang: qhid' kheim: mae nung:
  • 5 jaung re se'ca" nae". – Xau gyain: khae: yu va" khin jaung pho" wa nung: jaung: sa: re yu mung: seim zaung khyo ci ye:
  • 6 yang: , – ai: sa: mae khin jaung pho" wa yao" lo, nyhug' thug' jam: yu mung: shao gyang" kug qe, qe, kyo nhae asang: qhid' kheim: mae nhaid' lhang pyi" sheim: ca"
  • 7 nae". – Aimung: khin jaung pho" wa pa" caung: seim zaung akhug sheim nae pyo" ru ngha" ra" phain khyug jham mae nung: jaung sa: re ke' mung: ke' tang" ra" sa: re seim zaung kham: dung: nhae mae jo; ra" phaid' ngaui" phain qao: mae vhe' khyo"
  • 8 ca" nae". – Zam" khug xeim: dau: re kaid' re re" ru: am phae: xau kug' we' au kyid'
  • 9 xau alhab', – Phyid' dam: akhug mae" jang sho: shid' thaung: we' xau pau: , noce' we' noce' mae de; xau we' daga" sho: myhain xau alhab' re yu mung: phain dao mae
  • 10 ngha" nae" ngaid: ra". – Nung: jaung au: ,
  • 11 khyid sang: au – Khyid' we' daga" sho:
  • 12 qid sho: alhab', – Nung: jaung dagaung: geim" re vo yae mae myiqe, vhe' khyo" nae" jo, qo khyo yu: ye: mung: thao: bam dao mae myi: ngha" ca" nae" . Myiqe, vhe' khyo" ra" jo, qo mae ngha" pye' ca".
  • 13 Israel amyu" volo byu jham wa maba, mabeim: , maso: lo: asang: khang" dao: tarha" re shaid' lhoe" mung: magai: kaid'
  • 14 ja: kaid' shaid' re, – Ai re" ru: zaui" shaid' kaid' shaid' ru re ba lao" volo byu qe wa ai: qobo: tau: zin na ngai: ra" nung: jaung lo: re pa" caung: seim zaung khyo she: li"
  • 15 mung: qhaug' byid: ca" nae". – Volo mo, phaung mae" kao qi" ra" yaug wa asang: qhid' kheim: mae yao" lo, nung: jaung: au:
  • 16 dao mae kai: mung: , – Ai: nung: jaung re asang: qhid' kheim: mae se'genae" ngaid: ra". Xau gyain: khae: yu va" khin jaung pho" wa nung: jaung: sa: re pa" caung:
  • 17 seim zaung khyo yu: ye: mung: , – Yao" lo, nyhug' sa: mae thug' jam mung: qe, kyo nhae asang: qhid' kheim: mae nhaid' lhang
  • 18 pyi" sheim: ca" nae". – Ai: thao khin jaung pho" wa seim zaung qe, khug asang: qhid' kheim: mae jo; ra" phain: khyug jham mae sa: re ke' mung: dang shi" ra" sa: re seim zaung kham: dung: nhae mae ngha" ngaui" phain qao: mae vhe' khyo" nae" ngaid:
  • 19 ra". – Xau thaung: xau khai" jham alhab' re yu mung: phain dao mae ngha" nae"
  • 20 ngaid: ra". – Qobo khyaid' xeim: kaid' ra" nung: jaung re kaid' ru re" ru: kaid' nae". Ai re" ru: yao: bam: tau: khin jaung pho" wa byu myo: sho' mo; qobo khyaid' mau" re kaid' lao" yao" qobo re: lhoe' qhug' nae". –
  • 21 Ai: thao nung: jaung re vo yae khyo she: ye: mung: azhao: mae" nung: jaung re ru: ngha" nae" ngaid: ra". Volo byu qe: tau: qobo khyaid' xeim: ngaid: ra".
  • 22 Jhaung zug: re: mabeim: maso: yao" Mo"so: khang" dao: re shaid' nghung: mung: magai: kaid' ra" mau" the' kaid'
  • 23 shaid' ru: yang qobo qo" re , – Yao: yao: zai" shaid' ra" qobo re ba beim" ra" au: , no malo" ra" caid' be, nau" re xeim: kaid'
  • 24 zai ci: li" ca" nae". – Caid' be; au: dao mae yao" lo, kai: mung: asang: qhid' kheim:mae phaid' ngaui" xeim: dau: re se' ra" jo, qo mae se' ca". Ai wa qobo khyaid'
  • 25 xeim: ngaid: ra". – Khin jaung pho" wa ai: qobo khyaid' xeim" sa: re lo, au" yang xu: yu mung: ngha" ngaui" phain: khyug jham mae ke' bin yang: dang shi" ra" sa: re ai: phain qao: mae vhe' khyo" zai ngaid
  • 26 nae". – Zam" khug xeim: dau" xau kug' xau pau: jham re kaid' byid: lao" yao" qobo lhoe' qhug' li" nae".
  • 27 Sho: jhin: ra" byu dayaug yaug wa asang: tarha" re maba mabeim: mung: magai: zaui: magai: kaid' ra" mau" re kaid'
  • 28 yang: qobo qo" ngaid: re , – Yao: yao: zai" shaid'ra" qobo mau" re ba beim" ra" au: qobo khyaid' xeim: no malo" ra" caid' be,
  • 29 mo" nau" re ci: li" ca" nae". – Qobo khyaid' xeim: ngaid: ra" caid' be, nau" au: dao mae yao" lo, kai: mung: ngha" ngaui" nae" xeim: dau: se' jo, qo mae ai: caid' be, se' ca". –
  • 30 Khin jaung pho" wa sa: re lo, nyhug' yang xu: yu mung: phaid' ngaui" phain: khyug jham mae ke' bin lao" dang: ra" sa: re phain qao: mae vhe' khyo" zai ngaid nae". –
  • 31 Zam" khug xeim: dau: mae" xau kug' xau pau: jham re yu: yu: ru re" ru: xau alhab' re yu mung: asang re sheim nae: ham" hab' nae" tau: phain dao mae ngha" ca" nae". Ai re" ru: khin jaung pho" wa ai: yaug: tau: qobo khyaid' mau" re kaid' byid: lao" yao" qobo lhoe' ru qhug' nae".
  • 32 Yao nau" re qobo khyaid' xeim: kaid' nug: re no malo" ra" amo" re ci: li" ca". –
  • 33 Ai: qobo khyaid' xeim: kaid' nug: ra" yao nau" au: dao yao" lo, kai: mung: phaid' ngaui" xeim: dau: se' ra" jo, qo mae qobo khyaid' xeim: boe" nae" tau: se' ca" nae". –
  • 34 Khin jaung pho" wa ai: xeim: dau: mae" sa: re lo, au" yang xu: yu mung: phaid' ngaui" phain: khyug jham mae ke' bin lao" pyi" sheim" ra" sa: re phain qao: mae vhe' khyo"
  • 35 ca" nae". – Zam" khug xeim: dau: yao nau" xau kug' re kaid' ru re" ru: xau kug' xau pau: alhab' re yu mung: asang re myi" yang ngaui" ra" xeim: we' daga" phain dao mae ngha" ca" nae". Aire" ru: khin jaung pho" wa ai: yaug zai" shaid' ra" qobo: tau: qobo khyaid' xeim: ngaui" mau" zaui: byid: lao" qobo loe, nae".
回到本卷目录 回到本版本目录 回到首页