1
asang Moshe we' Arun: re dam: mho:2
ru wa. – ni" shid' nhae Israel zo: myid: qe re ta" kyo: nae" ru wa fag' yug: thug' mau byin: qo" ra" yaug gai wa mashao3
lho". – Khyao za: yug: na: ru ngaid ngaid , dalhang daqo: yug: ru ngaid ngaid ai: yaug4
wa mashao lho". – Fag' khyao za: yug: na: ru ngaid ngaid , ai: yaug mashao lho"5
ein: ta" nae" ngaid: ra". – Yao" yab qo re: mashao lho" boe" ra". Yao: zaung: ra" jo, qo khao: ngo" re: mashao lho" lo: ngaid:6
ra". – Ai: yaug wa yao" mai bau: zab: cid' pye' mung: gaung cid' ca" nae". Ai: yaug7
wa myi" thao joe" sho' mashao lo: . – Yao" gaung re the' zao" tin" ra" yaug re: mai bau: zab: cid' mung: gaung cid' shao ca" nae". Ai: yaug wa myi" thao joe" sho' mashao8
lho" lo: . – Yao" khota: re the' zao" ra" yaug wa mai bau: zab: cid' mung: gaung cid' ca" nae". Ai: yaug wa myi" thao joe" sho'9
mashao lho" lo: . – Fag' yug yaug jui" ra" ja:10
ngaid qere: mashao lo: . – Yao" agyid' mae jo; ra" zai re the' zao tin" ra" yaug wa myi" thao: joe" sho' mashao lo: ngaid: ra". Yao" mai bau: cid' pye' mung: gaung re: cid' ca" nae". Ai: yaug wa myi" thao: ayo, joe" sho'11
mashao lo: . – Fag' thug' ra" yaug wa lo, macid' pye' lo: su re lo; yang yethe' zao" re ai: yaug wa yao" mai bau: re cid' mung: gaung cid' ca". Ai: yaug wa myi" thao: ayo,12
joe" sho' mashao lho" lo: . – Fag' yug mau byin: qo" ra" yaug the' tin" ra" myid zhai: ug' khug' jham ngaid: re be; kho' pye' ca". Sag' yang kaid' ra" zai khug' jham re13
qid: yang cid' shao: pye' ca". – Fag' thug' ra" yaug wa gai: byaug lao" gai: lo: ra" ba mae" qhid mung: nhaid' ba lai lao" yao" ve, mai bau: cid' sain mung: yug: na: ra" qid gyaung: mae gaung cid' yang: shao lho" zai ngaid: .14
She' ba ein: ba mae re: jid: au shid' dau: mangaid: lao" phaung" kyug' nau" shid' dau: ngaid ngaid daja: ja: re asang: qhid' kheim: volo seim zaung khyo ci: li" mung: khin jaung pho" re li" qhaug' byid: ca"15
nae". – Khin jaung pho" wa qobo khyaid' xeim: dadau: phaid' ngaui" nae" xeim: dadau: re caung da" mung: Fag' yug: ra" yaug: tau: asang: qhid' kheim: mae qobo khyaid' ru re kaid' byid: ca" nae".16
Yaug gai: ashug' thug' lhau" ngaid: re gaung cid' ca". Ai: yaug wa myi" thao: ayo, joe" sho' mashao malho" ngaid nae". –17
Ashug' the' zao" ra" mai bau: we' shoqid: yang kaid' ra" zai tung: zai tid alhab' cid' shao ca". Ai wa myi" thao: ayo, joe" sho'18
mashao malho" boe" ra". – Yaug gai wa myiqe: we' gaung sho: zam" lao" shid' yaug: geim" gaung cid' pye' ca". Ai wa myi" thao: ayo; joe" sho' mashao malho" boe" ra".19
Myiqe: wa mai ci lao" nhaid' ba lam: lam: mashao: ra" jo, qo mae na ca". Yao: re the' tin" ra" yaug wa myi" thao joe" sho'20
mashao malho" boe" ra". – Mai ci: ra" au: mashao malho" ngaid mung: yab jao: zaung21
jao: alhab' mashao malho" boe" ra". – Ai: yaug: yab qo zaung: jo, qo re the' zao" tin:22
yaug – yao" mai bau: re cid' shao mung: gaung cid' ca", ai wa myi" thao joe" sho'23
mashao malho" boe" ra". – Yao" na jao: , zaung: jao: zai" lhag' to" ru mae the' zao" tin" ra" yaug wa myi" thao joe" sho, .'24
mashao malho" boe" nae". – Mai ci: ra" myiqe: we' gaung sho: zam" khug: ra" yaug wa nhaid' ba lam: lam: mashao lho", yab jao: alhab' re: mashao malho" boe" nae".25
Mashao malho" ra" mai ci: ayo, lai qere: sa: sheim: ru mathang re wa sa: sheim: gai sho' mai ci: ra" ayo, re" ru: mashao malho"26
boe" ra". – Sa: sheim no , magai gai wa yao" yab qo wa mai ci: ra" ayo, khin: mae" yab qo re" ru: zaung: ra" jo, qo re: mashao27
malho" ngaid: ra". – Ai jham re the' tin: ra" yaug re: mashao lho" lo" ra" mathao yao" mai bau: cid' zab mung: gaung cid' ca" nae". Ai re: myi" thao joe" sho' mashao28
malho" boe" ra". – Ai: myiqe: sa: sheim gai mung: nhaid' ba lai lao" za: shao lho"29
nae". – She' ba ein: ba mae jid: au shid' dau: ngaid: ngaid: phaung" kyug' nau" shid' dau: ngaid ngaid daja: ja: re volo seim zaung jao: kheim: khin jaung pho" jhao" ci:30
ye: ca" nae". – Khin jaung pho" wa qobo khyaid' nae" tau: dadau: , phaid' ngaui" xeim: kaid' nae" dadau: re caung da" mung: mai ci yaug shao lho" nae" tau: asang: qhid' kheim: mae qobo khyaid' mau" re zaui: so: byid: ca".31
Ai re" ru: Israel amyu" qe wa yao: bam mae jo; ra" Nga" seim zaung re nyain: vho: nhao mung: yao: bam: mashao malho" ru mae" mashid genae" tau: yao: bam mashao malho" na: mae" shao lho" nhao ca" nae".32
Ce: ru wa fag' yug mau byin: qo" ra" yaug , ashug' thug' yang: nyain: vho" ra"33
yaug , mai ci: ra" myiqe: , – mai ci: ra" myiqe: we' gaung sho: zam" ra" yaug gai , myiqe: qe cao" pyang" nae" cao" khyao ngaid: ga: mho: ra".