1 Dam: dalhang asang wa Moshe we'2 Arun: re mho: ru wa – Byu: gaung mae apau" ajhui: boe" ngaid qere: , phain" jaid: ru ngaid ngaid ye, gyaid ve, lho ru" ru boe" ngaid: re ; ai yaug re Arun: jhao" mangaid: lao" yao: zo: khin jaung qe dayaug yaug3 jhao" khai: li" ca" nae". – Khin jaung pho" wa ai yaug: gaung sho: mae" dae re qu" ca byid: nae" ngaid: ra". Dae mae" sho: mug' phyu: ru we' dae no nhohab ngaid lao" wa ye, gyaid ngaid yang: ai: yaug re mashao lho" lo: ein: ta" phyid' zai ngaid:4 nae". – Yao" gaung sho: mae" dae phyu mung: dae khu no nhohab' mangaid: sho: mug' maphyu ngaid re , nhaid' ba byang"5 sho' tam" to: ca" nae". – Nhaid' ba ein: ba mae khin jaung pho" wa yao: re dam: ca: qu" mung: maje" li" mayeim: lo" ngaid: re nhaid' ba dam: tam" nha: to: ca". nae". –6 Nhaid' ba ein: ba mae dam: ca: qu" mung: sho: qid mae getau maje" li" lo: dae no, no, mung: ngaid lao" wa khin jaung pho" wa ai: yaug lho" va" ga: dao: phyid' byid: ca" nae". Ai: myaug: ru shao shao za: ngaid yang: yao" mai bau: cid' pye' mung: shao7 lho" zai ngaid nae". – Khin jaung pho" ca: qu" thao mae dae khu je" li" ngaid: re ai: yaug re khin jaung pho" re ye: dam: qhu"8 ca" nae". – Dae khu je" li" ru re myao lao" ai: yaug wa mashao lho" lo: ga: dao: phyid' byid: ca" nae". Ai wa ye, gyaid ngaid va".9 Ye, gyaid mau byin: boe" ra" yaug re khin jaung pho" jhao" khai: jhui" ye: ca"10 nae". – Khin jaung pho" wa ca byid: mung: sho:qid mae" apau" ajhui: we' daga" sho: mug' phyu: re re: , apau" mae sho: zau zau:11 re , – gaung sho: qid mae ye, gyaid dae khu axug' ngaid: ra". Ai: yaug wa mashao lho" lo: mung: tam" nha: to: magai: lo: yang: mashao lho" ra" byu khyo" na ca"12 va". – Ngaid qere: , ye, gyaid wa sho: qid dao mae je" li" mung: ye, gyaid de, yaug: gaung geim" au: mae" khyid vo: joe" sho' khin jaung pho" qu" mung: ye, gyaid je"13 byo: sin" re , – ai re" ru: dagaung: geim" mau byin: de; ra" yaug wa shao lho" ra" ga: khin jaung pho" myid: yu mung: tau" phyid' byid: ca" nae". Dagaung geim" phyu14 mung: shao lho" ra". – Mangaid: lao" sho:15 zau zau: re mashao lho". – Khin jaung pho" wa sho: zau zau: ru re ca: qu" mung: ai: yaug wa mashao lho: ga: tau" phyid' ca" nae". Sho: zau zau: ru wa mashao lho". Ye, gyaid mau byin: dang dang ngaid va". –16 Sho: zau ai dam: phyu: li" ngaid: re , khin jaung pho" re ye: dam: qhu" ca" nae". –17 Khin jaung pho" lham: ca: qu" mung: mau byin: dae dam: phyu: lo: ru re myao lao" , ai: mau byin: de, yaug shao lho" ra" ga: khin jaung pho" tau" phyid' yang: yao: wa shao lho" ra".18 Sho: qid mae byang to" mung: gai:19 byaug thao – ai: dae khu mae aphyu apau" ngaid ngaid , ne: ra" dae khu ngaid ngaid boe" ru re khin jaung pho" ca: qu"20 mung: , – ai re khin jaung pho" ca: qu" re sho: qid mae dae khu no, nhohab ngaid mung: shomug' phyu: re ai: yaug mashao lho" ga: tau" phyid ca" nae". Byang mae"21 boe" lo: li" ra" ye, gyaid ngaid: ra". – Khin jaung pho" qu" au: sho: mug' maphyu , sho: khug mae dae mano, lo: za: agai au: ru" ru ngaid: re wa ai: yaug re nhaid' ba22 tam" nha: to: ca" nae". – Sho: qid dao mae je" laung" li" re ai: yaug wa mashao lho" ga: khin jaung pho" tau" phyid' ca". Ai wa ye,23 gyaid yao: ngaid va". – Airu: mangaid: lao" dae khu za: ngaid mung: ai yaug wa shao lho" ra" ein: tau" phyid' ca" nae".24 Sho: shoqid mae myi: nga" dae khu bo mung: myi: nga" dae khu aphyu ane ngaid:25 re – Khin jaung pho" qu" qu" re dae khu sho: mug' phyu mung: sho: khug mae no vao nhohab ngaid: re myi: nga" dae mae" boe" ra" ye, gyaid ngaid: ra". Ai: yaug wa mashao lho" lo: ga: khin jaung pho" tau" phyid' ca" nae". Ai wa ye, gyaid ngaid va". –26 Khin jaung pho" qu" qu" au: dae mae sho: mug' phyu mayaug sho: khug makyao" vao no, no, mung: ngaid: re ai: yaug re nhaid'27 ba tam" nha: to: ca" nae". – Nhaid' ba lao" khin jaung pho" dam: ca: qu" mung: dae khu sho: qid mae je" li" re ai: yaug mashao lho" ga: tau" phyid' ca" nae". Ai wa ye,28 gyaid ngaid va". – Mangaid: lao" dae khu maqui: maje: no, no, mung: za: ngaid: re myi: nga" pau" ngaid nae". Ai: yaug re khin jaung pho" wa shao lho" ra" ga: tau" phyid' ca" nae". Ai wa myi: nga" dae khu shao shao ngaid: ra".29 Yaug gai myiqe: ngaid qere: , au: mae ngaid ngaid , ae thao mae ngaid ngaid mau30 byin: dae bo: li" mung: , – khin jaung pho" qu" qu" au: sho: khug zaug: vao nhohab we' sho: mug' bo" bo" po: po: yaug: re ai: yaug mashao lho" lo: ga: khin jaung pho" tau" phyid' ca" nae". Au: mae ngaid , ae thao mae ngaid au: mhab ye, gyaid ngaid: ra". –31 Ai: mau byin: re khin jaung pho" qu" qu" ra" au: sho: khug zaug: vao nhohab mangaid: mug' no, re: mayaug ngaid: re ai: mau byin: de, yaug re khin jaung pho" wa nhaid' ba32 tam" nha: to: ca" nae". – Nhaid' ba: ne, mae khin jaung pho" dam: qu" ra" au: dae khu maje" li", mug' nhug re: mayaug sho:33 khug zaug: vao nhohab mamung re , – ai: yaug: shomug' re qaug ca" nae". Dae mae" sho: mug' re kam" maqaug ca". Nhaid' ba34 dam: tam" nha: to: ca" nae". – Nhaid' ba: ne, mae khin jaung pho" qu" qu" mung: sho: qid dao mae dae maje: je", sho: khug mazaug re wa ai: yaug shao lho" ra" ga: tau" phyid' ca" nae". Yao" mai bau: re cid'35 mung: shao lho" zai ngaid: ra". – Shao lho" thao mae au: mhab ye, gyaid dam: je" li"36 re – khin jaung pho" dam: qu" mung: dae je" li" ru dang: ngaid: re sho: mug' bo" re maqho ca" lo: ai: yaug mashao lho" lo: . –37 Ai: mau byin: dae majaid: je: lo" ru we' sho: mug' no; ra" sho: mug' yaug lao" wa dae gai: byaug mung: ai: yaug wa shao lho" va" mathao mae khin jaung pho" wa ai: yaug shao lho" va" ga: tau" phyid' zai ngaid nae".38 Myiqe: yaug gai khag' ngaid qere: , sho: qid mae aphyu lhang" dae boe" thug'39 li" re, – khin jaung pho" qu" ra" au: ave, ma" ma" mung: ngaid: re wa sho: qid dao mae ai: myaug: ru ngaid nae".40 Ai: yaug wa shao lho" ra". Xae shu: ra" yaug wa au: gyam" byaug qere: shao lho"41 ra". – Nga: lao: xae shu: ra" yaug wa nga: gyaid: ngaid qere: shao lho" ra".42 Au: gyam: mae ngaid ngaid , nga: gyaid mae ngaid ngaid ,phyu ne: ra" dae khu de; li" re apyaid' mae boe" ra" ye, gyaid:43 ngaid ra". – Ailao" khin jaung pho" qu" qu" mung: gaung sho: mae" ye, gyaid re" ru: apyaid' mae boe"ra" dae apau" ajhui: mae phyu ne: re ai: yaug mashao lho" ye, gyaid44 byu boe" va". – Au: mae mau byin: boe" ra" mathao mae ai: yaug wa mashao lho" lo: ga: khin jaung pho" tau" phyid' ca" nae".45 Ye, gyaid de; ra" yaug wa mai jaid: bau: jaid: ve, ca" nae". Au: re manghoe', nhaid'qid re nghoe' ci mung: mashao lho" mashao lho" ein: hug' kyo: ca" nae". –46 Mau byin: ai: ru magai gai wa yao: wa yao: mae mashao malho" boe" ra". Yao: yao: za: na ca" nae". Yao" na jao: wa vo yae mae ngaid ca" nae".47 Ye, gyaid de, yaug: mai bau: yao mug',48 jid: mo" mai bau: ngaid ngaid , – khyang gai ngaid ngaid khyang sho ngaid ngaid sho: qid mae re: , sho: qid: yang kaid' ra" zai pe"49 ja: ngaid qere: , – ai jham mae de; ra" mau byin: ai ne ne nyug nyug: ru de; ngaid: re , ye, gyaid ngaid: ra". Khin jaung pho" re50 qhu" qu" ca" nae". – Khin jaung pho" wa mau byin: de; ra" mai bau: re nhaid' ba gug:51 gug: za: shaung: to: ca" nae". – Nhaid' ba: ne, mae dam: qu" mung: mai bau: mae ai: mau byin: ai: khyang gai mae , khyang sho mae , sho: qid mae , sho: qid: yang kaid' ra" zai mae je" li" re wa mashao lho", zo"52 kyam" ye, gyaid de; va". – Ai: mai bau: re myi: mae ngha" pye' ca". Zo" kyam" ra" mau byin: de; ra" khyang gai , khyang sho, pin: mai bau: , yao mug' sho: qid zai yo jham re ngha" pye' ca".53 Khin jaung pho" wa qu" ca: qu" mung: khyang gai khyang sho mai bau: sho: qid zai yo jham mae maje" li" lo: ngaid: re, –54 mau byin: de; ra" zai yo re zab: cid' pye' nhao mung: nhaid' ba gug: gug: za: dam:55 shaung: to: ca" nae". – Ai re" ru: zab: cid' pye' thao khin jaung pho" dam: ca: qu" mung: mau byin: maje" li" lo: ngaid qere: ave, malai: re mashao lho" myi: ngha" pye' ca". Akhug adao mae qeim" ze" ru bo: ra".56 Khin jaung pho" qu" qu" re zab: cid' va" mai bau: mae mau byin: dae khu no, no, mung: ngaid lao" khyang gai , khyang sho , mai bau: , sho: qid zai mae" dae khu:57 gu: lao" caid' pye' ca" nae". – Ngaid qere: khyang sho mai bau: , sho: qid: yang kaid' ra" zai yo dao mae mau byin: dam: de; re zo" kyam" ra" mau byin: ngaid: ra". Ai re" ru: mau byin: de; ra" zai yo jham re ngha"58 pye' ca". – Khyang gai , khyang sho mai bau: , sho: qid: yang kaid' ra" zai khug' jham alhab' re cid' pye' mung: dae gai va" ngaid: re shid' lhang ein: dam: cid' mung: shao lho" zai ngaid: ra".59 Ai: gu: wa shao lho", mashao lho" ga" ru re tau" phyid' nae" ye, gyaid de; ra" mai bau: xug' khye' we' sho: qid: yang kaid' ra" zai jham we' tin" ra" cao" khyao jin kham ngaid: ra".