1 asang Moshe re dam: mho: ru wa –2 Ye, gyaid gyaid yaug wa shao lho" ra" ba na3 mae cao" pyang" nae" cao" khyao wa – Ai: yaug re khin jaung pho" wa vo yae khyo khai: jhui" ye: mung: qu" qu" re ye, gyaid4 gai: byaug va" ru dang: ngaid: re – Shao kyang" ru khae: yu nae" yaug: tau: khin jaung pho" wa shao lho" ra" ngho' adaui shid' dau: , shaug' sag' je, ne mo, taui: we'5 vhin" bau: dang" pyang: yu mung: , – yug: na: ra" qid gyaung: mae" qid re khae: ke' to" ra" myid ug' khug' mae ngho' dadau: re6 se' nhao mung: , – shaug' sag' je, ne mo, ra" taui: vhin" bau: dang" we' daga" ngho' adaui re yu mung: , ngho' sa: we' phaung:7 ra" qid mae deim" nhab' bin lao", – ye, gyaid shao kyang" nae" yaug dao mae nhaid' lhang pyi" sheim: mung: ai: yaug shao lho" va" tau" phyid' nae". Ai: thao ngho' daui8 re nhao: ke' nae" ngaid: ra". – Shao kyang" yu va" yaug we' yao" mai bau: re cid' zab: pye' mung: xae shao" sho' qaug: pye' lao" shao lho" nae" tau: gaung cid' ca". Ai: thao vo khug vao mung: yao" yham taung gaung9 mae nhaid' ba na ca". – Nhaid' ba ein: ba mae yao" xae , nhaid' mug' , myo, mhaung mug' mae" da du sho: mug' alhab' re qaug: pye' mung: yao" mai bau: zab: cid' bin lao" gaung cid' yang: shao lho" zai ngaid: .10 She' ba ein: ba mae re: no malo" ra" dazin yao lo: nau" shid' dau: , yao mo" dadau: , gaug zo xeim: kaid' nae" xau lhag' ra" cinmain" sam bye: we' xau dakhug'11 thaung: (loga:) ci: li" lao", – shao kyang" byid' ra" khin jaung pho" wa shao kyang" nae" yaug re volo seim zaung kham: dung: nhae asang: qhid' kheim: mae ai: ngaui" xeim: we' daga" qhaug' byid: ca" nae". –12 Ailao" khin jaung pho" wa yao lo: nau" dadau: yu mung: qobo khyaid' xeim: kaid' mung: asang: qhid' kheim: mae vo; pyao" xeim: khyo" xau dakhug' thaung: we' daga"13 vo; pyao: nae" ngaid: ra". – Ai: yao nau" re qobo khyaid' xeim: dau: se' ra" jo, qo shao gyang" ra" jao: mae se' ca" nae". Khoru: ga" re zam" khug xeim: sho: re khin jaung gai: yu: ru we' dakhyo: qobo khyaid' xeim: sho: re re: gai: yu nae" ngaid: ra". Ai wa shao14 lho" thao" ru ngaid: ra". – Khin jaung pho" wa qobo khyaid' xeim: dau: mae" sa: re yu mung: shao kyang" nae" yaug: lo, yo shaid' no: byin: , lo, yo lo, mo" cae: lo, yo khyid15 mo" cae: mae gyaid ca" nae". – Khin jaung pho" wa xau daqhae: yu yang: yao" lo,16 kaung: shaid' lo, vo: mae ke'mung: , – ai: xau re yao" lo, yo nyhug' yang thug' jam mung: asang: qhid' kheim: mae nhaid'17 lhang pyi" sheim: ca" nae". – Yao" lo, vo: mae dang: jo; ra" xau re shao kyang" nae" yaug: no: byin: , lo, yo lo, mo" cae: , lo, yo khyid mo" cae: mae gyaid: to" ra" sa: dao18 mae gyaid: laung: byid: ca" nae". – Yao" lo, mae dang shi" ra" xau re shao kyang" nae" yaug: au: dao mae vhe' sheim: mung: ai: yaug: tau: asang: qhid' kheim: mae caung19 da" byid: ca" nae". – Ai re" ru: khin jaung pho" wa shao kyang" nae" yaug: tau: qobo gyaid nae" tau: mae qobo khyaid' xeim: caung da" nae" ngaid: ra". Ai: thao mae phaid' ngaui" xeim: dau: re se' ngaui" nae"20 ngaid: ra". – Phaid' ngaui" xeim: dau: we' gaug zo xeim: re phain dao mae caung da" yang: ai: yaug: tau: qobo khyaid' kaid' byid: mung: yao: wa shao lho" nae" ngaid: ra".21 Ai: yaug myaung sho: yang: ai gu: maqo" aung ngaid: re vo; pyao" mung: yao" tau: qobo khyaid' nae" xeim: yao nau" dadau: , gaug zo xeim: xau we' khyaid' nae" xeim: yao nau" dadau: gaug zo xeim: xau we' lhag' ra" cinmain" dabye: (O"me:) we' xau dakhug' thaung: (daloga:) we' yao:22 gai: boe" gu: . – Jid: au shid' dau: mangaid: lao" phaung" kyug' nau" shid' dau: re qobo khyaid' nae" dadau: , phaid' ngaui" nae"23 dadau: ngaid ca" nae". – Ai mung: yao" gaung shao lho" lo nae" tau: asang: qhid' kheim: volo seim zaung kham: dung: khyo khin jaung pho" jhao" she, ba: ne, re ci: li"24 mung: , – khin jaung pho" wa qobo khyaid' xeim: dau: yao nau" we' xau dakhug' thaung: re yu mung: asang: qhid' kheim: mae vo; pyao" xeim: re vo; pyao" caung25 da" ca" nae". – Ai: yao nau" re se' mung: sa: re yu yang: shao kyang" nae" yaug: lo, yo no: byin: mae re: , lo, yo lo, mo" cae: , we' lo, yo khyid mo" cae: mae gyaid byid:26 ca". – Xau daqhae: re yao" lo, kaung: lo,27 vo: mae vhe' yu yang: , – ai: xau re yao" lo, yo nyhug' yang asang: qhid' kheim: mae28 nhaid' lhang pyi" sin" ke' ca" nae". – Yao" lo, mae dang shi" ra" xau re shao kyang" nae" yaug: lo, yo khyid mo" cae: , no: byin: mae re: , lo, yo lo, mo" cae: , lo, yo khyid mo" cae: mae re: qobo khyaid' xeim: dau:29 mae" sa: re gyaid mung: , – yao: mae dang: jo, shi" ra" xau re ai: yaug: au: dao mae vhe' gyain: mung: ai: yaug: tau: qobo khyaid' ru re asang: qhid' kheim: mae caung da" ca"30 nae". – Ai: yaug wa gai: boe" ra" khyo", jid: au shid' dau: ngaid ngaid phaung" kyug' nau" shid' dau: ngaid ca" nae". –31 Qobo khyaid' nae" xeim: dadau: , gaug zo xeim: we' daga" phaid' ngaui" nae" dadau: re ci: li" mung: khin jaung pho" wa caung da" yang: ai: yaug: tau: qobo khyaid' mau" re asang: qhid' kheim: mae caung da" ca"32 nae". – Cegu: wa ye, gyaid de, mung: yao: yao: shao lho" lo nae" tau: matho' qo" aung: ra" myaung sho: yaug we' tin" ra" cao" khyao ngaid: ga: mho: ra".33 asang wa Moshe we' Arun: re mho:34 ru wa – naonhaung" lo" sang nae" Ngo byid' ra" Khanain: mang: khyo naonhaung" joe" lo" ra" au: yham dayham yham mae35 Ngo ye, gyaid boe" nhao: re – yham sang wa khin jaung pho" jhao" ye: mung: nga" yham mae ye, gyaid de, nhohab ngaid: ra"36 ga: ta" lao" , – ai: yham mae jo; ra" gu: alhab' anyain: avho: maboe" nae" tau: khin jaung pho" wa ye, gyaid re mavao: qu" shi: re zai alhab' tai: thug' nhao ca" nae". Ai: thao mae khin jaung pho" wa ai: yham re37 vao: qu" mung: , – mau byin: re ca: qu" ra" au: laug cang khinqae akhaung: khain mae nyug nyug ne ne mung: khin qae mae38 mau byin: de, nhohab ngaid: re , – yham taung gaung khyo thug' mung: ai: yham re nhaid' ba kham: pyid' to: ca" nae". –39 Nhaid' ba ein: ba mae khin jaung pho" ye: dam: qu" re, laug cang khin qae mae je"40 li" re wa – mau byin: de; ra" laug baui re thaid' yu mung: anyain: avho: ngaid: ra" vo yae jo, qo khyo ye: shepye’ nae" tau: khin41 jaung pho" tau" phyid' byid: ca" nae". – Ai: khin qae akhug gam: sho' khyag' khyo" nhao mung: gyo" lo: ra" aphaui: jham re re: anyain: avho: ngaid: ra" vo yae jo, qo mae42 shepye' to" pye' ca" nae". – Azhao: mae" laug baui: jo, qo mae getau tha" ke' mung: myid au: naug: shain" te' pye' ca" nae".43 Ai re" ru laug baui thaid" pye' mung: yham re khyag' khyo" ru: , myid au: naug: shain: thao dalhang mau byin: dam: de,44 lao", – khin jaung pho" ye: dam: qu" mung: ai: yham mae dae khu je" laung" li" dang: ngaid: re, zo" kyam" ra" ye, gyaid ngaid: ra". Ai: yham wa mashao gyang" lo"45 mathao , – laug baui , sag' khao: , myid au: naug: jham re phyo' sin" pye' mung: anyain: avho" jo, qo vo yae khyo tai: khyo"46 pye' ca" nae". – Ai mae" getau , ai: yham re pyid' to" ra" au: yham khug khyo vao yaug wa myi" thao: ayo, joe" sho' mashao47 lho" lo: . – Ai: yham mae yab: ra" yaug zo: shaug' ra" yaug wa yao" mai bau: cid' zab: pye' ca".48 Ai: yham re myid au: naug: shain: yang: to: thao khin jaung pho" ye: dam: qu" re dae khu mamyao maje" li" lo: lao" wa mau byin: gai va" mathao ai: yham49 shao lho" va" ga: tau" phyid' ca" nae". – Ai: yham re shao kyang" nae" tau: ngho' shid' dau: , shaug' sag' je; , ne mo; ra" taui: , fin"50 bau: dang" jham re yu mung: , – yug: na: ra" qid khae: ke' to" ra" myid ug' khug mae51 ngho' dadau: se' mung: , – shaug' sag' je;, fin" bau: dang", ne mo; ra" taui:, ngho' daui re yu mung: ngho' sa: phaung: to" ra" qid mae deim" jam yang: ai: yham re nhaid'52 lhang pyi" sheim: ca". – Ai re" ru: ngho' sa: da du we' ai: yham re shao kyang" bin53 lao". – Ngho' daui re vo yae khyo tao" ke' mung: ai: yham: tau: qobo shao: ru re kaid' lao" shao lho" li" nae".54 Ai: ru wa shao lho" ru we' mashao lho" ru we' tin" ra" khyo re yao: bam ba: kho' khaui: nae" tau: ye, gyaid aja: ja: we'55 au: mhab mau byin: , – Mai bau: mae we'56 yham mae de; ra" ye, gyaid – yham mae boe" de; ra" ye, gyaid apau" ajhui: ai: dae khu jham we' tin" ra" cao" khyao ngaid: ga: mho: ra" .