1 asang Moshe re dam: mho: ru wa –2 nao wa Arun: we' yao: zo: qe Israel amyu"3 zo: qe re ta" kyo: nae" ru wa – Israel amyu zo: qe mae" dayaug wa yao caid' be, nung: jaung re vo khug' mae ngaid ngaid , vo yae4 mae ngaid ngaid se' ngaid: re – asang re qhaug' nae" tau: volo seim zaung kham: dung: khyo maci: li" ngaid: re ai: yaug wa kao phyid' ra" qobo qo" yaug ein nae" ngaid: ra". Yao: wa kao phyid' ra", ai: yaug re yao" amyu" khug mae" jao khae qab: pye'5 ru qhug' nae". – Israel zo: myid: qe seyo mae ngaid: ra" au: caung da" xeim: jham re volo seim zaung kham: dung: mae asang jhao" mae khin jaung: qhid' kheim: mae ci: li" mung: asang re zam" khug xeim: qhaug' ngaui" byid: nae" tau: cere" ru: kaid'6 ca" nae". – Khin jaung pho" wa ai: xeim: dau: mae" sa: re volo seim zaung kham: dung: nhae mae asang: phain dao mae pyi" sheim: mung: xau kug' re re: asang re nae ham: nae" tau: ngha" ngaui" nae"7 ngaid: ra". – Yao: bam qhid' phyao: shaid' nghung" lo: re" ru: thao phyao: yui jham re xeim: magai: qhaug' ngaui" lo: genae". Ce: khang" dao: wa yao: bam: amyu" byu ngug xe qae: cao" pyang" nae" khang" dao: ngaid nae".8 Israel amyu" zo: qe ngaid ngaid yao: bam mae bo: na: ra" getau: byumyu" ngaid ngaid phaid' ngaui" xeim: we' getau: xeim: pe" ja: ngaid ngaid caung da" nae" ngaid: re9 , – asang re caung da" nae" tau: volo seim zaung kham: dung: khyo maci: li" ko" re ai: yaug re yao" amyu" khug mae" jao khae qab: pye' ca" nae" ein: yao: bam re ta" kyo: ca" nae".10 Israel amyu" zo: qe mae" da du yao: bam mae li" bo: na: getau: byumyu" dayaug yaug wa sa: aja: ja: re zo: ko" re ai: yaug re Ngo qu" zhaug' to: mung: yao" amyu"11 mae" jao khae qab: pye' nae". – Khoru: ga" re gaung khyao: kao wa sa: mae taui" ra". Naonhaung" shaid' nghung" qobo: tau: ai: sa: re phain dao mae naonhaung" re byid: va". Byu: qobo re khyi nae" ru wa sa: ngaid:12 ra". – Airu: mung: naonhaung" khoyaug re: sa: magai: zo: nae". Naonhaung" mae li" khug ngha: ra" getau: amyu" re: sa: magai: zo: ein: Israel amyu" qe re Ngo ta"13 na va". – Israel amyu" zo: qe mae" da du naonhaung" mae li" khug na: getau: amyu" dayaug yaug sho: qho mung: zo: gai: ra" gug' nyhug', ngho' the' qo" kung" re sa: zhin: khyo" mung: myid zhai: gag: bam" pye' ca" nae".14 Gaung khyao alhab' kao daui: na: akhyo wa sa: mae taui" ra" mathao: yang naonhaung" wa pe" ja" gaung sho: sa: re gai: zo: genae" mangaid: ein: Israel amyu" zo: qe re Ngo ta" na va". Gaung khyao ga" ra" gu: alhab' wa sa: mae taui" ra" mathao: yang sa: zo" ra" yaug khag' ngaid qere: kao15 so' qab: pye' ru qhug' nae". – Naonhaung" khug mae" ngaid ngaid getau: amyu" ngaid ngaid yao: shid: ra" sho: mao , myang kha: zoqhid: yang bin" se' ra" sho: mao ngaid ngaid , phyo' zo: yaug wa yao" mai bau: zab: cid' mung: gaung re: cid' ca" nae". Myi" thao: ayo, joe" sho' mashao lho". Ai:16 thao mae shao lho" li" nae". – Mai bau: mazab: cid' gaung macid' re yao" qobo yao: phau: nae" ga: asang khang" to" ra".