1 asang Moshe re dam: mho: ru wa –2 nao Israel amyu" zo: qe re xo' kyo: nae" ru mae Ngo wa gug: mang: dae gam ug:3 naonhaung" asang Mo"so ngaid: . – Naon- haung" na: qu" va" Egutu mang" ali ave, re re: , naonhaung" re Ngo jhui" dai" nha: Khanain: mang" ali ave, re re: , naonhaung" maci , yao: bam: gau: khyo re magai: cao"4 genae". – Ngo ta" to" ra" dao: thang: re naonhaung" cao" mung: Nga" khang" dao: tarha" re cao" pyang" ca" genae". Ngo wa5 naonhaung" asang Mo"so ngaid: . – Ai mung: Ngo ta" to" ra" dao: thang" cao" ca" genae". Ai jham re cao" pyang" ra" yaug wa ai: dao mae kao daui nae". Ngo wa asang ngaid: .6 Naonhaung" mae khag' ngaid qere: yao: yao: we' madau ma-ang: ra" yaug re gaung sho: magai: zam" tin: nae". Ngo wa7 asang ngaid: . – Ni" pho" we' tin" ra" ni" myhi" re gai: te' nae" mangaid: . Yao: wa ni" myhi" ngaid: ra" mathao mae maye: gai:8 zao" tin: nae". – Yao" yao: pho" yham sang myhi" ga" ru khoyaug re re: maye: gai: zao" tin: . Ai wa yao: pho" we' za: tin" ra". –9 Danug' shaug' ra" nhae: mo" ngaid ngaid , getau: yao: pho" mangaid: lao" yao: myhi" aung mae" gyo" ra" nhae: mo" re magai:10 zao" tin: nae". – Yao: yao" aung mae" gyo" ra" yao: myid: re magai: zao" tin: nae". –11 Yao: myhi" getau ngaid qere: pho" qhain" ra" nhae: mo" re magai: zao" tin: nae". –12 Ni" pho" yao: nhae: mo" re magai: zao" tin: nae". Yao: wa ni" pho" sa: sho: ngaid:13 ra". – Ni" myhi" yao: bai: yao: nhaung: re gai: tin: nae" mangaid: . Yao: wa ni" myhi"14 sa: sho: ngaid: ra". – Ni" pho" yao: mao: yao: nhaung: we' za: tin" ra" ni" mo" ni" thao" ngaid: ra" mo, re magai: zao" tin:15 nae". – Ni" zo" yham sang myhi" ngaid: ra"16 dau mo" re magai: zao" tin: nae". – Mao: nhaung: pho" yham sang myhi" re magai: zao" tin: . Yao: wa ni" mao: ni" nhaung: we'17 za: tin" ra". – Yao" yham sang myhi" we' danug' shaug' ra" yham sang myhi" yao: zo: zomyi: , yham sang myhi" zo: myid: zomyi: magai: zao" tin: nae". Ai: wa nyain: vho:18 mau" ngaid: ra". – Yao: yao" yham sang myhi" re zai" nhaung" ru boe" nae", yao: kao daui: na shi" au: yao: bai: yao: nhaung: re magai: yu nae".19 Mai ci yang: mashao lho" ra" myiqe: re20 re: magai: zao" tin: nae". – Ni" gaung re khang: yam: nhao nae" ngaid: ra" su: myi:21 magai lhaid' nae". – Ni" zo: zolau: zomyi: re Moled mo"so re magai: phaid' ngaui" nae". Ni" Mo"so: mang khyao: re magai:22 khyoe', Ngo wa asang ngaid: . – Myiqe: we' gaung sho: zam" re re" ru: yaug gai yao: cao: magai: zam" nae". Ai wa anyain: avho:23 ngaid: ra". – Yao: yao" gaung re anyain: avho: boe" nae" mung: gug' nyhug' we' magai: zam" nae". Myiqe: re: gug' nyhug' qe: yang zam" ru magai: khae: yu nae". Ai wa nyain: vho" lhau: lhag' ru boe" ra".24 Airu" ra" mau" yang yao: yao" gaung re magai: nyain: vho: nae". Naonhaung" qhid' kheim: mae" Ngo khe' thug' sin" ke' ra" byumyu" jham wa airu" mau" kaid' mung:25 nyain: vho: ko" ra". – Yao: bam: mang: din" re: nyain: vho" ra". Anyain: avho: mathao mae Ngo yao: bam re qobo dae byid: mung: , yao: bam: mang: din" re: yao" yao:26 zo: qe re phoe" pye' genae". – Naonhaung" kam" wa nga" tarha" we' khang" dao: re27 cao" pyang" na genae" ngaid: ra". – Ai: mang: din" wa qhid' phyao: mae" amyu" re phoe" pye' ru re" ru: anyain: avho: dam: qhug' mung: naonhaung" phoe" pye' ru maqhug' veshao: naonhaung" yao: re: naonhaung" mae khug ngha: na mo, re: airu" ra" anyain: avho" gau: khyo re magai:28 cao" genae" – Qhid' phyao: mae" byu qe airu" ra" anyain: avho: kaid' ko" ra" mathao ai: mang: din" wa anyain: avho: boe" ra". –29 Airu" ra" nyain: vho: mau" re kaid' ra" yaug kam" wa yao" amyu" khug mae" jao khae30 qab: pye' ru re khae: yu ca" nae". – Airu: mung: qhid' phyao: mae" byu qe cao" ra" nyain: vho: mau" mae naonhaung" bo: cao" mung: yao" gaung re yao: anyain: avho: maboe" nae" tau: Nga" khang" dao: re cao" na ge, Ngo wa naonhaung" asang Mo"so ngaid: ga: mho: ra".