1 Israel amyu" labug: byumyu"qe re" ru: ngaui myid bo mung: dathug' jhu: ge,. Yao: yao" Mo"so re nhaung thao" phaug' mung: getau: Mo"so we' shaid' nghung: veko". Gaug be, jao: alhab' mae mashab makhy-2 ang" ru re ngaui veko". – Gaug be, gaug nao: jao: we' sabyi' qang: pyag' jao" yang kao daui genae" mangaid: sabyi' qang: re: yao: bam myid: ra" nho" mathug' nae". –3 Ephrim: amyu" qe wa Mo"so byid' ra" mug: myid maqhug' na lo: Egutu mang: khyo dam: tug' ye: mung: Asuri' mang: mae anyain: avho" zo: shaug' re zo" li"4 genae". – Yao: bam wa sabyi' qang: keim: yang maqo" tang: ngaui" genae". Ai: ngaui" xeim: re o ngaui: ru mangaid: . Ai: xeim: sho: wa mao dai" mo; thao mae cao" ngug: ye" ra" mo; vo zo re" ru: boe" mung: zo" ra" mo, alhab' re: anyain: avho: boe" genae". Yao: bam: zo: pho: re yao: bam yao: zo: geshao: . Mo"so: yham khug khyo da ci:5 vao ge, . – Tau" phyid' to" ra" poe ba na we' AsAng: poe ba na mae naonhaung"6 khoru: ein: kaid' genae" i"? – Byo, qeim: khug mae" yao: bam thug' lo" veko". Ngaid qere: Egutu mang: mae zang" ham mung: Menphi vo mae nyhab' shaung genae". Ngaui hhang: yang shaung yhaung" to" ra" jhaung: yham jham mae zau: gae aja: ja"7 yang yaug: nghoe' pye' genae". – Qobo dae byid: nae" ayo, akhin: joe" va". Ayo, joe" va". Israel amyu" qe ba: li" genae". Lapa wa pyaid' khyaid' boe" nae". Solo: jhaung qhu" qo" ra" yaug wa ago ngaid: ra". Nao mae qobo myo: laug: ru we' dakhyo: qi:8 sho' byo, qeim: ru qhug' nae". – Ephrim: wa yao" Mo"so zaung" lhaug' yaug boe" qu" va". Lapa pho" wa ja: khao: ngo" mae sho: kung"yaug: vo" taui: kheim" boe" ra". Yao" Mo"so: yham mae gye kaid' yaug9 ngaid: ra". – Gibea vomo" ta lahau: jo; ru we' dakhyo: yao: bam saung" nyain: vho: veko". Yao: bam: qobo re myid: beim" myao mung: yao: bam: qobo: mathao mae pyam" yhin" nae".10 Seyo mae sabyi' shi: re" ru: Israel amyu" re Ngo qhug' ra". Zaui" qhid: ra" pho' ham" gae mae sao qhid' mhang" ra" pho' ham" shi: re" ru: naonhaung" phug' phyid' qe re ngo myao: ra". Yao: bam wa gau gau za: Balapi ra" mo"so jhao" ye: mung: yao: yao" gaung re aqho' axag' tau: qab: pye' mung: gaung sho: mhin shab' ra" mo, anyain: avho: mau" re zaui: so:11 veko". – Ephrim" ham" hung: wa ngho' re" ru: dao" lo" li" nae". Khau: ru gaung laui: la" ru zo: myhung nyhug maqo" lo:12 genae". – Zo: dau khau myhung gengaid yang: re: dayaug lao" madang lo: ngo lhaid' yu: pye' nae". Gai gai: yao: Ngo yao: bam re shepye' lao" yao: byuxa: vo qoe; ru phau:13 vegeshao: . – Ephrim: we' Turu vomo" ru myain yo: ra" jo, qo mae jo, nho hab ngaid qere: yao" zo: dau qe re byu se' mo; lo, mae14 qhaug' pye' ca" nae". – Mo"so we" yao: bam re byid: wa, khoru" ru byid: nae" i"? ein: re zo: malaui lo" vae: dug: nug' qang:15 mathug' ra" qao bam re byid: wa, . – Gilig- ala, vo mae yao: bam zai" shaid' ra" yug: no bo mung: ai: jo, qo mae yao: bam re Ngo nhag' gyid' va". Yao: bam zaui" shaid' qobo mathao mae Nga" yham mae" keim" thug' pye' nae". Thao dalhang yao: bam re Ngo majhid' kao lo: yao: bam: zug: jham alhab' re: tau: lhain: ba: ra" mo, ngaid genae". –16 Ephrim: dae de' ru thaung" qhug' yang: agyi: kyaug' lo"mung: ashi: maqo" gai: zaui: Zo: dau khau geyang: re: je: jhid' de;17 ra" zolho" re ngo se' nae". – Nga" Mo"so: dao: re matae" gyo: ko" ru: yang shelhaui" pye' mung: yao: bam wa labug: amyu" qe: phaung mae jo, qo khyi" khao: ngo" mae lae" lhang: qin" genae".